جاك الموت ياتارك الصلاة ... فنشوني !!!

الكاتب : العووود | المشاهدات : 1,804 | الردود : 13 | ‏28 يوليو 2014
  1. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    أولآ / كل عام وانتم بخير وتقبل الله طاعتكم ،،

    اخواني ابشركم فنشوني ((غياب مستمر)) !!

    وحبيت اعرف إذا لي شي من الشركه ؟!

    يعني في شي اخذه من الشركه والتأمينات ولا بس أقضب الباب واتوكل على الله ؟!!


     
  2. JayQ8

    JayQ8 بـترولـي نشيط

    105
    0
    16
    الله يعينك :\ اي شركه؟

    اكيد لك نهاية خدمه من الشركه..نص راتب عن كل سنه خدمه زائد رصيد اجازاتك اذا عندك..اذا ماني غلطان..

    التأمينات مالك شي عندهم
     
    آخر تعديل: ‏29 يوليو 2014
  3. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    شدعوه مالي شيء بالتأمينات ؟!!

    واحد من الربع خدمه سنه وحده طلع له ألف وكسور !!



     
  4. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    بصراحه أنا ناوي الطلعه من زمان بس قلت انطر هالوعود اللي الجميع ناطرها ،،

    وللأسف للحين ماصار شيء غير الكلام الفاضي !!

    إقسم بالله يااخوان ترى قأعدين تضيعون وقت من عمركم على شيء مايستاهل !!

    لحقووو على أنفسكم قبل لا يمر فيكم الوقت وتندمووون بعدين ،، وانتم وراحتكم بشنو تقررون.


     
  5. joint.operations

    joint.operations بـترولـي نشيط

    76
    0
    6
    يالعود لك بالتامينات فلوس بس اذا خذيت هالفلوس خدمتك كلها تروح عليك كانك ماداومت بهالشركه ولا يوم
     
  6. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    أي عدل كلامك اخوي / joint.operations

    لأني رحت للتأمينات قبل جم يوم وقالو راح نصرفلك 660د،ك شهريآ _
    عاد كنت ابي المبلغ دفعه وحده بس قالو مايصير ألا اكون مكلم سنه مو موظف ويصرفونه دفعه وحده _

    وهذي شركة الفقر قصو علي قالو مالك شي غير شهادة الخبره ومافي أي مستحقات !!

    شدددعوه حبايبي (العشره ماتهون ألا على ابن .... )
    والله لو برد لدوام لأرد غصب عليهم بس خلااااص طابت النفس ،،

    خدمه 9 سنوات ومايطلع لي ولا فلس ؟!! مستحيل ،،

    بس الله لايوفق اللي قص علي ويصرفهم على صحة عياله ولا يطيبون أن شاءالله ألا لما يردلي حقي :(
    وقريب برفع قضيه ان شاءالله ،،

    وانا ادري ومتأكد بعد انه ابو كاميرات اللي مسوي كل هذا ... اللي مايخاف الله ومصور مستشار من جنسيه عربيه يشتغل بالشؤون على التدقيق ومخالفات الشركات وكان يهدده بالتصوير والمسكين صار خاتم بأيده لما انكشف وفصلوه وتم ابعاده !!



     
  7. joint.operations

    joint.operations بـترولـي نشيط

    76
    0
    6
    قبل كانو يعطون كاش مالهم شغل بسنه بس الحين لا لازم نظام معاش ونصيحه ارفع قضيه لان بالقانون الاهلي لك خدمه سواء كويتي او لا هذا اللى اعرفه والله يوفقك وسلملي عالقانون الجديد وقوله شخبارك وشخبار النقابه :d
     
  8. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    اخوي / joint.operations
    القانون الجديد مسافر (علاج بالخارج) !!

    وبالنسبه لمستحقاتي من الشركه قالولي مالك شي لأن عليك غيابات ،،

    بس اللي اذكره انه كان ينخصم علي الغياب بوقته !!

    تتوقع قصووو علي ؟؟
    وانه لي مكافأة نهاية خدمه ؟؟؟

    لأن اخاف ارفع قضيه واشتكي وبالأخير ماكو شي !!



     
  9. ahmed_1

    ahmed_1 بـترولـي نشيط

    126
    1
    18
    اخوي العود تراجع الشؤن وترفع قضيه علي شركتك عندك مستحقات خلال سنوات الي انت فيها بالشركة الشركة من كيفهم يقولون مالك شي ويسامونوك بعد تبي شهاده خبره ولا مانعطيك واحد من ربعنا استقال من kdc نفس موضوعك رافع قضيه بس يبيلها وقت من سنة الي ٣ عالحسب وشكرا
     
  10. Embedded

    Embedded بـترولـي نشيط

    52
    0
    0
    السلام عليكم

    السلام عليكم ,
    والله يعينك احزن ليمن اسمع كويتي متضايق فما بالك مخصوم معاشة وانت متفنش..

    نصيحة : اكتب كتاب لمدير دائرتك في الشركة (ربع العمل) ليس المقاول كتاب(استرحام\تظلم).

    علما انت تفنشت في وقت انطبقت عليك الائحة الداخلية الجديده , التي تفعل القانون (28) لسنة 1969 الي ينص عليها القانون بالمادة (2) من القانون : انك موظف نفطي.

    اي تسري عليك لائحة الجزاءات و الانذارات حالك حالهم , أي :
    اذا غبت 7 ايام متصله من دون عذر تفصل
    او 15 يوم منفصل بمدة لا تتجاوز ال6 اشهر.

    ويمشون على نظام الاخطار والانذار , وبعد مرور سنة كامله من دون غيابات , تلغى الانذارات كما لم تحصل.

    نعم لك مستحقات وهي الاثر رجعي لي تفنيشك وتامين صحي مدفوع او اشتراك.

    اما بالنسبة للمستحقات العامة , هي نهايت الخدمة اذا كانت خدمتك اكثر من سنتان , وتذاكر سفر

    والله يوفقك
     
  11. Embedded

    Embedded بـترولـي نشيط

    52
    0
    0
    او اتصل على النقابة ترى ماراح يقصرون وياك
     
  12. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    اخوي أنا غياب سنه متواصله !!!
    اعتقد فيها سحب جنسيه ههههههههههه

    بس عفيه إخواني و((تكفووون طالبكم)) لحد يقصر معاي ،،
    اللي يعرف إذا كان لي حق شلون اخذه ؟!!

    شنو لي وشنو علي ؟؟؟

    لأني بصراحه ماني عارف وين اروح وشنو اسوي بالضبط !؟

     
  13. Yes

    Yes مشرف منتدى القطاع النفطي الخاص مشرف

    379
    136
    43
    ذكر
    موظف في #القطاع_النفطي_الخاص
    الكويت

    السلام عليكم ورحمة الله وبركاته

    أخي الكريم اختر لك محامي او مكتب محاماة ممتاز واعمل له توكيل في برج التحرير وتوكل على الله وارفع قضيه وطالب بحقوقك المسلوبة و بتعويض ان كنت ترى انك مستحق .

    وفي الوقت الذي تكون قضيتك قد بدأت مسارها القانوني قدم على شركات أخرى او الديوان واعمل او انضم إلى جامعة لإستكمال دراستك نحو درجة علميه عليا، وذلك لفشل نظامنا القضائي وعدم إعتباره الزمن كعامل مؤثر في دولة الكويت !!

    فالقضية الواحدة تستغرق للبت فيها من 2 سنتان كحد أدنى إلى زمن غير محدد كحد أقصى!!!

    اللهم انتقم من كل مفسد ظالم يارب

    ولا حول ولا قوة إلا بالله

    وحسبنا الله ونعم الوكيل
     
  14. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي



    أخوي من صجك ،،،

    القضية الواحدة تستغرق للبت فيها من سنتان كحد أدنى إلى زمن غير محدد كحد أقصى!!!

    دام السالفه مطوله وبتصير جنها قانون هالقطاع ...

    أنا أقول مالي غير انه اشوف لي واحد يمون وله كلمه عالشركه ويخلص أموري !



     
جاري تحميل الصفحة...

مشاركة هذه الصفحة