عندي طلب منو يحققه لي؟؟؟؟؟

الكاتب : كويـ هلاليه ـتيه | المشاهدات : 1,329 | الردود : 30 | ‏19 يناير 2008
  1. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
    يا جماعة

    ترا والله مللينا من سوالف الحسد

    والغيره


    وهدا خدا مكان هدا

    هدا احسن من هدا

    وهدا ابدوي

    وهدا احضري

    وهدا يستاهل

    وهدا ما يستااااهل


    وغيره

    وغيره


    اشاء كثيره تعبتنا


    خلت انفوسنا غير



    نسينا اني نقعد مع بعضنا اكثر من ما نقعد مع اهلنا


    صفوا النيه


    بلاش حكي جهال


    وقيل وقال



    احنا جايين نشتغل ايد واحده قلب واحد بلد وحده


    اش ماخدين منها


    اخرتنا كفن وتراب



    والشاطر يحسبها صح
     
    آخر تعديل بواسطة المشرف: ‏19 يناير 2008
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    اشبك شبنبك :confused: ؟

    ممكن توظحين اكثر ايش تبغي بالظبط يا اختي

    ترا مافهمنا شي ؟
     
  3. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    عزيزتي من كثر بدلياااتج ماني عاارف وش تبغييين بالظبط
    في احد مضاايقج بدواامج يعني ولا كيف الموضووع ؟؟؟:confused:
     
  5. q8nwm

    q8nwm بـترولـي جـديـد

    15
    0
    0
    والله انا اشوف الموضوع مافي شيء
     
  6. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
    والله حطيتوا علي حطة

    واحد يقولي بدلياتي


    والثاني يشوف الموضوع مافي شي؟؟


    خلاااااص زعلت انا


    كله اتهاوشوني
     
  7. Mesk W 3nbar

    Mesk W 3nbar بـترولـي نشيط

    100
    0
    0
    انا اوافقك الرأي:)

    لي متى حالنا جذيه

    ياخواني وياخواتي طبقوا حديث الرسول عليه افضل الصلوات والتسليم

    حب لاخيك ماتحبه لنفسك :)

    شكرا على الموضوع ياهلالية (اي هلال)
     
  8. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    ياا عزيزتي ماهو القصد التجريح فييج وانا أعتذر اذا كان قصدج كذا
    وعلي فكرة احب نادي الهلال انا >>>>> هلالي حتي النخااع :D

    شنو الشي الي تبيينه يتحقق لج وماهو متحقق ؟؟
     
  9. كريستاله

    كريستاله بـترولـي خـاص

    1,358
    0
    0
    البنت شكلها وايد متظايقه من المجتمع

    فظفظي شسالفه الموضوع
     
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    محد مرتااح من المجتمع كلن شاايل همه لحااله
    انا حاس انها متضاايقه من دوامها ودائرتها هذا اعتقادي :confused:
     
  11. الناهض

    الناهض بـترولـي خـاص

    2,144
    0
    0
    شركة نفط الكويت
    ؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟
    ؟؟؟؟؟؟؟؟؟؟؟

    عالأقل مقدمه بس الواحد يفهم
    اول وشاركه بالعام وجذي
    الله يستر منج!!
     
  12. The^Queen

    The^Queen بـترولـي نشيط جدا

    288
    0
    0
    اي والله ياختي كويتيه هلاليه
    ياليت بس هالامور علي الاقل تخف من مجتمعنا
    انا متعجبه من الوضع
    الناس ردت للقبليه حيل حيل مو شويه وكل واحد حاط اصله كارنيه !! ترا مايشفع يوم القيامه!! ولايزد الشخص ولايعليه ان من القبيله الفلانيه ولاهو انجاز يفتخر فيه لان مو من صنع ايده الله قسم ان الشخص يكون ولد فلان الفلاني يعني مو شي بناه او سواه او تعب عليه علشان يفتخر فيه
    وزادت الطائفيه بشكل مهووووووووووووول طول عمرنا عيله وحده وشعب واحد ليش الحين صارت هالحزازات بينا !!!
    وهالنقطه ماني مناقشتها ولا متعمقه فيها لان متفجره وحقل الغام

    والحسد اخيه يا الحسد !!
    خلي الناس اللي تحسد شوفي الناس اللي تخاف تنتحسد اوكي اايد في حديث عن الرسول الكريم صلي الله عليه وسلم قال وتعاونو علي قضاء حوائجكم بالكتمان
    بس الناس صارو مينن مو صاحين !!! من مبدأ احنا نخاف من الحسد حتا الرجيم قامو يخشونه مانبي احد يدري نننحسد
    والحامل تخش لين الشهر السادس وبعدين تقول ترا حامل ،اكثر شي بالكويت اليهااااااااااااااال ولاهي يايبه محرر القدس ولاحامل لواء الاسلامولا اينشتاين ولاهي اول من حمل ولا اخر من ياب ترا يااااااااااااهل زبوط بتشقون فيه انتو مو غيركم وانتو بتربون وانتو بتسهرون وبيشيل اسمكم الناس تفرح لكم باللي ايكم ماتبي تذبح البيبي بعين واللي رزقكم يرزق غيركم!!

    والسفر خش ودس خايفين من العين ! ترا منتو طايرين بجناح خفي في طياره مثل ماشالتكم شالت غيركم والكل مسافر حتا الخدم يسافرون
    وتلقي الناس تشكي وتجذب علشا ن تخاف تنحسد اللي متزوجه تشكي من ريلها واهماله وتبجبج عند صديقاتها وانا مو مرتاحه وتنكد علي الكل وكل يمعه تصير مناحه وذكر مساوئ الزوج
    وتتفاجئين فيها باجر طالعه وياه وتشوفينها بكافيه وين اللي يصحيج بطراق وينومج بشوته !!! واللي مايدري عنج
    بس لان تخاف من العين ماتقول انا مرتاحه يبا لاتقولين مرتاحه ولاتقولين شقيانه حياتج لج بس لاتجذبين ماله داااااااااااااااعي كلش محد طلب اخبارج !!!


    واللي عنده عيال يتشكي من تدريس وعيالهم مايفهمون وميننينه وبيسقطون والنتيجه يطلعون من الاوائل علي الكويت ليش خايفين من العين

    شدعوا شدعوا هذي عين والا مفاعل بوشهر متخصصه بتطليق المتزوجات وتفريق الاحبه وتهديم البيوت وتمتين الرشيقين وقلب الحال !!!
    من هالسوالف قمت شوي شوي اسوي غربله بالناس اللي اعرفهم اكرهه اني اقعد مع ناس تبالغ وتجذب ولي قلتها فلانه ليش تسوين جذي؟ تقول واااااااااااااااااي هذي مو متزوجه بتصكني عين (علي منو بالله الاخت متزوجه خالد بن الوليد !!!) والا اللي حامل وتدق تقولج ولاتقولين حق احد اخاف من عين الناس (بالله شحقه اتعلميني وتقعدين حاطه ايدج علي قلبج لا ابلغ احد انج بيتين اعجوبه زمانه حتا مابي ادري ، وتاليتها تقول انا قايله من زماااااااااان ليش قلانه ماقالت !!) وهلم جر


    يعني الناس صارو عجيبين غريبين ومادري وين بنصير بعد خمس سنين وشنو بنوصل

    نعيب زماننا والعيب فينا
    ولو نطق الزمان اذا هجانا

    غير الكل صار ربي نفسي نفسي حتا الاصدقاء اللي ينشد فيهم الظهر ماعادو موجودين بهالزمن يوم عن يوم ننصدم بالناس
    وكنت اخي باخاء الزمان
    فلما نبا صرت حربا عوانا
    وكنت اذم اليك الزمان
    فأصبحت فيك اذم الزمانا
    وكنت اعدك للنائبات
    فأصبحت اطلب منك الامانا

    يالله سترك من هالوقت والله يستر علي وقت عيالنا
     
  13. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    مافهمت شي


    بس الي فهمته ايد وحده ومافيه فرق بدوي وحضري طيب وش السالفه
     
  14. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    عزيزتي ان شاء الله كلنا على قلب واحد سواء بالدوام و لا بره .....

    على يوم اعزمج عندنا يوم نعلب كرة بره الدوام تشوفين فريقنا مخلط اثنين مثل مثل ماكو بدوي على حضري و عيمي و حساوي و بحارنة باختصار يوم تشوفينا نلعب جنج تطالعين منتخب قطر من كل اصل واحد : )
     
  15. norema-sarto

    norema-sarto بـترولـي مميز

    668
    0
    0
    في ببالج شي تبي تقولينه ؟؟؟؟
     
  16. التمويلي

    التمويلي بيت التمويل الكويتي

    1,176
    0
    0
    يا جماعه الموضوع واضح

    البنت تبي حل حق مشكلة التفرقه العنصرية وحق الواسطات

    تبي حل حق مشكلة هدا بدوي وهدا حضري
     
  17. كويـ هلاليه ـتيه

    كويـ هلاليه ـتيه بـترولـي مميز

    916
    0
    0

    ادري قاعدين تتطنزون على هدا


    السر ان حرف الدال اللي فوقها نقطه ضايع عندي

    طيب شسوي مع هدا ؟؟؟؟؟؟؟؟؟؟؟؟
     
  18. brilliant

    brilliant المـراقب الـعـام

    8,477
    0
    0
    Engineer
    Kuwait
    ذذذذذذذذذذذذذذذذذذذذذذذذذذذذذذذذذذذذذ


    اخذي الي تبين منها وانسخيه وحطيه بالي تبينه افا عليج

    وخلي الحرف ظايع :D
     
  19. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
  20. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    لحد يتطنز على هلاليه

    مالج شغل بدلي الحروف وكسري في بيوت القصيد

    المهم ما تزعلين
     
جاري تحميل الصفحة...

مشاركة هذه الصفحة