عاجل: مؤتمر صحفي تحت عنوان: (كشف حقائق التعدي على الحركة النقابية النفطية بدولة الكويت

الكاتب : المحرر النفطي | المشاهدات : 1,714 | الردود : 14 | ‏23 يونيو 2014
  1. المحرر النفطي

    المحرر النفطي فريق الإعلام

    3,466
    224
    63
    ذكر
    الكويت
    السادة/ الصحفيين والاعلاميين والقنوات الفضائية والتلفزيونية المحترمين


    تحية طيبة وبعد ،،،


    الموضوع: دعـوة لمؤتمر صحفي

    نتشرف بدعوتكم لحضور المؤتمر الصحفي بمبنى الاتحاد بمدينة الأحمدي تحت عنوان:
    (كشف حقائق التعدي على الحركة النقابية النفطية بدولة الكويت)

    وذلك في الساعة السادسة والنصف من مساء يوم الثلاثاء الموافق 24/6/2014م .

    لذا نأمل منكم الإيعاز لمن يلزم بالتواجد للتغطية الإعلامية لهذا الحدث الهام .

    وتفضلوا بقبول فائق الاحترام ،،،








    عبدالعزيز محمد الشرثان
    رئيس اتحاد عمال البترول وصناعة البتروكيماويات
     
  2. scan

    scan بـترولـي نشيط

    89
    0
    0
    مره الشرثان ومره الشايجي
    شلون رجع مره ثانيه

    مو يقولون الشايجي رئيس الاتحاد وانتهت رئاسة الشرثان

    شلون يصرح الحين ويدعي لمؤتمر صحفي

    هذا كله لعب في لعب
     
  3. نقابي

    نقابي بـترولـي جـديـد

    44
    0
    0
    مصدرك لو سمحت يالمحرر النفطي؟



    لان الموضوع فيه لبس
     
  4. نقابي

    نقابي بـترولـي جـديـد

    44
    0
    0
    اعتقد ان هذا تخبط

    لان الاتحاد تم اسناده للجنه من كل النقابات ليس من بينها الشرثان


    فاحترمو عقولو يا اخوان وتأكدو من المصدر

    لان في تصريح في الدروازه باسم الشايجي رئيس الاتحاد
     
  5. حبه عند اللزوم

    حبه عند اللزوم بـترولـي نشيط

    99
    1
    0
    ودي يترفع الاتحاد من المهاترات هذي وادخال الحركة النقابية في مشاكل لكي لاتضيع الحقوق

    عهد رئاسة الشرثان انتهى وما هو عضو في نقابته اصلا عشان يمثل الاتحاد اللي انتهى من آخر شهر 3

    الحين صار رئيس شلون؟
     
  6. المحرر النفطي

    المحرر النفطي فريق الإعلام

    3,466
    224
    63
    ذكر
    الكويت

    الموضوع مافيه لبس وفيه كشف حقائق التعدي على الحركة النقابية النفطية بدولة الكويت
    امام الصحفيين والاعلاميين والقنوات الفضائية والتلفزيونية

    والشايجي طرح سؤال مهم لازال الجميع يبحث عن إجابتة وممكن يتم طرحه بالمؤتمر الصحفي
    وبامكانك يانقابي حضور المؤتمر والإجابة على السؤال البسيط ! بدل التشكيك في الموضوع !!
    أين ومتى وعلى أي أسس انعقدت الجمعية العمومية الغير عادية لنقابة العاملين بالشركة الكويتية لنفط الخليج؟



    تصريح الشايجي موجود بالمنتدى :

    الشايجي: لن نسمح لأحد تهميش حركتنا النقابية والتلاعب بمشاعر العاملين
     
  7. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    طلب من ادارة المنتدى وضع تصريح الشايجي في منتدى نفط الخليج
    حتى يتسنى لمن لا يعرف ما حدث حتى يطلع عليه
     
  8. وفراوي305

    وفراوي305 بـترولـي جـديـد

    17
    0
    0
    كبيرهم الذي علمهم ****
    شفيه بطنه خاضه من الدعوه لكشف الحقائق؟

    مافيك شده تواجه ليش
    ****؟
     
  9. LPG

    LPG بـترولـي نشيط

    149
    0
    0
    هذي المسخرة

    كل واحد يبي كرسيه ويبي يطب بالثاني .. الشرثان ما عاد رئيس والشايجي انتخاباته ما تم اعتمادها والحين اللجنة اللى تدير الامور لين الانتخابات شهر 7 .. كافي مهزله وفعل ماله داعي

    هذي المشكله يتهاوشون على كراسيهم والعمال الضحية
     
  10. (نواف)

    (نواف) بـترولـي نشيط

    69
    0
    6
    الكراسي

    ودي اعرف كرسي النقابه شنو فيه

    اللي سوى لنا هالشحناء

    علمونا يانقابيين

    والله انا اسأل من جد !؟!؟!؟
     
  11. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    كرسي النقابه يعطيك اختيارين
    الاول مصالح العاملين
    الثاني مصالحه شخصيه
    ف الشريف منهم من يحافظ على حقوقك الوظيفيه
    والسىء منهم يستغل مطالباتك لمنفعته الخاصه ويساوم عليها لنفسه

    لذا الوقوف مع الحق مطلب اساسي والسكوت يؤدي اهمال حقك
     
  12. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    بيض الله وجهك يالشرثان والحق لازم يعرفه الجميع من خلال وسائل الاعلام المرئي منها والمسموع
    والسكوت وسوالف القضاء يبيلها سنين عشان يعطونك حقك وينصفونك
    افضل طريقة المواجهة وكشف الحقيقة ومن يملك حق يقوله ومايخاف نفس مايفعل البعض في محاولة افشال المؤتمر الصحفي وعدم وصول الحقيقة للناس
    يحسبون الدعوة ازمة وتعدي والناس تنسى والواضح من تصرفاتهم يكرهون طاري الحقيقة اذا تكرر السؤال عنها
    لذلك نعيد السؤال عشان نغيضهم فقط لأن ماراح يجاوبون الا بالتشتيت وخلق مشاكل وسوالف مالها علاقة بالسؤال عشان يضيعون السالفة كلها وهي محاولة فاشلة

    أين ومتى وعلى أي أسس انعقدت الجمعية العمومية الغير عادية لنقابة العاملين بالشركة الكويتية لنفط الخليج؟






    كلنا يانواف نسأل السؤال اللي فوق من جد ومحد رد علينا اذا عندك اي جواب عن سؤال الجمعية العمومية اللي فوق ممكن تكون هي إجابة لنفس سؤالك بمعنى انها السبب !
     
  13. سعد الشمري

    سعد الشمري بـترولـي جـديـد

    25
    0
    0
    اليوم على جميع موظفين القطاع النفطي الحضور للمؤتمر للتسجيل موقف ضد الشؤؤن والتدخلات الاخرى ياجماعه حقوقكم راحت اصحححووو
     
  14. (نواف)

    (نواف) بـترولـي نشيط

    69
    0
    6
    ياليت هالمؤتمر كان بدري قبل المشاركه بالنجاح

    لي عتب على اخوي الشرثان لاني كنت في يوم من الايام صوت له وسعيت له بالتصويت له

    اشلون يجلس على طاوله مع اول شخص خذله في الاضراب وخذل عمال القطاع ككل

    وليش المؤتمر ضروري لهالدرجه يصير اليوم

    ودي ان الشرثان هو اللي يرد

    ولا صعبه هو رئيس اتحاد وانا عضو جمعيه عاديه
     
  15. (نواف)

    (نواف) بـترولـي نشيط

    69
    0
    6
    الله يسامحك يالشرثان

    تطلب اضراب على شنو

    لا حول ولا قوة الا بالله
     
جاري تحميل الصفحة...
مواضيع مشابهة
  1. سالم الخالدي
    الردود:
    42
    المشاهدات:
    2,423
  2. المحرر النفطي
    الردود:
    3
    المشاهدات:
    15,285
  3. المحرر النفطي
    الردود:
    5
    المشاهدات:
    22,417
  4. المحرر النفطي
    الردود:
    0
    المشاهدات:
    988
  5. الأستاذ
    الردود:
    1
    المشاهدات:
    524

مشاركة هذه الصفحة