معلومات عن المختبرات !!؟

الكاتب : MshoOoR_Q8 | المشاهدات : 1,814 | الردود : 10 | ‏1 مايو 2014
  1. MshoOoR_Q8

    MshoOoR_Q8 بـترولـي جـديـد

    3
    0
    0
    السلام عليكم ورحمة الله وبركاته ..

    حبايبي انا من المقبولين من اعلان التوظيف الدبلوم شهر2 ..
    تخصصي هندسه بترول استكشاف وتطوير ..
    واليوم كان الفرز وطلع اسمي بالمختبرات !
    فـ ممكن احد يفيديني بشكل عام عن المختبرات وشلون طبيعه العمل واوقات الدوام ؟
    وجم فترة التدريب ؟ وأي معلومه اضافيه عن المختبرات؟
    ويعطيكم ألف عافية ادري ثقلت عليكم بالاسألة:)

    شاكرلكم وناطر ردودكم ...,
     
  2. عمر الفيلجاوي

    عمر الفيلجاوي بـترولـي جـديـد

    3
    0
    0
    وانا تخصصي دبلوم انتاج وتصدير
    والفرز كان مختبرات
    احد يفيدنا ؟

    ويعطيكم العافية
     
  3. Q8Y5

    Q8Y5 بـترولـي جـديـد

    40
    0
    0
    اخوي المختبر اهم قسم بالشركه هو الي يحدد جوده النفط والماء و كل شي يدخل في انتاج النفط
    والتصدير واوقات العمل 12 ساعه شفتات يوم صبح ويوم ليل ويومين راحه اي وقت توصل لك عينات خلال 12 ساعه تفحصها وتسلم النتايج للقسم المسؤول عنها هذا بالنسبه للفني مختبر2 اما بالنسبه للاعلى باختصار حسابات المواد الكيميائيه الازمه لضخها في النفط والماء لتسحين الانتاج وهناك اعمال اكثر انشاء الله راح تعرفها ......وحياكم الله في القسم الميت :d
     
  4. Chemist

    Chemist بـترولـي نشيط

    95
    0
    0
    في نوعين مختبرات بالشركه ،

    مختبر الماي + مختبر النفط

    طبيعه الدوام ١٢ ساعه

    يوم صبح
    يوم ليل
    يومين اجازه

    المسمى : فني مختبر ٢
    تتوظف على قريد ٩ اعتقد
    المعاش حول ١٥٠٠ اتوقع
    واذا داومت بقسم ال water handling تاخذ بدل طريج يزيد على معاشك حوالي ١٥٠ بالشهر تقريبا
    واذا بقسم ال export operation نفس المعاش بس ماتاخذ بدل طريج
    الشغل خفيف ، واي سؤال انا حاضر
     
  5. عمر الفيلجاوي

    عمر الفيلجاوي بـترولـي جـديـد

    3
    0
    0
    يعطيك العافية على المعلوماات
    بس سؤال ليش قسم ميت ؟
    يقولون القسم ماله مستقبل من ناحية الترقيات ؟
    واقدر احول حق الانتاج لان انا تخصصي انتاج وتصدير ؟
    وتوقيع العقد الرسمي راح يكون يوم الثلاثاء ان شاء الله
    والسموحة على كثرة الاسئلة
     
  6. Q8Y5

    Q8Y5 بـترولـي جـديـد

    40
    0
    0
    القسم راح يتحرك ان شاء الله لان كثير اطلعوا تقاعد
    التحويل من قسم الى قسم هذا في ايد الشركه يوم يفتح التحويل ويوم لا
    وقع وتوكل على الله احسن ماتصير فورمان تطلع بنص الليل بروحك حق العيون :d
     
  7. سهاله

    سهاله بـترولـي نشيط جدا

    202
    0
    0
    انا مو في المختبر بس صراحه انصحك ياخوك لاتجي المختبر الربع هناك يشكون ويتذمرون من بعض المسئولين عندهم. وعندهم جمود صارله 8 سنوات انصحك تروح مناولة المياة الانتاج مو المختبر والله يوفقك.
     
  8. نفطي بترولي

    نفطي بترولي بـترولـي نشيط

    83
    0
    0
    وعليكم السلام ورحمة الله وبركاته
    أهلا وسهلا بالزميل الجديد
    أبشرك كموظف جديد بقسم المختبر بأن معظم الموظفين يتجاوزون خدمة الثلاثين سنة والفئة التي خلفهم يتجاوزون ال20 سنة
    يعني خلال 10 سنوات سيفقد المختبر حوالي 50 بالمئة من القوى العاملة
    والله أعلم


    لكن نصيحتي الحقيقية والأخوية
    أكمل دراستك الجامعية بعد الإنضمام للقسم

    فالقسم يعتبر من أفضل الأقسام إذا مافكرت بإكمال دراستك


    فمن خلال إكمال دراستك ستستطيع إذا لم ترغب بالقسم بأن تنتقل إلى قسم آخر
     
  9. greatricks

    greatricks بـترولـي جـديـد

    3
    0
    0
    السلام عليكم ورحمة الله وبركاته

    شباب ممكن احد يفيدني بمكان الـ Operation Building في شمال الكويت
     
  10. MshoOoR_Q8

    MshoOoR_Q8 بـترولـي جـديـد

    3
    0
    0
    يعطيك الف عافيه اليوم وقعت العقد وبكون بقسم الwater handling برقان ..
    سؤال اخير بس شلونه من قسم !؟
     
  11. MshoOoR_Q8

    MshoOoR_Q8 بـترولـي جـديـد

    3
    0
    0
    يعطيك الف عافيه ع النصيحه وانا ان شاءلله الاراده تكون موجوده واكمل دراستي ...
    بس والله ما عرفنا ناس تذم بالمختبرات وناس تمدح توترنا صراحه !!
     
جاري تحميل الصفحة...

مشاركة هذه الصفحة