بلا اعتصام بلا خرابيط

الكاتب : Alfany-knpc | المشاهدات : 2,059 | الردود : 18 | ‏3 يونيو 2014
  1. Alfany-knpc

    Alfany-knpc بـترولـي جـديـد

    35
    0
    0
    بسم الله الرحمن الرحيم


    انا ابي افهم اللي يقول ليش الكويتي محسود واللي يقول زيادتي بس 10 و 20

    واللي يقول خلونا انسوي اعتصام واللي يقول خلونا نتجه للإعلام

    اقول استريح انت وياه

    وما يحسد المال إلا اصحابه واذا زيادتك دينار واحد قول الحمدالله ولا تبسبس وليش

    اللي الله كاتبه لك غصباً عن الكل بيصير واذا كاتبلك الزيادة ف لله الحمد واذا مو كاتبلك

    ف الحمدالله .


    أما بعد ,,,,


    آخر المستجدات للوضع بالامس كنت بالمكتب الرئيسي

    سألت عن الزيادات وكان الرد من رئيس الفريق انه خلص وكان يبي يفهم بنقطة بسيطة

    من التكويت على اخر حسبة وانه كان طالب اجتماع مع التكويت وما عطوه الرد

    فما كان مني إلا اني انزل للتكويت اللي اثلجو صدري الصراحة

    شالو الموظفة اللي كانت متسببة بالتأخير وتكلمت مع رئيس الفريق التكويت شخصياً ويقول ان

    الميزانية انصرفت وباقي الشغل على قسمك بس يدزلنا الرواتب الجديدة وتعتمد

    وكلمته عالاجتماع قال ما كان عندنا وقت قلتله ترا واقفين على حسبة بسيطة نبيك تفهما للقسم

    وجزاه الله خير صعد معاي وفهمهم الحسبة واليوم راح يندز سلم الرواتب الاخيرة ويروح للمالية

    ويعتمدها مع المقاول عشان يجهز العقد وبالنسبة للتأمين راح تصرف تقريبا 1000 دينار لكل

    موظف بس ما نستلم كاش بقيمتها القسم راح يسوي لنا التأمين


    والله على ما اقوله شهيد ​
     
  2. sarey

    sarey بـترولـي نشيط جدا

    194
    7
    18
    والله كلامك طيب ويرد الروح ، بس مادري عن موظفين عقود المشاريع الكبرى - مبنى التعمير - ماسمعت شي عنهم ، يشملهم أو لا ، الشباب يحاتون والله
     
  3. حفار kdc

    حفار kdc بـترولـي جـديـد

    45
    1
    8
    الله يسهل الامور
    والصبر زين ياجماعه
    ان الله مع الصابرين
     
  4. Alfany-knpc

    Alfany-knpc بـترولـي جـديـد

    35
    0
    0

    خيي ساري انا سعيت على زيادتي انا والشباب

    اذا كنت ناطر قسمك او النقابة تتحرك لك هذا مو صحيح وراح يصير تأخير

    توكل على الله وشوف العقد عند منو ومنو ماسك الموضوع وتحركو لا تنطرون فلان وعلان
     
  5. ahmed_1

    ahmed_1 بـترولـي نشيط

    126
    1
    18
    اخوي احنا حفريات ماعندنا قسم انروح حق منو بالتكويت شنو اسم رئيس الفريق واحنا نتبع koc واهما دايما متاخرين بالنسبه لاي شي للموظفين فيها لانه عقود شركات الkoc 200شركه اما knpc 50تقريبا الدين النصيحه انا مستعد من باجر اروحلهم بس عطني الخطوات
     
  6. Alfany-knpc

    Alfany-knpc بـترولـي جـديـد

    35
    0
    0

    روح حق المراقب koc قوله منو التيم ليدر مالكم وراح توصلون باذن الله لازم اتعرفون

    منو مرؤوسينكم ان كان koc or knpc او اي شركة تابعة للمؤسسة كلمو مدير مشروعكم

    اهوا دايركت مع اللي ماسك عقدكم تحركو وسألو والله ما راح يخيب رجاكم
     
  7. Nasser_

    Nasser_ بـترولـي جـديـد

    35
    0
    0
    قواك الله اخوي يعني امتى التوقيع بالضبط اي تاريخ ؟ وابي اسم شركة التأمين لو تكرمت ؟ وشكرا
     
  8. Alfany-knpc

    Alfany-knpc بـترولـي جـديـد

    35
    0
    0

    اول ما اوقع راح ارفع صورة واذا في اي خبر على التأمين ما راح ابخل عليكم

    انا اول بأول اعطيكم اخبار قسمي
     
  9. Torres9elnino

    Torres9elnino بـترولـي نشيط

    121
    0
    0
    أنا راح انطر لي شهر ٨ بعدها راح اقدم استقالتي

    هذا اخر كلام عندي
     
  10. Ali911

    Ali911 بـترولـي نشيط

    88
    0
    6
    وبعدين يعني كل شوي واحد طالع يقول انا شفت وقالولي ليش ماتثبتلنا وشلي مخليك مصدق اللي مكلمه انت وبعدين ياما رحنا للتكويت يقولون لنا غير هالحجي والموضوع مو موضوع موظفه ماخرتنا النفط مايوقف على موظفه وبعدين عنوان موضوعك لا اعتصام ولا خرابيط اذا انت اتسميها خرابيط احنا عندنا هالشي جد موخرابيط
     
  11. ahmed_1

    ahmed_1 بـترولـي نشيط

    126
    1
    18
    اخوي احنا ماعندنا مدير مشروع او مراقب بالحفريات عندنا تيم ليدر وماعتقد التم ليدر عنده علم بشي اذا مدير شركتنا بالشؤن الاداريه اهوه الي علاقته قويه بالkpc يعني مره سالته عن موضوعنا قال الي ذابحكم الحسد وموعارفين الالية الي يطبق فيها القانون وموضوعكم مطول ويبيله صبر طويل للامانةالknpcمتساهله مع النقابه عكس koc القيادين فيها جنه الدينار بيطلع من جيبه يعني حتيلو رحت بروحي او مع مجموعه شلون استفيد وانا ماعندي كتاب رسمي بايدي يثبت انه بيتغير عقدي ؟
     
  12. Alfany-knpc

    Alfany-knpc بـترولـي جـديـد

    35
    0
    0
    اخوي احمد ماكو عقد من غير مدير مشروع ثاني شي اكيد التيم ليدر اهوا اللي ماسك عقدكم واهوا اللي راح يصرف لكم البدجت تأكد ورصوا عليه بالحجي لا تسكتون وحاول انك اتكلم النقابة
    واتقولهم ما عندنا ادارة ووين انروح وعلى فكرة تقدر اتروح للتكويت وتسأل منو ماسك مشروعكم وتقدر تشتكي عندك واااايد حلول والحركة زينة وانا اخوك من الكتابة بالمنتدى والتشكي اسعى خيي بتلقى ان شاءالله
     
  13. Alfany-knpc

    Alfany-knpc بـترولـي جـديـد

    35
    0
    0

    خيي علي انا عطيت اسماء اللي كلموني باخر مواضيعي واقدر اعطيك اسماء اللي كلمتهم

    بهالموضوع شنو تبي اثبتلك اصور محادثتي صوت وصورة وبعدين اتقول شنو اللي مصدقه

    منهم شفت اللستة اللي فيها الزيادات بالايميلات وابي احاول اخذ ايميل منهم بس ماقدرت للاسف

    وفي لائحة بغيت اخذها مو موجودة بالمنتدى بس ماقدرت لانها اوراق تخصهم يعني في شغلات انا

    ما قلتها لكم لاني ماقدرت اوفرها هذا اقل دافع يخليني اكتب بالمنتدى وانا واثق من كلامي

    وعلى فكرة انا من دائرة تقنية المعلومات قسم الاتصالات احنا تطبيق (افعال)قبل الكلام

    وعلى طاري الموضوع بلا اعتصام بلا خرابيط اتعرف تقرا ولا ماشفت شنو كتبت والخرابيط

    اتروح للاعلام وإلخ... أقرا
     
  14. mohamed alajmi

    mohamed alajmi بـترولـي جـديـد

    27
    0
    0
    الله يبرد على قلبك مثل مابردت قلوبنا
     
  15. مساعد الزيد

    مساعد الزيد بـترولـي جـديـد

    21
    5
    3
    الله يعطيك العافية عطيتنا أمل مع إني كنت غاسل إيدي من موضوع الزيادات هذي....بس سؤال شلون طريقة التأمين1000 لكل موظف ممكن توضح لنا ولا عليك أمر.

    وشكرا.
     
  16. joint.operations

    joint.operations بـترولـي نشيط

    76
    0
    6
    اول شي مشكور عالكلام اللى قلته بس اشوفك مشتط عالعالم تري كل واحد حر باللى يقوله وتري اسلوبك مثل اسلوبك الاخ شعم
    خل الناس تاخذ راحتها بالحجي ويقول اللى يقوله واذا الواحد بروح للاعلام اهو حر ولا يسوي اعتصام اذا النقابه محد صرح فيهم شنو صار
    عالعموم شكرا مره اخري
     
  17. Nasser_

    Nasser_ بـترولـي جـديـد

    35
    0
    0
    يابو الشباب الرجال ماهو مشتط ولا شي قاعد يرد على العالم عادي يعني ومثل ماقلت كل واحد قاعد يقول رايه وهو هذا رايه وانت بعد احترمه وبعدين ماهي من شيم الرجال الكلام من ورا الرجال وتجيب طاري ناس مالها شغل وثانيا تقول النقابة ماتصرح غلطان النقابة صرحت وقالوا التكويت اطلبوا مهلة 8 اسابيع بسكم افتراء على الناس واذا عندك شي روح اعتصم بروحك والا روح الاعلام بروحك
     
  18. ثامر العنزي

    ثامر العنزي بـترولـي جـديـد

    17
    3
    0
    الأخ الكريم Alfany-knpc


    موضوع ( بلا اعتصام وبلا خرابيط )
    ارتقي بأسلوبك واحترم آراء الناس
    وإذا عندك نصيحة انصح
    فكلنا نقبل النصيحة ولا نقبل التجريح
    وشكرا لك ،،،
     
  19. Alfany-knpc

    Alfany-knpc بـترولـي جـديـد

    35
    0
    0

    اخوي ثامر اقرأ الموضوع قبل عنوانه :mad:
     
جاري تحميل الصفحة...

مشاركة هذه الصفحة