ليش ما يعلنون أسماء الـ 130 موظف المقبولين في الاعلانات الاخيره؟!! عشانهم دماء زرقاء؟

الكاتب : مشغل مصفآه | المشاهدات : 2,776 | الردود : 13 | ‏2 أكتوبر 2014
  1. مشغل مصفآه

    مشغل مصفآه بـترولـي نشيط

    128
    0
    0
    السلام عليكم ورحمة الله وبركاته

    يا جماعه انا بعرف ليش هالمره ال130 شخص ما نزلوا أسمائهم ؟؟

    ليش نفط الخليج واوسكو ينزلون الرقم المدني والاسم ؟؟ والكي او سي متكتمه على الاسماء ؟؟


    كل هذا عشان الفضايح ؟ على العموم حنا شكّانه عند القضاء باذن الله والقضاء هو الفيصل وباذن الله راح نعيد الاعلان او يوظفون جميع الاخوه اللي تقدموا للاعلانات الاخيره (الجامعيين الخبره وحديثي التخرج)


    واحب أبلغكم اللي يبي يشوف بعض الاسماء المقبوله يدش على انستغرام الكي او سي اوفسال .. ويشوف الناس تبارك لربعها وراح تدرون انها فئه معيّنه من أصحاب الدماء الزرقاء استحلوا القطاع النفطي للوظائف الجامعيه وخلوا لكم الدبلوم :)





    نطالب بكشف الأسماء بأسرع وقت من فريق التوظيف



    وما راح يردنا الا القضاء ..



    سنوات وحنا ساكتين عيالنا يتوظفون بالديوان ورواتبهم 800 دينار وعيالهم اول مربوط 2000



    القطاع النفطي والوظائف القياديه والجامعيه ليست حكر عليكم يا عيال الطبقه المخمليه



    ابوه يملك ملايين ( يسرق ملايين ) واخرتها ياخذون مقعدك في الوظيفه ومقعدك في البعثات


    حتى البنك الصناعي والـ 2 مليار حطوها لعيالهم

    عيالهم ياخذون نص مليون ومليون واكثر .. وعيالنا 30 ألف ويذلونهم عليها ..





    نرد لموضوعنا .. نبي كشف الـ 130 اسم لانها مو سريه ولا راح تصير سريه ..

    تحلّوا بالشجاعه لو مره وحده :)


    =====================================
    إقرأ ايضاً:
    تحديث: تعيين 130 جامعي بشركة نفط الكويت بدون أعلان!!
     
  2. mr.gzeez

    mr.gzeez بـترولـي جـديـد

    8
    0
    0
    صح لسانك؛
    لازم نشوف حل لهالموضوع
     
  3. Kuwaitism

    Kuwaitism بـترولـي نشيط

    63
    0
    0
    حسبنا الله ونعم الوكيل فيهم ..... صبرا جميل والله المستعان

    أن شاء الله راح يبطل التسجيل بعد العيد فخل ننطر لبعد العيد والله يكتب اللي فيه الخير للجميع
     
  4. بو أحمد الوفراوي

    بو أحمد الوفراوي بترولي خاص أعضاء الشرف

    219
    1
    16
    يجب إعلان الأسماء ......الموضوع في إن ويجب على النقابات التحقيق في هذا الموضوع وشكرا
     
  5. Sinatra

    Sinatra بـترولـي جـديـد

    11
    0
    1
    ياخوي ارجع للموضوع اللي بالقسم هذيل قابلينهم من زمان مو مزرقينهم
     
  6. Yousef Mubarak

    Yousef Mubarak بـترولـي نشيط

    76
    1
    0
    هذول قابلينهم من زمان اخوي
     
  7. hamoood

    hamoood بـترولـي نشيط جدا

    438
    44
    28
    ذكر

    يعني بكل وظيفه لازم ينشرون اسماء المقبولين ! مو شرط الشركه تخلي الناس كلها تعرف هذا انقبل لانه مو ضروري تعرفون و حتى لو تعرفون يعني مايستحقون الوظيفه و حتى لو تطلب الكشف بو 130 على قولتك دامهم داشين اختبارات و مقابلات كل شي تم رسمي و على فكره محد عنده مربوط 2000 اول تعيين مثل ماذكرت الا اذا خدمته 15 سنه بالنفط و كمنصب مدير او نائب عضو منتدب قريد 18 كمهندس و بالنسبه للديوان 800 على قولتك كل واحد و مجهوده تقارن ناس تداوم 8 ساعات بناس تداوم 6 ساعات و دوامهم فلاتي عكس النفط احنا عرضي و طارئة ماعندنا و الاجازات السنوية ماتتركاهم يروح الرصيد و حاسدينا عالرواتب روح قارن بين ديوان المحاسبه و الاستثمار و مجلس الامه تقريبا فرق عن النفط 50 دينار بس الناس تسوي روحها ماتدري غصب تشوف رزق غيرها جم ياخذون
     
  8. املي بالله كبير

    املي بالله كبير بـترولـي نشيط جدا

    اقولها لك اخوي <<< ماراح يعلنون شي
    يقولون لك اعلان قديم <<< يعني انسي الموضوع ما يبون يتكلمون فيه و خلها علي الله
     
  9. مشغل مصفآه

    مشغل مصفآه بـترولـي نشيط

    128
    0
    0

    ليش ما يعلنون الاسماء ؟؟

    اذا هذي قناعتك ان مو لازم الكل يدري انه انقل


    معناته لا يعلنون اسماء المقبولين في بعثات الشركه؟

    لا يعلنون اسماء المترقين في الجريده الشهريه للشركه ؟؟

    معناته لازم باجي شركات القطاع النفطي ما تعلن اسماء المقبولين ؟؟



    حجي فاضي


    اذا ما اعلنوا الاسماء راح نقاضيهم بعد العيد مباشره
     
  10. tortuga

    tortuga بـترولـي جـديـد

    19
    3
    0
    صحيح ان الواحد ينقهر لما ينطر اعلان ويحاتيه واخر شي تلاقي ناس يتوظفون علشان الواسطه. الله يعينكم والله, انا نطرته 9 اشهر وكل يوم على اعصابي شلون عاللي طاف السنه !

    لكن السؤال هل في قانون يجرم التوظيف من غير اعلان , او هل نزل اعلان قديم وانقبلو فيه على قولتهم ؟ يمكن خاشين اعلان تحسبا لأي مقاضاة


    مع تمنياتي للجميع بالتوفيق والنجاح.
     
  11. Dodanvic

    Dodanvic بـترولـي جـديـد

    41
    0
    0
    يا حبيبي انا واحد من المقبولين واحنا مقبولين من شهر ١٢ محطوطه اسامينا ارجع لموضوع اسامي المقبولين بالاعلان مال كي ان بي سي كل الاسامي موجوده


    وتوه هالسالفه طالت غيرو الموضوع وشدو حيلكم بالاختبارات الجايه وان شاءالله تنقبلون وانا دمي احمر ومقبول ابشرك عادي تنقبل
     
  12. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    والله فعلآ ياخوي هالشي اللي صار شي يضيق الخلق ويحزن ،،،

    بس انا اشوف انه ماله داعي يعلنون أسماء الـ 130 موظف المقبولين !!
    (من غير إعلان توظيف)
    لأنهم توظفو والله يوفقهم إن شاءالله ،،

    لكن أطالب بإعلان أسماء الأشخاص القائيمن على هذا التوظيف ؟!!


    وحسبي الله ونعم الوكيل ...

     
  13. tortuga

    tortuga بـترولـي جـديـد

    19
    3
    0
    انا توقعت ان في ناس انقبلوا معانا شهر باعلان 2013 ولكن مثل ما انت شايف مركز التدريب انترس اظاهر توه تبدي كورساتهم.
     
  14. hamoood

    hamoood بـترولـي نشيط جدا

    438
    44
    28
    ذكر
    عادي مركز التدريب البترولي يستقبل متدربين جدد عقب سنه ونص بعد توقيع العقد ماكو مشكله مو معناته توظفو من غير اعلان
     
جاري تحميل الصفحة...

مشاركة هذه الصفحة