بيان نقابة نفط الخليج ورسالة موجهة الى وزارة الشؤون الاجتماعية و العمل & الاتحاد العام لعمال الكويت

الكاتب : المحرر النفطي | المشاهدات : 1,319 | الردود : 11 | ‏24 مايو 2014
  1. المحرر النفطي

    المحرر النفطي فريق الإعلام

    3,466
    224
    63
    ذكر
    الكويت
  2. kgoc

    kgoc بـترولـي جـديـد

    45
    0
    0
    نقابة فاشله والافضل ان ترحل

    ملينا والله منها


    ست شهور ننتظر انجاز واحد وما جابو شي ومشغولين عنا

    وين مشاركة النجاح وين تصريحاتكم ضد الوزير والا بلعتو لسانكم

    ما تعرفون تنزلون بيان واحد والا وجودكم اهم من المشاركة بالنجاح

    اذا انتو شايفين الامر بهالصوره ترى احنا عندنا المشاركة اهم من وجودكم

    واللي ما تكلم وساكت من تاريخ تأجيل الاضراب والحين يتكلم في امور تخصه انا ما يهمني ولا ابي وجوده بالنقابة
     
  3. الحبترى

    الحبترى بـترولـي نشيط

    85
    8
    8
    ذكر
    بداية الألف ميل خطوه
    الكويت الحبيبه
    اى والله صدقت ملينا .
     
  4. العبــدلــي

    العبــدلــي بـترولـي نشيط

    73
    0
    0
    الموضوع عن التزوير وما حصل خلف الكواليس

    ما رأي الاخوان في هذا الموضوع ... أتمنى الاجابات والتعليقات محدده في صلب الموضوع

    اما رأيك الخاص في النقابه ومن يمثلها فهو شأنك
     
  5. (نواف)

    (نواف) بـترولـي نشيط

    69
    0
    6
    بدون زعل

    اللي لمسته واستشفيته من هالمجلس الا ( الكرسي )

    واللي قبلها نفس الشي

    وجهين لعمله وحده

    كلهم نفس القبيله ونفس التوجه

    ما اقول الا ( جاك الموت ياتارك الصلاه )
     
  6. جابر

    جابر قــلــم بــتــرولــي أعضاء الشرف

    يانواف ...هذى الثانيه ..اللي (تنغز) على هالقبيله ...بسبب رأيك بشخصين أو ثلاثه

    أقولك إذا ماتدرى ...

    القائمه هذى والسابقه واللي قبلها...

    فيها من أعضاءها كل أطياف الشعب الكويتى ..قبايل وحضر وسنه وشيعه ..

    رجاء إبعد عن هالطرح الطائفى ..

    وإن كنت شخصيا ما ألومك (حيل) ..ألوم اللى قاعدين ياكلون بلحم أبناء عمومتهم على الصاعده والنازله ..

    فإذا كان هذا رأى القريب فما بالك بالغريب

    نرجع ونقول ...خل القبائل على طرف ..وتكلم عن أشخاص ..وأكيد راح تلقى فى المنتدى من يوافقك ..

    والسلام على من إتبع الهدى
     
  7. (نواف)

    (نواف) بـترولـي نشيط

    69
    0
    6
    اخوي جابر

    ( تنغز ) الله يسامحك مو انا اللي انغز على قولتك كلامي واضح مثل ما انت فهمته الكل فاهمه

    والشباب اللي موجودين اعضاء في النقابه الحاليه والسابقه ماقلت فيهم شي

    وكلامي على القبيله واعتب عليها مافي هالبلد الا هالولد لانهم هم اللي مقدمينه

    ولا تقدم القبيله الا خيارها (اطيبها ) للتوضيح

    فاذا كان هذولا خيارها !؟!؟!؟!

    فعلينا وعلى النقابه السلام

    وحنا ماجربناهم يوم وليله

    واما سيرة طائفه ( رجاءاً ابعد عن الطرح الطائفي ) يمكنك كنت تقرا بدون نظاره

    وبعدين الكل شايف والصوره واضحه صراع الكراسي والمناصب والضحيه من .............!
     
  8. جابر

    جابر قــلــم بــتــرولــي أعضاء الشرف

    أخوي نواف
    الشخص اللي ينغز إما يمّوه الفعل ..أو الفاعل ..
    وبعض الشباب مايحط إسم قبيلته بس إسم العايله ..
    وإنت كنت تقول دايما (هالقبيله) وهالقبيله ...

    وإمتنعت عن ذكر إسم القبيله...
    هذا يسمونه نغز ..
    حتى وإن كان واضح لمجموعة ما ...

    أخوى نواف
    اليوم هالقبيله مو عاجبتك ..بكره كل القبائل ..وبعده الطائفه الفلانيه ماتثق فيها ..وهلم جرا
    الأفكار الجويهيليه ..لازم تحاصر ..وصاحبها لايجب أن يستشار في أمور الموظفين

    كلنا مع النقد لأى عضو ..لكن مانعمم على أهله وقبيلته أو طائفته ..مثلا
    هذا لايسمح فيه أي عاقل ..مسلم ..قلبه نظيف .

    بالنسبه لرأيك بالنقابه أو بأعضاءها ..هذا شي يخصك ..لكن فيه ناس كثيره تخالفك الرأي
    وسلامتك
     
  9. (نواف)

    (نواف) بـترولـي نشيط

    69
    0
    6
    اخوي جابر المحترم

    قلتها في بداية كلامي ( بدون زعل )

    طبعا المنتدى للعموم

    مهوب واقف علي او عليك بالردود والشباب فيهم البركه

    لكن كلمة الحق تنقال ولك خاصه

    قول الحق ولو على نفسك واقبل النقد بروح رياضيه

    اخوي جابر والله ابليتني بكلمتك تنغز وكان كلامي واضح هداك الله

    وابليتني بكلمة طائفه وانا ماجبت سيرتها لا حول ولا قوة الا بالله

    وابليتني بكلامك تقول بكره ما تعجبك كل القبايل ولا الطوائف وهلم جرا انا لله وانا اليه راجعون

    وخليت افكاري جويهليه سامحك الله

    فاكتفي باللي قلته لي
     
  10. جابر

    جابر قــلــم بــتــرولــي أعضاء الشرف

    يا خوى يانواف ..ماتبليت عليك ومارديت الا على ماقلت ..ومع الأسف يبدو إنك لازلت تعتقد إن طرحك صح..

    أنا ما ظلمتك بشي ..مشاركاتي ومشاركاتك موجوده ...وأيضا لازلت عند قولي لك ولغيرك ..

    إبعدوا عن التعميم حتى لاتدخلونا بمتاهات حنّا في غنى عنها

    النقابه أشخاصها عموميين..بحكم المنصب .. وبالتالي من حقك تنتقدهم ماداموا على الكرسي وتحاسبهم ..

    أما أهلهم وربعهم وقبائلهم و طوائفهم وحتى من أعطاهم صوت ...لا ..محد له حق يسحبهم في النقاش وينتقدهم..

    للعلم :كلمة طائفه اللى تقول ماقلتها ..أرجع لمعناها ..طائفه تعنى جماعة أو تكتل أوفرقة ...

    وللعلم أيضا : سالفة جويهليه وصف للأفكار ..ولست أنا من يحدد إنها تنطبق عليك أم لا ..أنت من يحدد ..فإن كنت من من يدين قبيله بسبب شخص من أبناءها فهى تنطبق ..والا ..فلا تنطبق

    أتمنى إني وضحت لك كل شي ...وأتمنى إن اللي فات (عثرة) شاطر ..وأتمنى إن هالطرح كان طارئ وسيختفى بعد مده ..

    القاعده الأولى اللى أتبعها في كل كتاباتي : أكتب عن أي موضوع وأرد عليه كأن كل من يقرأه يعرفنى ..أو سيعرفني عن قريب..وعليه لايمكن أن (أتبلى) على أحد ..أو أحط أي شي لا أستطيع الدفاع عنه وجها لوجه ..أمام أي شخص

    والسلام على من إتبع الهدى
     
  11. (نواف)

    (نواف) بـترولـي نشيط

    69
    0
    6
    ملاحظة بسيطه اخوي جابر خاصه ولاخواني فالمنتدى عامه

    وللتوضيح فقط

    ( السلام على من اتبع الهدى )

    لا تقال الا للي تعلم انهم كفار او مشكك في اسلامهم

    اللجنه الدائمه للافتاء منهم بن باز رحمه الله
     
  12. جابر

    جابر قــلــم بــتــرولــي أعضاء الشرف

    هلا نواف ..

    أنا إتبعت الصحيح في اللغه ..لكن مادام فيها فتوى... نبعد عنها أفضل

    ..وإسمحوا لنا جميعا بسحبها ...مو مقصوده ..

    والسلام عليكم جميع
     
جاري تحميل الصفحة...
مواضيع مشابهة
  1. UNIONKGOC
    الردود:
    0
    المشاهدات:
    8,788
  2. UNIONKGOC
    الردود:
    1
    المشاهدات:
    6,486
  3. UNIONKGOC
    الردود:
    4
    المشاهدات:
    7,126
  4. SonMubarak989
    الردود:
    1
    المشاهدات:
    12,713
  5. SonMubarak989
    الردود:
    4
    المشاهدات:
    971

مشاركة هذه الصفحة