قرارات جديده للمقاولين و رسمي

الكاتب : Torres9elnino | المشاهدات : 1,973 | الردود : 12 | ‏11 يونيو 2014
  1. Torres9elnino

    Torres9elnino بـترولـي نشيط

    121
    0
    0
    السلام عليكم

    اخواني المقاولين الأعزاء


    أنا أداوم بال koc و اليوم اجتمع معانا التيم ليدر

    و قال انه هناك تغييرات و قرارات رسميه ستطبق بعد شهر رمضان و بالتحديد من بدايه شهر اغسطس 8

    1- إرجاع البصمة لمن ليس لديه بصمه
    2- الدوام من الساعة 7 صباحا حتى 3 مساءا
    3- التأخير عالبصمه فقط ربع ساعه اي ( 15 دقيقه ) من بعد الساعة 7 صباحا
    و اذا تأخر المقاول اكثر من ربع ساعه 7:15 صباحا يحسب له غياب يوم كامل
    4- يرفع تقرير أسبوعي عن المقاول من قِبل المسؤول المباشر له ان كان بال koc او knpc او اي شركه
    للسوبر فايزر
    5- يرفع تقرير شهري عن المقاول من قبل المسؤول عنه الى التيم ليدر و إرسال التقرير بعدها الى مكتب المؤسسة
    6- التقييم السنوي سوف يكون من قبل التيم ليدر فقط ، اما المسؤول عن المقاولين من قبل شركات المقاولين ليس لديه اي صلاحيه في شيء
    7- الالتزام و الكشف عن الحضور سوف يكون كل 3 ساعات بحجه عدم الهروب من العمل و من يهرب سوف ترفع فيه شكوى و سيحول الى التحقيق
    8- لن يكون هناك وقت للراحه الى وقت الغداء فقط ساعه واحده من 12 مساءا الى 1 مساءا
    9- الحضور بالزي الكامل و من يتخلف عنه يحسب له غياب و تسجيل ملاحظه للخصم من راتبه
    10- اي مشكله تبدر من المقاول مع اي شخص من المؤسسة سوف يفصل و يعاقب عن العمل .


    طبعا في بعد وايد أشياء بس أنا ذكرت الأهم

    والله يا اخواني انه هالكلام قالوها و التطبيق بعد الرمضان

    الله يعينا جميعا
     
  2. نفطى خاصkoc

    نفطى خاصkoc بـترولـي نشيط

    96
    5
    0
    اذا هالكلام صحيح طز فيهم وفى قطاعهم الرزق على الله ماراح توقف عليهم
    مجموعة لصوص استولت على الدوله ونهبت المليارات وجعلت مصير الكويتيين فى يد وافدين يتحكمون فيهم وكأنهم عبيد
    بئس عليهم وعلى قطاعهم المشبوه
    يقول عمر رضى الله عنه كيف تستعبدونهم وقد ولدتهم امهاتهم احرار
    اذا الكلام هذا صحيح قسماً بالله مافينا ذرة رجوله اذا ماوقفناهم عند حدهم
    والايام بيننا وبينهم خفافيش الظلام
    ومع الاسف هذا من ضعف نقابتنا اللي ساكته صارلها شهر لوفيه رجال تصهل كالخيول ماوصلنا الى هذا الوضع
    واذا استمر السكوت والخنوع القادم سيكون اعظم
     
  3. JayQ8

    JayQ8 بـترولـي نشيط

    105
    0
    16
    منو الفاضي اللي بيسجل كشف حضور كل 3 ساعات؟ اذا انت داخل الفيلد شلون؟
    اتوقع كلام فيه كلام بس
     
  4. نبيها_نفطي

    نبيها_نفطي بـترولـي جـديـد

    19
    0
    1
    هذه سياسه التطفيش مأخوذ خيرها في نقاط قانونيا ماتصير
    منها التأخير ربع ساعه يعتبر غياب يوم كامل ! البصمه او التوقيع
    اكثر من ٢ باليوم كلها غير قانونيه اما باجي النقاط معمول فيها ومطبقه من سنين
    والوضع طبيعي
     
  5. نبيها_نفطي

    نبيها_نفطي بـترولـي جـديـد

    19
    0
    1
    تدرون شنو المشكله !؟ المشكله ان اغلبنا يجهل بالقوانين
    والكثير يخاف ياخذ حقه بالقانون والاغلب تشوفه يتهرب
    من اي موقف بتقديم الاستقاله انت موظف قطاع خاص
    موقع على عقود يعني لازم تعرف انت على شنو موقع
    واي مخالفه بالعقد تاخذ حقك بالطرق القانونيه وعندكم
    القانون الاهلي مرجع لكم هناك شروط وضوابط مو خذوا فقلوا
     
  6. ثامر العنزي

    ثامر العنزي بـترولـي جـديـد

    17
    3
    0
    الله لايوفق كل من وصلنا لهالحال
    مرااااااارة ياخوان اللي قاعد يصير هو قهر للموظفين
    واذلال وتطفيش وتظييق وسوء معاملة حسبنا الله ونعم الوكيل
     
  7. خالد الفيلكاوي

    خالد الفيلكاوي بـترولـي جـديـد

    17
    0
    0
    فني اتصالات
    الكويت
    لاحول ولا قوة الا بالله

    بسنا احباط ياجماعه والله ملينا ومانشوف من الشركات الا الضغط والاستعباد !!
    تعبنا واحنا نتكلم والمصيبة انهم موافقين عالصرف والتطبيق من شهرين يعني لي متى واحنا بهالحال ليش العموم ساكت وخايف ونتذمر وناكل بحالنا شوفولنا حل واحنا معاكم
     
  8. Weatherford

    Weatherford بـترولـي جـديـد

    16
    0
    0
    Kuwait
    عليكم السلام

    اخوي الالتزام بالعمل شي وايد طيب
    لكن سالفة عدم محاسبة اي شخص في المؤسسه
    هل هم ملائكه ومعصومين من الخط!!؟
    هذي الشروط كلها لصالح موظفين المؤسسه وليس لموظفين القطاع الخاص
    زياده لهم في النفوذ علينا احنا يالمساكين !!!!
    في كلام غير مقبول وهذا تطفيش للموظفين
    تعطونا دينار وتذلونه فيه

    ماقول غير الله المستعان والي ايده بالنار
    مو مثل الي ايده بالماي
    لاحول ولا قوة الا بالله .!
     
  9. Anonymous

    Anonymous بـترولـي جـديـد

    32
    0
    0
    شباب احنا نستلم رواتب على اساس ان احنا موظفين فيجب علينا الحضور وهذا القرار سواء تطبق أو لا فيجب علينا الحضور من 7 إلى 3

    ولكن مبدأ ان ادارة العقود أو الشخص المسؤول عن العقد :

    يحاسب داخل الشركة ويحاسب خارج الشركة في الجهات القانونية

    أما مبدأ تطبيقه في أغسطس, فسبق طرحت موضوع ان ادارة تكويت في أغلب الادارات تقوم بتعطيل تفعيل قانون 1969 ويمكن لأي شخص الطعن في عقده لانه قانونيا يعتبر ( باطل ).

    شباب احنا مو سالفتنا جدا بسيطه وانا عندي ادلة وعندي اثباتات يمنع علي وضعها لانها الآن موجودة قضائيا ضد اشخاص وضعوا بمناصب لحمايتنا ولكن استخدموا مناصبهم ضدنا, كل اهدافهم تدمير ثقتكم في القانون فاستمروا في الشكاوي حتى يطبق وارفعوا قضايا شخصية تحت بند خلافات شخصية أو تعسف في استخدام السلطة مما يؤدي الى محاسبة قانونية جدا شديدة.

    خلوا ثقتكم بالله كبيره لانه يمهل ولا يهمل
     
  10. Ali911

    Ali911 بـترولـي نشيط

    88
    0
    6
    اي يالنقابه تحرشتي بالنفط وانحشتي خليتينا ،، قبل معاش يمشي ومحد يحاجينه عالتاخير لابصمه لاعمات عين ، استانسوا ياالنقابه مافيكم واحد يطلع ويتكلم مادام منتوا قد الشغله خلوها عوره ولا تعمونها مره وحده شنو استفتدتوا ياالنقابه الحين ،،،،
     
  11. Yes

    Yes مشرف منتدى القطاع النفطي الخاص مشرف

    379
    136
    43
    ذكر
    موظف في #القطاع_النفطي_الخاص
    الكويت


    السلام عليكم ورحمة الله وبركاته


    الاخوه الكرام ماهي الشركات التي تعملون بها ؟ (أسماء الشركات)

    شكراً لكم
     
  12. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    من ناحية هالشي لا تحاتي اخوي ؟؟

    صدقني انهم اكثر من شعر راسك الفاضين ومتقعدين للكويتيين ،،

    اقسم بالله قطاع فاااااشل بكل شي والله يعينا بس ،،




     
  13. ابو الجادل

    ابو الجادل بـترولـي جـديـد

    38
    0
    0
    بالفعل مجموعة لصوص استولو على حلالنا وحلال عيالنا
    وجعلو مصيرنا في يد الوافدين ..

    وين حكومة جابر المبارك وين العمير وين محمد غازي
    ولا بس فالحين في التصوير في الصحف والمجلات ..

    الامر بيدكم شباب وكلو امركم لله سبحانه
     
جاري تحميل الصفحة...

مشاركة هذه الصفحة