حسبي الله عليك يالعدساني انت وزملائك!!

الكاتب : متدرب | المشاهدات : 4,127 | الردود : 11 | ‏7 مايو 2014
  1. متدرب

    متدرب بـترولـي جـديـد

    3
    0
    0
    حسبي الله عليك يالعدساني انت وزملائك !!


    انا احد متدربي الأمن والسلامه اللي كان تسجيلنا بسنة 2011

    وانا شاب حالي حال اي شاب كويتي يحلم بالعمل بالقطاع النفطي

    صارلنا الحين فتره سنتين ونص واحنا ممنوعين من العمل بسبب عقد التدريب ومحرومين من الوظيفه...

    يا جماعه الخير دورة الأمن والسلامه خلصناها خلال أقل من شهر هل يعقل أن صارلنا سنتين ونص من إجازة إلى مماطله إلى إجازه

    والله يا جماعه إني صرت ادعي بكل وقت وبكل مكان على نزار العدساني وعلي العبيد الرئيس السابق لأوسكو والرئيس الحالي خالد القعود عسى الله يوريهم اللي شفناه ويذوقون من الظلم ما ذقناه

    حولوا احلامنا وطموحنا بالوظيفه الى جحيم

    انا متزوج وعندي بنت وولد

    كنت مجهز اوراقي لدراسة الجامعه بالخارج على نفقة الدوله وتفائلت باعلانهم للتوظيف واجلت دراستي بسبب مصاريفي وحاجتي للشغل عشان اقدر اصرف على زوجتي وعيالي...


    النتيجه شنو؟؟؟


    النتيجه

    خسرت دراستي

    تراكمت علي اجارات اكثر من 7 آلاف

    ديوني تعدت 5 آلاف

    طول هالفترة انام بدون عشا والخمسين فلس اتردد ألف مره قبل اصرفها افكر بحليب عيالي شلون ادبره باجر


    الله لا يبارك ولا يرحم كل من وصلنا وكان له ايد بمعاناتنا

    وانصح كل اللي يبي يتوظف بشركات الزفت يفكر الف مره اذا كان عقد التدريب فيه بند يمنعه من العمل بفترة التدريب لان مثل هالقيادات وعلى رأسهم العدساني عديمي المسؤوليه والإحساس

    العدساني قابلناه قلنا له صارلنا 4 شهور اجازه وقاعدين ببيوتنا قال بس نعطيكم فلوس !!!

    الله يسكر ابواب الرزق بوجهك تستلم فوق 20 الف شهريا ومكتبك بالدور 19 على الخليج وتقول نعطيكم 138 دينار بالشهر !!!

    وفوق هذا كله ربعنا اللي تخرجوا توظفو بنفط الكويت
    واحنا الباقيين ٦٤ شخص قالولنا روحو للبترول الوطنيه

    والحين البترول الوطنيه صارلهم شهر ساحبين علينا
    محد دق علينا نوقع عقدنا ونتوظف ولا احد منهم سأل فينا


    يا جماعه هذا غيض في فيض... واللي نمر فيه اكبر من اللي كتبته... لكن انا بحاجه اني اطلع شي من اللي في قلبي

    والسلام
     
  2. qassem_ali

    qassem_ali بـترولـي نشيط

    95
    49
    18
    ذكر
    لا حول ولا قوة الا بالله العلي العظيم ...... الله يحفظلك عيالك
    يالحبيب الله المستعان هذولي ناس ما تستحي
     
  3. Kuwaitism

    Kuwaitism بـترولـي نشيط

    63
    0
    0
    دعوة المظلوم مستجابة, الله يكون في عونك وعوننا.
     
  4. المحرر النفطي

    المحرر النفطي فريق الإعلام

    3,465
    224
    63
    ذكر
    الكويت
    كود:
    والحين البترول الوطنيه صارلهم شهر ساحبين علينا 
    محد دق علينا نوقع عقدنا ونتوظف ولا احد منهم سأل فينا
    هذا رد الرئيس التنفيذي للبترول الوطنية على موضوعكم والحمدلله ان المشكلة تنحل قريبا خلال الاسبوع القادم بإذن الله
    والحقيقة بوغازي يتجاوب دائما ويهتم في قضايا العمال الله يجزاه خير ويكثر من امثاله


    [​IMG]

    [​IMG]
     
  5. بو اسيل

    بو اسيل بـترولـي نشيط

    75
    20
    8
    الظلم ظلمات

    السلام عليكم. ياخي والله مصيبه وظلم حسبي الله ونعم الوكيل احتسب الاجر وصدقني ربي راح ياخذ حقك. بالنسبه للرئيس المهندس محمد غازي المطيري احسبه والله حسيبه انه فأل ووجه خير على الجميع وان شاءالله تنفرج وتنحل مشكلتكم. موفق خير
     
  6. obo_Flona

    obo_Flona بـترولـي مميز


    الله يسهل اموركم ان شاء الله ويكتبلكم الخير و تنفرج هالمصيبه عن قريب بإذن الله
    وكله بأجره ...وحاس بوضعك الله يعينك
    وعسى ان تكرهوا شيئا وهو خير لكم
    ومايروحون هالمتخاذلين من حساب ربك
    الله يصبركم ويعينكم على مصيبتكم





     
  7. بو أحمد الوفراوي

    بو أحمد الوفراوي بترولي خاص أعضاء الشرف

    219
    1
    16
    السلام عليكم أخوي ... ما أقول غير حسبي الله و نعم الوكيل في كل واحد يقطع أو يأخر رزق الناس ...والظلم ظلمات بوم القيامه والله يعينكم و يصبركم
     
  8. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    أسأل الله جل في عُلاه أن يفرّج همومكم وتتيسر أموركم ويقضي عنكم ديونكم ..

    وبإذن الله ستُفرج ولكن عليك بالصبر واحتساب الأجر ..



     
  9. متدرب

    متدرب بـترولـي جـديـد

    3
    0
    0

    اليوم مر 3 ايام من الاسبوع

    ولازلنا ننتظر
     
  10. باترول

    باترول بـترولـي جـديـد

    44
    0
    6
    يقولون أهلنا من أول
    ننطر الكذاب لي باب الدار
    ماكو شي بعيد
    أن غدا لناظره قريب
     
  11. المحرر النفطي

    المحرر النفطي فريق الإعلام

    3,465
    224
    63
    ذكر
    الكويت
  12. املي بالله كبير

    املي بالله كبير بـترولـي نشيط جدا

    السلام عليكم يا شباب

    مبروووووك و اول الخير ان شاء الله

    و صراحة احب اشكر الاخ المحرر النفطي ... دائما يبشرنا بالاخبار الطيبة :)

    و الله ولي التوفيق
     
جاري تحميل الصفحة...

مشاركة هذه الصفحة