اعتصام

الكاتب : bokhaloood | المشاهدات : 1,043 | الردود : 7 | ‏22 مايو 2014
  1. bokhaloood

    bokhaloood بـترولـي جـديـد

    3
    0
    0
    والله لو سوينا اعتصام واضراب عن العمل مثل طيران المدني وغيره لمه ينفذون مطابلهم وحقوقهم

    احنا نبي احقوقنا حالنا حال موظفين الحكوميين ليش اهما احسن منى حط قوانين وخطط عمل للموظفين قطاع الخاص وشوفوهم اشلون يبدعون

    نبي قيمتنا في مجتمع البترولي وللعلم انا راتبي 232 بدون خصم التامين وساكتين ونشتغل اكثر من موظفين الحكوميين

    وانا اتكلم عن مصفاه الاحمدي خصيصا حتى المواقف مسوين فيها تفرقه شنو احنا اعيال عبده مثل ما لهم حقوق وميزات يتمتعون فيها علشان يبدعون هم لنا حقوق هذا اذا تبون انجازات وطنيه تفتخرون فيها بس البوووق اشلون صايرررر

    بسكم مجاملات على بعض اصحواا هذوول يبيلهم صرخه رجال وقفه رجال نوقف مع بعض علشان ناخذ حقوقنا مثل ما اهما ياخذونه

    وابي اعرف شغله ليش يماطلون بلجداول وتامين الصحي هل المبالغ هذي ماخذينها من جيبكم واحنا ما ندري خلاص الوزير وافق ووقع لازم تبوقون جم فلس وتعلونه عللللل بعدين تعطونه لااا وناقص بعد

    حطواا الله بين اعيونكم يا مسؤوليين انا شاب ناوي على زواج اخاف اخذ هل قرار وديرتي محسرتني ما ادري ارضي من سماي

    ارجوا منكم انه نوقف وقفه رياييل وندش على المسائيل ونوقف هم بصف المقابه لانه هم لها دور كبير فيه مطالبه حقوقنا واهيا ادري تبي تمشي بلقانون بس شلفايده انه الي جدامك يلف ويدور ويبي يطلع عن القانون لسلب ميزاتك

    سامحوني على اي كلام غلط طلع مني بس هذي من قهري وحرتي[/center]
     
  2. hanter

    hanter بـترولـي نشيط جدا

    234
    0
    0
    غيرك سوو اعتصام ومافادهم بشي شركة اوسكو امن وسلامه مع انها شركة نفطيه ولها مجلس اداره ورأيس واعضاء ونقابه وطنشوعم وطشروهم تبي احنا المقاولين يسمعونه هههههه انا اقول خل الموضوع ماشي وان شاء الله مافي الا الخير لانه اضراب مايفيدك والتفنيش ابيزه وغيرك واجد يتمنون الوضيفه مالتك لاتخرب على نفسك وعلى ربعك والقانون اذا تطبق الحمد الله واذا ماتطبقك قدر الله ماشاء فعل الرزق من الله احنا في موقف ضعف مو قوه شركة اوسكو الي ماسكه الامن والسلامه ابيوم وليله سكروه صدقي انا مثلك محتاج القانون بس نبي نحل الموضوع ابحكمه مو شغل اضراب وفوضى لانه كل هذا بيجي عليك بلأخير وشكرا
     
  3. santafe

    santafe بـترولـي مميز

    717
    3
    18
    لا يا أخون مو أحنا ولا من شيمنا ان نعطل مصالح الشركات والناس والعباد أحنا أكبر من جذي أقتصاد وثروة البلد فوق كل اعتبار خلونا نراقب الاحداث وننتظر ما سيحدث خلال 8 اسابيع القادمة وبعدها توجد قنوات قانونية ممكن ان نسلكها ونأخذ حقوقنا المسلوبة طيلة 42 سنة .

    أنتهى
     
  4. bokhaloood

    bokhaloood بـترولـي جـديـد

    3
    0
    0
    ما اقول اله اشكوى لله والحمد الله
     
  5. bokhaloood

    bokhaloood بـترولـي جـديـد

    3
    0
    0
    كلامك على عيني وراسي

    لو رواتبنا مثل الناس نسكت حتى راتبنا الحالي ٢٠٥ مع خصم التامينات لااا وكله مخصوووم شتقول يا ولد الحلال

    اشكركم على ردودكم يا اخواني
     
  6. Almulaifi86

    Almulaifi86 بـترولـي نشيط

    96
    0
    0
    باقي ٦ اسابيع على التطبيق نطرو و شوفو
    و انشاءالله هل مره يطلع كلامهم صحيح
    بس انا أتوقع بعد ٦ أسابيع راح يطلع قرار انه الي طبقوا الائحه كانوا متوفين عند توقيع الكتب الرسميه
     
  7. اوسكو88

    اوسكو88 بـترولـي نشيط

    61
    1
    8
    للاسف الحقوق تنهب :)
     
  8. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    نعم الحل = بالأعتصام ،،

    وانا اشوف انه المكان المناسب للتجمع اهو مقابل - مؤسسة البترول أو التكويت -

    وخل نحدد التاريخ واليوم ونتوكل على الله يااخوان ... نجرب ياتصيب ياتصيب أن شاءالله :)

    واتمنـــى ومن كل قلبي بعد ...

    ((الجديه والحضور من جميع الاخواااااااااان))
    لأنه قبل صار اعتصام وماحضر إلا 10 موظفين !!
    5 قاعدين بسياراتهم و3 مشغولين بالتلفون و2 قاعدين عالرصيف هههههههههه


    والتوفييييق أن شاءالله ...

     
جاري تحميل الصفحة...

مشاركة هذه الصفحة