رساله الى رئيس النقابه محمد باني الفضلي

الكاتب : Ali911 | المشاهدات : 1,603 | الردود : 7 | ‏6 مايو 2014
  1. Ali911

    Ali911 بـترولـي نشيط

    88
    0
    6
    السلام عليكم
    اخوي محمد باني الفضلي ادري وايد ناس يهاجمونكمويقولون لكم كلام يمكن يجرح ،
    بس المفروض ماينلامون لان صارلكم شكثر سنه ؟
    توعدون توعدون وماشفنا شي انت ماتتكلم بالمنتدى هذا كان الاخ سعود العنزي اللي يتكلم اول شي قال التطبيق 4/1 صار واحد اربعه وماشفنا شي
    كل شي يطلع واحد يكتب ان احنا خذوا اوراقنا والباجي احنا وقعنا
    وييييين ؟؟؟
    انا موظف ومعاي 17 موظف محد سمع عن هالشي
    واعرف ناس باماكن ثانيه هم ماوصل شي اللي يقول انا وقعت وشفت (( الكلام ببلاش )) انا اقدر اقول ياشباب انا خلصت ونزلتلي زياده
    خل هالموضوع
    الاخ سعود العنزي كتب اللي عندهم بصمه يبلغوني وانا اشيلها ماشفنا شي صار امثر من شهر ولا جنه صاير شي
    بعدهااخ سعود العنزي قال بالمنتدى اي واحد عنده سؤال يسال وانا اجاوبه هم صارله اكثر من شهر مايرد
    انا ماالومه لان في شخص كتب ان عنده ظروف الله يعينه والصواحه كان يرد عالكل
    بس اللي ابي اعرفه انتوا بالنقابه جم واحد ليش بس الاخ سعود كنا انشوفه والباجي ماسمعنا عنهم شي
    ،،،
    المهم انت يا رئيس النقابه كتبت ان هالاسبوع سوف يتم توقيع العقود الجديده اليوم الثلاثا وعقبه الاربعا وعقبه الخميس اخر يوم من هالاسبوع
    وانا متاكد راح يطلع واحد ويكتب ياشباب انا شفت العقد بس ناطرين توقيع المدير التنفيذي او مدير العام
    (( الزبده لي اهني وبس احنا مومستعدين كل شوي ننوعد واخير شي ماكو فعل )) انا معاي 17 موظف هذا اخر اسبوع اذا ماكو تطبيق احنا مانبي زيادات وتطبيق نبي نقابه جديده نبي نقابه قول وفعل ،،،
    رجاءا لا يطلع واحد الحين يكتب اصبروا يااخوان وانا شفت وسمعت
    بسنا اوهام مو عيب ان قلتوا ماكو تطبيق عيب ان قلتوا ان هالوقت راح توقعون وماكو نتيجه
    الوعد يوم الخميس اذا وقعنا اقسم بالله اعتذر بالمنتدى
    واذا انت يارئيس النقابه كلامك ماتطبق مانبي اعتذار نبي توقف تصريحات ،،
    طبعا في ناس يسالون وين ومتى قال رئيس النقابه ان واح يتطبق قال بتويتر ان هالاسبوع التوقيع للعقود الجديده
    ومشكور يا محمد باني اذا قريت او وصلتلك هالرساله انت مو عدونا انت اخو يمكن انت تحاول تجيب حقنا جزاك الله خير بس ماكو مصداقية توصلنا
    والسلام عليكم وشكرا
     
  2. Mslam

    Mslam بـترولـي نشيط جدا

    224
    57
    28
    ذكر
    كهربائي
    kuwait
    نتفق مع مضمون هذه المناشدة ونعتب على النقابة الضبابية وعدم توضيح الامور
     
  3. Barcelony

    Barcelony بـترولـي نشيط

    81
    0
    0
  4. نفطى خاصkoc

    نفطى خاصkoc بـترولـي نشيط

    96
    5
    0
    لو فيه شمس كان طلعت امس
    قد ناديت اذ ناديت ولكن لاحياة لمن تنادى
    نقابه اصابها شلل او عين لازم نوديها لمطوع يقرأ عليها
    والا ناطرين الضوء الاخضر من المؤسسه عشان يصرحون؟
    احنا انتخبنا نقابه من المفترض تطالب بحقوق العمال وتدافع عنهم مو مناديب عند المؤسسه والشركات التابعه!!
    وين المدعو شعم اشوف مالك حس *********
    بصراحه الوضع احباط شديد ونتكلم من حرقه فينا
     
  5. عصفور

    عصفور بـترولـي جـديـد

    33
    1
    8
    ياشباب انا شفت تصريح رئيس مجلس ادارة knbc المطيري

    يقول انه سبب تأخير عقود المقاولين هو تجهيز اللائحه الجديده

    والتصريح موجود بالمنتدى

    وماتوقع انه يبي يجذب لان الموضوع مو فارق معاه
     
  6. Almulaifi86

    Almulaifi86 بـترولـي نشيط

    96
    0
    0
    عاد تصدق التأخير من النقابه و المؤسسه و انا واثق انه ماكو توقيع حته الاسبوع الياي ولا راح اتوقعون أبشركم اليوم بيصرح واحد و يقولكم خلصنا من التأمين الصحي بس طلعتلنا ثقره يديده بلعقد لازم اتعدل و هذا الي راح يصير
    و شكرا
     
  7. diver1120

    diver1120 بـترولـي جـديـد

    26
    0
    0
    انا من المتاااابعين ولكن بصمت يالربع والله ودي احباطنا يكووون مو في محله بس طلعت عيوووونا
     
  8. Oily-Man

    Oily-Man بـترولـي نشيط

    67
    0
    0
    كل ما قلت : يا شباب ما كو شي ... يرد على كم واحد : إنت ليش تهاجم النقابة ...؟
    والمصيبة إن كم واحد يصرح بأن التوقيع في هالإسبوع على العقود ...! وهو أساساً
    مافي شي إسمه عقود . النقابة قاعدة تضلل الشباب في تصريحات بلا مصداقية
    وقلت أكثر من مرة إنها عبارة عن (( أبر بنج )) وإن العملية مطولة كم شهر بعد
    وإتركوا عنكم سالفة (( الإسبوع القادم )) أو (( نهاية الشهر )) يا نقابة
     
جاري تحميل الصفحة...

مشاركة هذه الصفحة