خل نرجع لمشاكل المستشفى والواسطه!

الكاتب : المهندس | المشاهدات : 880 | الردود : 9 | ‏19 يناير 2008
  1. المهندس

    المهندس بـترولـي خـاص

    1,305
    8
    0
    مثل ما انتم عارفين الكويتيين في طبعهم يحبون الواسطه ويمارسونها في حياتهم اليوميه - سواء كانت بالخير او بالشر فأحنا كويتيين وهاذي ديرتنا وكيفنا. بس المشكله لمن يجييك الاجنبي ويتوسط حق اجنبي ثاني هاذي المصيبه والكويتي في الدور قاعد (اتكلم عن المستشفى) هاذي المصيبه.

    لاحظت في مستشفى الشركه كثير من هالأشياء - اجنبي يخطر الكويتيين وبدون ملف ويدخل على الدكتور. وترا راح تلاحظون هذا الشي في المختبر الشركه وطبيب النساءفي فحص الحوامل. اتيي الأجنبيه اتدش عرض على الحريم بدون ملف وبدون ما تنفحص وزن واشياء واتدش على الدكتور وحريمنا مساكين ناطرين بالساعات.

    والمختبر نفس الشي - يدش الاجنبي وهم نفس الحركه - يشتغلون حق غيرهم.

    وهم بعد في قسم الأشعه - يدشون ناس يصورون ويطلعون - ما عليه اللا ياخذ الصور ويطلع.

    اكرر واقول ترا اجااانب يسون جذي وواااااااااااااااااايد وربعنا الكويتيين ساكتين ومحد يبطل حلجه. مشكلتنا في الطيبه اللي عندنا

    والله المستعان :rolleyes:
     
  2. منصور المجيبل

    منصور المجيبل بترولي خاص أعضاء الشرف

    يفزعون حق ربعهم والله و صرنا أغراب إذا دشينا المستشفي

    وأتمني من مجلس النقابة الجديد يحط يعطي موضوع المجلس أهمية ويضعه من اولواياته
     
  3. المشاكس

    المشاكس بـترولـي خـاص أعضاء الشرف

    998
    1
    0
    هذا موشي جديد وهالشي بالكويت كلها ..... ويكون بعلمك في دكاتره أجانب في الحكومه يعملون كرت زياره حق اهلهم ويدششونهم المستشفى ويسوولهم عمليات تكلف الدوله آلاف الدنانير ....

    إذا راده على المراجعه أشوه
     
  4. K.O.C_OpII

    K.O.C_OpII بـترولـي نشيط

    54
    0
    0
    OpII
    GC19
    اول اشكـر اخوى المهندس على أثاره هذا الموضوع .. واتمنى ابصراحه اعاده النـظر فى المستــشفى لانه غـير لائق لموظفين شركه النفط من حيث الخدمات الطبيه السيئه
     
  5. النداوي

    النداوي بـترولـي نشيط

    136
    2
    18
    والله ياأخوان فيه ناس بالجيش يداومون وحريمهم يولدون بالمستشفي وأعرفهم شخصيا
     
  6. المهندس

    المهندس بـترولـي خـاص

    1,305
    8
    0
    شاكرين مروركم - ترا الموضوع جدي والسوالف قاعده تصير بالهبل

    وانا هم اعرف ناس شخصيا مو من الشركه - بس لو كويتيين يهونون بس تجانب - صراحه هاذي الطامه الكبرى
     
  7. أبو خالد

    أبو خالد بـترولـي نشيط

    129
    0
    0
    محاسب
    الكويت
    خلكم على قلب واحد ... وكل من شاف زلة أو طاح له على خطأ يشهر باسم الفاعل

    والتلفونات كلها كامرات الحين

    وقبل هذا كله لازم يبادر الواحد فينا لما يشوف شي غلط أن يتوجه للموظف المخطيء ويعلمه على خطأه (1)

    الشي الثاني إنك تتوجه للشخص المسؤول وتبلغه باللي حصل ... على الأقل، (لأنه بدوره راح يضغط على الموظف ويوجه له ملام ) وقد تكبر السالفة ....

    ولكن إذا لم يفعل شيء ... فثق تماماً بأنه في المرة القادمة راح يكون على درجة أعلى من الحذر حتى يتجنب مثل هذه المواقف



    والشيء اللي ما نقدر ننكره إنا نحن ( قوم خدومين ونستحي ) يعني اذا سوالي شخص أجنبي - بشرط يكون زميل- خدمة ليش اقصر معه حتى لو كان جنسيته من الديار الفلانية ...


    وفالكم القريد
     
  8. ALQAYSER

    ALQAYSER بـترولـي نشيط جدا

    189
    0
    16
    يعطيك العافية بو خالد والله انتي حيييل متفاؤل بموضوع المستشفى ماكو فايدة حتى لو تكلمنا منم بعطيك وجه الامووووووووور كلها واسطه بواسطه انا اعرف واحد مسوي عملية ليزك على مستشفى الشركه من غير لايكون موظفه ...... شرايك وصلنا الى هالدرجه
     
  9. المهندس

    المهندس بـترولـي خـاص

    1,305
    8
    0
    انا ماخذ موعد حق ليزك من شهر 8 - وللحين مادقوا علي وكل ما اييهم يقولون بالدور ومادري شنو.. شباب اعرفهم من البترول الوطنيه قسم بالله انا قايلهم روحوا سجلوا وكان هذا في شهر 9 - يعني بعدي بشهر ونص - دقوا عليهم ومادقوا علي- حتى في الدور فيه تخبط- زين وين السيستم ووين الكمبيوترات - واللا السالفه الدكتور غسان والزلمات اللي حواليه :) - دكتور صار كويتي على بند الخدمات الجليله (ايييييي شنو الخدمات الجليله اللي قدمها!!!!!!!!!!!!!!؟)

    الله المستعان
     
  10. SAMAR

    SAMAR بـترولـي جـديـد

    10
    0
    0
    هذا الموضوع موجود وشوف العين وليش نكذب ........ لا في أكيد فيه بس الشئ الي ما تعرفونة انا هذولة الموظفين بس ستار حق الكبار .الله وكيلك . تليفون للموظف : في مريض إسمة فلان واقف أمامك دخلة على الدكتور فلان أنا مكلمة عنه .ألحين ...
    إذا جادل أو تكلم راح فيها صدقوني والله والله ... مرات يطل الدكتور بنفسة عشانهم ...
    وشنو تقول أجانب لا حبيبي هذولة كويتيين من فوق فوق Vip . وشنو تقول أجانب لا والله هذولة فقاره مساكين إذا دخلو ه دخلو واحد مو قادر يسوي سونار بالحكومة عشان طالبين علية فلوس ... وخافوون ميتين مرة قبل لايكلمون الدكتور ...
    ولا بعد تسأل الموظف الموظف عبد المأموور .. سو وحط بس .... أصلا أغلب الموظفين والله ما يحبون هذي الطريقة بس شنو يسوون
    وتقولووون المواعيدحتى في الدور فيه تخبط ... أكيد أخوي مرات الموظف حاط دور حق المريض حاله حال المرضة الي ناطرين بس واقف أمام موظف الإستقبال وكلم الدكتور وقول أنا موجود بره أنت أي غرفة ويروح ويدخل عليه من غير أي أدب ولا إحترام ...
    وهذا الشئ صار عند أمراض النساء والحوامل والاطفال الجناح الثالث . وعشان يوقفونهم حطو أبواب تسكر بس تدخل الممرضة بس بعد ما سوت شي
     
جاري تحميل الصفحة...

مشاركة هذه الصفحة