إستفسار ودي اتوظف بالقطاع النفطي بس متردده..(ساعدوني)

الكاتب : 3waba | المشاهدات : 1,460 | الردود : 9 | ‏16 أغسطس 2014
  1. 3waba

    3waba بـترولـي جـديـد

    2
    0
    0
    السلام عليكم ورحمة الله وبركاته
    الكل يعرف انه التوجه للقطاع الخاص يبيله تفكير الف مره
    بس انا اذا بنطر ديوان الخدمه المدنيه عشان يوظفوني .. يمكن اتقاعد قبل ما اتوظف
    شلون لاتسالوني
    المهم
    انا قررت خلاص بعد تفكير اني اتوجه للقطاع النفطي
    بس اللي ابيكم تساعدوني فيه اهو
    هل اهوا يناسبني من ناحية اني امرأه متزوجه:confused:
    ومؤهلي الدراسي اهو ( ملاحه/فنية شبكات لاسلكيه/ثانويه/سنتين ونصف)
    خريجة من المعهد العالي للاتصالات والملاحه شهادتي دبلوم بتقدير جيد جدا
    كيفية العمل هل هو صج كراف كراف وساعات عمل طويله للكل
    او انه المرأه غير يعني اخف شوي ومن اي ساعه الى اي ساعه الدوام تقريبا يعني
    وشنو سالفة العقود هذي مافهمتها عدل هل اني اتعاقد مع الشركه مده معينه ولا شنوو بالضبط
    والله عندي اسأله ماتنتهي بس حاليا هذا اللي بغيت اعرفه
    واللي يقرا موضوعي وعنده جواب ومايكتبه الله يسامحه
    واللي يجاوبني عسى والدينه للجنه

    ومشكوووررررررين :):):):)
     
  2. mohammed aldamkhi

    mohammed aldamkhi بـترولـي جـديـد

    9
    0
    1
    دوام الحريم اخف وايد بس اذا عندج واصطه قدمي ماعندج نطري اديوان احسلج
     
  3. Yes

    Yes مشرف منتدى القطاع النفطي الخاص مشرف

    379
    136
    43
    ذكر
    موظف في #القطاع_النفطي_الخاص
    الكويت
    السلام عليكم ورحمة الله وبركاته

    لا يناسب الفتاة أبداً ولا سيما الفتاتة المسلمة التي تود المحافظة على قيمها الإسلامية الأصيلة.


    نصيحه لله... المرأة القطاع الحكومي ملائم لها (مع التحفظ) ويضمن لها دخل شهري من غير تعب كثير.


    والأفضل عدم العمل للمرأة خارج بيتها إلا لسد نقص بمكان حساس كالأماكن المحتاجة لموظفات نساء كدكتورة للنساء في مستشفى نسائي الخ..


    حيث ان الأصل في المجتمعات جميعا أو أغلبها ان الرجل هو من يكدح والمرأة هي من تجتهد في تربية وإدارة البيت والعائلة الخ.. من مهام عظام..


    والعقود هي عبارة عن شركات متعاقدة مع الدولة(لخدمتها في احد القطاعات) اتفقت مع الدولة على اتفاق معين لتوظيف مواطنيها والتخفيف من البطالة المتزايدة للحد من الإحتقان الوطني على الدولة وفشلها بتوفير وظائف وإستثمار أموال الدولة في خلق تنمية فعالة مستقله جاذبة للغير..

    يعني المواطن يصبح عاملا لدى العامل المكفول من قبل كويتي ليزاول عمله في الكويت ومع الحكومة الكويتية.

    والعقود تكون بين الشركة والموظف نفسه وغالبا ما تكون مدتها من ستة6 أشهر ويجدد أو سنتان2 ويجدد بعدها(ارجو الإطلاع على العقد في التوقيع أسفل لتتضح الصورة أكثر)..


    تقريبا المواطن يصبح كالمقيم في وطنه !!



    وفقنا الله وإياكم لكل خير


    والسلام عليكم ورحمة الله وبركاته
     
  4. عبدالله الملا

    عبدالله الملا بـترولـي نشيط

    50
    0
    0
    صح 8 ساعات باليوم بس معاش قوي ودوام خفيف للمراه وعلى حسب المكان -في ناس ما يداومون خير شر
     
  5. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    اختي نصيحه لله وانتي حره بأختيارج ،،،

    إذا الوظيفه بالقطاع النفطي ((الخاااص))
    ماااانصحج فيها لأنها تعب بتعب حتى لو كنتي تداومين بإدارة الشركه واقل دوام فيها 9 ساعات ووالله لو تستاهل جان وظفت فيها الأهل ،،
    ومن رأيي تشوفين القطاع النفطي (الحكومي) أفضل وأضمن ويكفي الاهتمام اللي بتشوفينه من دوامج لج ،،

    وهذا رأيي بالقطاع النفطي الخاص (الفاشل) ...

    وانتي حره بقرارج وبالتوفيق أن شاءالله. ،،،



     
  6. HKA

    HKA بـترولـي جـديـد

    4
    0
    0
    والله يا اختي ما انصح انا صارلي 14 سنه بالقطاع الخاص ماني قادر ابني بيتي كل ما اروح بنك يقولي مااعطيك الشركه مو معترف فيها هذا ابسط شي ممكن يواجهج بالقطاع الخاص وغير القوانين اللي من داومت وانا اسمع فيها ولا اشوفها قطاع الحكومي احسن في استقرار و موفقه
     
  7. code1101

    code1101 بـترولـي جـديـد

    18
    2
    1
    اختي احتمال ما يقبلونج القطاع النفطي الخاص و اذا اقبلوج راح تنكرفين و السبب شهادتج ... كلام الاخوة صحيح ان العمل بالنسبة حق الحريم مو وايد بس هذا ابتخصصات نفس السكرتارية او الموارد البشرية و انتي ما راح ياخذونج هالاماكن لان تخصصج فني مو اداري.

    علشان تخصصج احتمال ما تلقينهم يطلبون اناث حق هالوظايف و اذا اطلبوا الشغل راح يكون متعب جدا و مقرف.

    النصيحة اللي اقدمها لج انج تصبرين بعد على الديوان لكن اذا مو قادرة و محتاجة فلوس توكلي على الله و قدمي على النفطي الخاص اذا اطلبوا تخصصج بس نصيحة اذا قدمتي و انقبلتي لا تاخذين قرض و لا تلزمين روحج باي ارتباطات مادية على الاقل لمدة سنة علشان اذا لاعت جبدج مثلنا ما اتكونين بحاجة لهم و تقدرين اتقطين ورقة الاستقالة بويه اكبر راس فيهم و لا هامج شي.
     
  8. 3waba

    3waba بـترولـي جـديـد

    2
    0
    0
    جزااااكم الله الف خير اخواني


    بعد اللي قريته شلت الموضوع من راسي
    ويعطيكم الف عافيه
    وننطر الديوان مع انه مبين اني بنزرع لين ينزلون اسمي
    الله كريم
    موفقين
     
  9. Embedded

    Embedded بـترولـي نشيط

    52
    0
    0
    السلام عليكم ,

    اوافق جميع الاخوه ما قالوه , لكن انا اأمن بالنصيب والقناعه.

    ان كنتي تبين تنتجيد وتتحدين وراضيه بالراتب الله راح يباركلج فيه.

    انتي جزء من المجتمع , اهلا وسهلا بك

    شكرا
     
  10. algabry911

    algabry911 بـترولـي نشيط

    71
    0
    0
    الله يجزاك خير أخي yes صدقت أصبحنا مجتمع مادي بحت همه الثراء والمال بأي طريقة للصرف على الكماليات

    اللهم إختم لنا بالصالحات
     
جاري تحميل الصفحة...

مشاركة هذه الصفحة