الجدول النهائي للرواتب الجديدة وطريقة الحسبة

الكاتب : مدرريدي | المشاهدات : 31,967 | الردود : 206 | ‏26 يوليو 2014
  1. مفيد

    10 صوت
    50.0%
  2. لدي تساؤل

    1 صوت
    5.0%
  3. غير واضح

    8 صوت
    40.0%
  4. لايهمني

    1 صوت
    5.0%
  1. مدرريدي

    مدرريدي بـترولـي نشيط

    93
    0
    0
    السلام عليكم
    ياجماعة الخير هذا الجدول النهائي بين ايدكم وارجوكم تركزون مع الشرح عشان الكل يعرف شنو درجته وجم بتكون زيادته بعد اضافة الرئيس التنفيذي للمؤسسة عامود ( مبلغ الزيادة العامة ) في الجدول:

    [​IMG]

    راح تلاحظون من الجدول الجديد ان تم اضافة مبلغ الزيادة العامة ( تدفع للتسكين ولمرة واحدة فقط)،
    وتم منتصف المربوط فبالتالي صار عندنا بداية المربوط ونهاية المربوط فقط.


    الحسبة اللي استقرت عليه المؤسسة راح تكون كالآتي:

    لكل وظيفه او مسمى من مسمياتنا شروط من ناحية الشهادة + سنوات الخبرة
    وهذي الشروط تكون مذكوره في شروط التوظيف مابين شركة البترول و الشركة المقاولة ومو اي شخص يعرف هذي الشروط الا اذا مسؤول العقد في قسمك قالك عنها من بعد مايراجع اوراق المناقصه فش شروط المسميات.

    على سبيل المثال وليس حقيقه فقط مثال :
    مسمى ( فني اجهزة ثقيله )
    شروط هذا المسمى لازم تكون مثلا شهادته ثانوية + 4 سنوات خبره، فبالتالي راح تكون درجته بالجدول درجة 10
    اذا كان يتبع منطقة (1) =539 + الزيادة العامه بالعمود الثالث من اليمين في الجدول مالته = 50

    الحين نشوف الراتب القديم جم قيمته مثلا كان 450 نحسب الفرق مابين 539 و 450 يعطينا الناتج 89
    في هذي الحالة يكون وضعك في المربوط الاول وماتاخذ ال 50 لان زيادتك كانت اكثر من ال 50 فحتى لو كان عندك خبره 10 سنين راح تظل بالمربوط الأول.


    المثال الثاني:
    مسمى ( فني غازات سامة )
    شروط هذا المسمى دبلوم + 6 سنوات خبرة، فبالتالي راح تكون درجته بالجدول درجة 6
    اذا كان يتبع منطقة (2) = 1150 + الزيادة العامه بالعمود الثالث من اليمين في الجدول مالته = 75

    الحين نشوف الراتب القديم جم قيمته مثلا كان= 1100 نحسب الفرق مابين القديم 1100 والجديد 1150 يعطينا الناتج 50
    في هذي الحالة زيادتك من المربوط الاول مال المنطقة (2) 50 فراح تاخذ زيادة 25 عشان تكمل مبلغ الزيادة العامه اللي اهيا 75 ويصير المعاش الجديد= 1175


    بالمختصر اذا سكنت درجة وكانت زيادتك اكثر من مبلغ الزيادة العامة راح تاخذ بداية المربوط
    واذا سكنت درجة و كانت زيادتك اقل من الزياده العامة راح تاخذ مبلغ الزيادة العامة.



    ملاحظة لمقاولين ال KNPC
    تم التوقيع مابين الرئيس التنفيذي للبترول وتقريبا 13 شركة مقاولة الاسبوع الماضي وسيتم التوقيع مع الشركات المتبقية بعد العيد ، بالنسبة للشركات اللي وقعت بس يطبعون العقود ويقدمونها للموظفين بالمزايا والرواتب الجديدة للتوقيع
    انشالله راح تصرف رواتب شهر 8 بالدرجات الجديدة + الاثر الرجعي، اذا حصل اي تأخير فهو من الشركة المقاولة لانها للحين ماوقعت مع الرئيس التنفيذي وليس من النقابة او من ال KNPC.

    الله يوفق الجميع :)
    مستعد للرد لأي استفسار.
     
  2. Barcelony

    Barcelony بـترولـي نشيط

    81
    0
    0
  3. aldeehani89

    aldeehani89 بـترولـي جـديـد

    16
    0
    0
    يالغالي الحفريات شلون حسبتهم
     
  4. مدرريدي

    مدرريدي بـترولـي نشيط

    93
    0
    0
    كل المقاولين اللي تابعين القطاع النفطي بشتى شركاته بتتسكن رواتبهم على حسب:
    (شروط المسمى = شروط الوظيفه)
    تسأل مسؤول العقد اللي اهوا مسؤول عن حضور وغياب المقاولين شنو شروط المسمي الوظيفي مالي عقبها تشوف وضعك بالجدول.
     
  5. Barcelony

    Barcelony بـترولـي نشيط

    81
    0
    0
    Koc
    ماوقعوا ليلحين ولاعقد !!
     
  6. مدرريدي

    مدرريدي بـترولـي نشيط

    93
    0
    0
    اي للاسف للحين ماوقعو على حد علمي
     
  7. aldeehani89

    aldeehani89 بـترولـي جـديـد

    16
    0
    0
    أخ مدريدي الإسم مساعد حفار ماتدري شنو شروطه
     
  8. Barcelony

    Barcelony بـترولـي نشيط

    81
    0
    0
    ماعندك اخبار متى koc
    يوقعون العقود هل بشهر ٨ ولا نردد ياليل ما اطولك !
     
  9. مدرريدي

    مدرريدي بـترولـي نشيط

    93
    0
    0
    للاسف اخوي شروط الوظايف او المسميات بس اللي يعرفها مسؤول العقد او التيم ليدر
    ولازم يتأكدوم منها في اوراق العقد مابينهم وبين الشركة المقاولة
     
  10. مدرريدي

    مدرريدي بـترولـي نشيط

    93
    0
    0
    بالنسبة لل koc
    اخوي ماعندي فكرة بس اللي يقدر يفيدكم النقابة
    وانشالله مثل ما احنا على وشك بنخلص انتو انشالله التكويت عندكم يخلصكم باسرع وقت والنقابة مو مقصرة بالضغط عليهم.
     
  11. Barcelony

    Barcelony بـترولـي نشيط

    81
    0
    0
    ياعمي النقابه نايمه بالعسل
    ومخلبنا على اعصابنا
     
  12. نفطى خاصkoc

    نفطى خاصkoc بـترولـي نشيط

    96
    5
    0
    اولا اشكرك على مجهودك

    بصراحه انا مو فاهم شي وهذا لايعني انك ماتكلمت بشكل مفصل ممكن المشكله فيني
    عموما انا دبلوم فوق الثانويه والمسمى مراقب صارلى اربع سنوات وراتبي مع الاسف ٥٥٠
    بدون استقطاع التامينات
    المنطقه رقم واحد
    فضلا وليس امراً شنو وضعي وياريت نعرف بخصوص التامين الصحي
    وشاكرلك
     
  13. Saleh911

    Saleh911 بـترولـي جـديـد

    4
    0
    0
    وش صار على موضوع ال١٠٪ ؟
     
  14. sultan86

    sultan86 بـترولـي جـديـد

    20
    0
    0
    للأسف الزيادات غير مجزية بدًا 40/50 دينار فقط
    كل هذا الانتظار لكن مانقول الا الله المستعان
    العوض في التأمين الصحي هذا واذا جاء بعد او كانت مميزاته صحيحيه فيه 10000
     
  15. Barcelony

    Barcelony بـترولـي نشيط

    81
    0
    0
    التامين الصحي شصار عليه
     
  16. عبدالله الملا

    عبدالله الملا بـترولـي نشيط

    50
    0
    0
    انزين وبدل الطريق !! والمكان !!
     
  17. Abdulaziz08111

    Abdulaziz08111 بـترولـي جـديـد

    6
    0
    0
    السلام عليكم
    اخوي بس حبينا نعرف ليش كاتبين نهاية المربوط ويوجد فرق كبير بين بداية المربوط ونهاينه نبي توظيح حق نهاية المربوط
     
  18. الدرويش

    الدرويش بـترولـي نشيط

    55
    0
    0
    ولد عمى وطريقة المربوط الثانى اشلون راح اعرف انى المربوط الثانى
     
  19. الدرويش

    الدرويش بـترولـي نشيط

    55
    0
    0
    انا زيادتى من الراتب الحالي و الراتب الجديد حسب المربوط الاول ٣ دنانير هههههه هل فى هذي الحاله انتقل الى المربوط الثانى . يارب تقول نعم عشان احول من برشلونه الى مدريد
     
  20. الدرويش

    الدرويش بـترولـي نشيط

    55
    0
    0
    وين راح مدريدي اظهر و بان عليك الامان
    ترى صج هذا مو وقتك تختفي
     
جاري تحميل الصفحة...

مشاركة هذه الصفحة