نقابتنا .. احنا اخوانكم في البحر وهذي مطالبنا ..ليش ناسينا

الكاتب : kgoc | المشاهدات : 768 | الردود : 6 | ‏30 ابريل 2014
  1. kgoc

    kgoc بـترولـي جـديـد

    45
    0
    0
    السلام عليكم ورحمة الله وبركاته
    حملني مجموعة من الاخوان في البحر بامانة نقل هذه الرسالة


    اخوانكم في البحر يستغيثون... والنقابة لاهيه في صراعاتها

    عندنا مجموعة من المطالب وابرزها:

    1- علاوة بحر خاصة لعمال البحر

    مثل ما يصرفون بدل شعله لزملائنا اللي في البر نبي تصرف الشركة علاوة خاصة بالبحر.

    2- بدل طريق ( غير بدل الطريق الاساسي)

    احنا نداوم من البر للبحر مسافة 50 كيلو على الطايره
    او على البوت وهذا مو محسوب عشان بس نوصل مقر عملنا

    3- صرف البدلات مع الرواتب وعدم تأخيرها

    ملينا وهم يتأخرون في البدلات والعلاوات اللي ما تنزل
    الا بعد اشهر من تاريخها والسبب تاخر سكرتير الدائرة في تسجيلها وارسالها

    4- بدل استدعاء
    نعمل 12 ساعه متواصله ونجلس في الانتظار 12 ساعة اخرى ايضا
    في انتظار اي مشكله ولا نرجع لبيوتنا
    والمفروض يحسبون 12 ساعه يوميا بواقع 5 ايام في الاسبوع

    5- بدل منطقة نائية
    العاملين السعوديين في البحر في منطقة السفانية
    يصرف لهم بدل منطقة نائية
    واحنا لا مع انهم يبعدون عنا في بعض المواقع اقل من كيلوين !!!

    وفي قرار جابته النقابة ايام دكتور فدغوش الله يجزاه خير
    يقول ان المنصات البحرية تعتبر من المناطق النائية وكان هذا في 2013 ليش للحين ما يصرفون البدل

    6- بدل انتقال بحري
    للاسف احنا نتنقل من المحطات والآبار والحفارات بالبوت
    وياخذ وقت كبير وخطوره اذا في موج وهذا قمه في الخطر

    7- اعمال شاقة
    على كثر الخطر والمشقة الا انهم ما يعتبرونا من الاعمال الشاقة

    وهذا المطلب دق الصدر فيه رئيس الاتحاد عبدالعزيز الشرثان قدام الشباب
    ومن ذاك الوقت ما صار ولا شي وللاسف مايرد على اتصالاتنا
    ولما سألنا في الاتحاد عن الموضوع قالو مطول يبيله كم سنه!!!

    وباقي المطالبات مثل الموظفين وبعضها تتعدل ايام وتصعب ايام مثل الاتصالات بينا وبين اهالينا وغيره

    لكن النقابة اللي فاتت احترمتنا وحضرت لنا في البحر
    وحضر منهم الدكتور فدغوش العجمي و ناصر الهاجري والباقين بالاتصال
    لكن النقابة هذي ولا اسألت فينا
    فلازم يخافون الله فينا ويمارسون دورهم النقابي
    ولا يوقفون ويا ناس ويطنشون ناس
     
  2. خفجاوي 200

    خفجاوي 200 بـترولـي جـديـد

    40
    0
    0
    الله يعينكم أذا انت تنتظر من النقابه ترد عليك موت غرق ولا تلقى منهم رد لأنهم مادرو عنكم بس الله كريم القادم أجمل وليس منهم بل من غيرهم
     
  3. الشامري1

    الشامري1 بـترولـي نشيط

    100
    0
    0
    قرب يوم التغيير

    نقابة ***** تحاول ثني الموظيفين هن التوقيع
    من خلال الوتود الزائفة
     
  4. ابوسعووود

    ابوسعووود بـترولـي نشيط جدا

    222
    0
    0
    النقابة مفتوحة روحوا وقدموا مطالبكم لهم
    والشباب ما يقصرون
     
  5. (نواف)

    (نواف) بـترولـي نشيط

    69
    0
    6


    الله يهديك ويصلحك
    قبل الانتخابات يحبون خشومنا وعقبها عمك اصمخ
    الا مقصرين ومقصرين ومقصرين
    حتى رد منهم مافيه

    نبي واحد منهم يرد ايتواصل مع العمال
    ماطلبنا شي
     
  6. scan

    scan بـترولـي نشيط

    89
    0
    0
    حقك محد ينازعك عليه
    والحق ما ينزعل منه

    لازم يروحون لهم وياخذون طلباتهم بعين الاعتبار والاهمية القصوى
     
  7. kgoc

    kgoc بـترولـي جـديـد

    45
    0
    0

    مافي اي خبر من النقابة نهائيا ولا اهتمام ولا حتى تصريح بالموضوع


    والشباب في تذمر كبير ويبون يطلعون من البحر مو قادرين
     
جاري تحميل الصفحة...

مشاركة هذه الصفحة