فكره من وحي الخيال..

الكاتب : العابر | المشاهدات : 819 | الردود : 13 | ‏20 يناير 2008
  1. العابر

    العابر بـترولـي خـاص

    السلام عليكم ورحمة الله وبركاته...


    في هالجو البارد جدا خطر في بالي فكره ولا أدري تعجبكم ولا لأ مع أني أشوف إنها راح تكون هادفه وتخدم كويتنا الغاليه والشركه وتخدمنا كموظفين وأفراد بس للتوضيح فقط مجرد فكره وأنا واثق إنها مش حتطبق وإنها من عالم الخيال الواسع...
    الفكره عباره عن...
    لموظفين الصباحي تقريبا يكون لهم نصيب الأسد فيهل لأن أهل الشفتات صعبه تنطبق عليهم الفكره....!
    الفكره طال عمركم والسلامه يداوم الموظف من الساعه 7 ويشتغل ويقوم بواجباته وأول مايحس إنه خلص يستأذن ويروح خلاص إنتهى الدوام بالنسبه له لأنه قام بالعمل المطلوب منه كلنا ندري إن الموظف يداوم 8 ساعات نظام الصباحي وفي ال8 ساعات هذي لو نحسب شغله أو وقت عمله الفعلي إلي يقوم فيه يتراوح من 2 إلى أربع ساعات والباقيه مابين ريوق وسوالف وجرايد وانترنت ويمر عالزملاء في الدوام يعني يحرك نفسه ووقته ينقضي
    أعتقد لو إنه يطبق الفكره هذي راح يجي الموظف ويكون مجتهد ويقوم بواجباته ويمشي وطبعا اذا فرضنا بالقسم 7 موظفين يمشون إلي خلصوا شغلهم ويبقون عدد 2 موظفين سبحان الله حاله طارئه ولا أي شي يحصل من خارج الحسبان وطبعا إلي مشوا يكونون متقبلين الوضع لو يجيهم إتصال يرجعون الدوام...
    أنا اشوف هالفكره بتخلي الموظف يحب الدوام لأن الدوام وقتها خفيف عالقلب
    بعدين يداوم الموظف وكله حيويه ونشاط وإجتهاد وبيتقن عمله وبتكون نظريته بالعمل (لا تؤجل عمل اليوم إلى الغد) بكل بساطه لأن السالفه فيها طلعه...
    بعدين دوام 8 ساعات فيها ملل وروتين ممل وتعب عالفاضي والشغل مايخلص لأن عمر البني ادم يخلص قبل الشغل...
    هذا إلي عندي وأحب أعرف ردودكم ومدى نجاخ الفكره
    وياعساها تكون من سياسة الشركه ويطبقونها ويصر الخيال حقيقه وأوعدكم بحلم أحسن وفكره أحسن بس طبقوها...
    أسف عالإطاله...
    والسلااام ختام..
     
  2. العابر

    العابر بـترولـي خـاص

    الله خوووووووووووووووووووووووووووش فكــــــــــــــــــره


    أرفع لنفسي !
     
  3. brilliant

    brilliant المـراقب الـعـام

    8,477
    0
    0
    Engineer
    Kuwait
    ان اردت ان تطاع فأطلب المستطاع :)
     
  4. العابر

    العابر بـترولـي خـاص

    ياجماعه فكره والله فكره

    بس إذا طبقوها شي جميل....
     
  5. المهندس

    المهندس بـترولـي خـاص

    1,305
    8
    0
    المشكله الشغل يجيك في اخر لحظه في الدوام - بعض الاحيان نكون مخلصين شغلنا وقبل نهايه الدوام تطلعلنا شغله مادري شلون ههههههههه ولازن ايرجنت.

    انا اقول لو يخلونا اون كوووول - متى ما بغونا في شغل يدقون علينا.

    البرد وما يسوي
     
  6. أبو خالد

    أبو خالد بـترولـي نشيط

    129
    0
    0
    محاسب
    الكويت
    خوش فكرة ... لو عقليات المدراء عندنا ... على مستوى أعلى من الموجود حاليا (كان تغيرت أمور كثيرة)
     
  7. أبو خالد

    أبو خالد بـترولـي نشيط

    129
    0
    0
    محاسب
    الكويت
    نسيت أقولك شغلة


    رح الله يوفقك ( وفالك القريد)
     
  8. workerq8

    workerq8 بـترولـي مميز

    613
    6
    18
    جوجل أحد أبرز شركات العالم وأسرعها نمواً ، بدأت برأس مال لا يزيد عن 100 ألف دولار قام بدفعها أحد المستثمرين ذوي الرؤية الثاقبة لدكتورين جامعيين في كراج للسيارات وفي أقل من عشرة أعوام تجاوزت عوائد الشركة 10 مليار دولار وأرباح تجاوزت ثلاث مليارات دولار .

    تعتبر شركة جوجل ثاني أفضل مشغّل في العالم بعد شركة (ماكنزي) إذ تتميز الشركة بثقافة عمل لا نظير لها في أي شركة أخرى ، فعلى الرغم من أن الشركة تجمع عدد كبير من أفضل العقول والخبرات في مجال الكمبيوتر إلاّ أنها توفر جو من المتعة والمرح لموظفيها من الصعب أن تجده في أي بيئة عمل أخرى .

    يوفر مجمع جوجل الكثير من الخدمات الممتعة للموظفين منها : نادي رياضي ، مركز لكي الملابس ، مسبحين ، ملعب رملي لكرة الطائرة ، طاولات بلياردو ، ألعاب كمبيوتر ، كراسي للمساج ، حلاق ، وما يقارب الـ 12 مقهى .

    في مقابلة مع بعض موظفي جوجل قالت إحدى الموظفات:» حتى لو لم تدفع لي جوجل راتباً شهرياً فإنني سأظل أعمل فيها.

    منقول
     
  9. العابر

    العابر بـترولـي خـاص

    فالنا وفالك القريد انشالله وفال الجميع

    ومشكورين الأراء الطيبه..
     
  10. المخدوع

    المخدوع بـترولـي نشيط

    60
    0
    0
    العابر ليش ما يحطونك مسؤل
     
  11. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    ماشالله عليك

    فكره حلوه

    الله يعطيك العافيه
     
  12. n3n7

    n3n7 بـترولـي نشيط جدا

    271
    0
    0
    يامعوووود انسى يصير هالموضوع وانا اقووول اخذ حلاوة الدوام وضبطوا حالكم قبل لا تجيكم البصمه
     
  13. ابو عبدالله37

    ابو عبدالله37 بـترولـي جـديـد

    13
    0
    0
    من قالك هالفكره غير موجوده بالواقع ؟؟

    بعض الاقسام مضبطين حالهم ومقسمين العمل بينهم والمسئول راضي وبالعكس هالقسم ماتلقى الشغل واقف
    بس انك بتعطيها صبغه قانونيه صعب حيل يعني من الافضل ان الاقسام مع مسئولهم يسونها من تحت لتحت بالخفا
     
  14. h2s

    h2s بـترولـي نشيط

    54
    0
    0
    بالنسبة للأخ إلي اتكلم عن شركة جوجل فأحب أقوله
    أن شركة جوجل مافيها مدرة ومسئوليين بعقلية مسئولينا الي غالبا ما تكون متخلفة او حقودة وكارها نفسها
     
جاري تحميل الصفحة...

مشاركة هذه الصفحة