عاجل بخصوص الزياده

الكاتب : مرور الكرام | المشاهدات : 3,715 | الردود : 49 | ‏22 ابريل 2014
  1. مرور الكرام

    مرور الكرام بـترولـي جـديـد

    31
    0
    0
    بختصر عليكم

    وكلام حاسبوني عليه

    بالنسبه للقطاع النفطي الخاص
    اللي مع الKoc


    اقسم بالله العظيم
    اقسم بالله العظيم

    مافيه زياده هالشهر ولا شهر 5 بعد

    ولا فيه تأمين صحي ولا اثر رجعي

    ملاحظه: انا اقسمت بالله قسم احاسب عليه

    والمصدر ( التكويت ) وشفت المراسلات
    كلها خرابيط ومواعيد مؤجله

    وسلامتكم

    ويمكن بعد شهرين يقررون ويشتغلون
     
  2. Almulaifi86

    Almulaifi86 بـترولـي نشيط

    96
    0
    0
    انا ادري لانه فيه لجنه فرعيه الائحه ليلحين ما تطبقت لانه في ماده ليلحين قاعدين يتناقشون فيها و انا كتبت و محد رد علي لانه ماكو عندهم رد
     
  3. عبدالعزيز الهزاع

    عبدالعزيز الهزاع بـترولـي جـديـد

    24
    0
    1
    معاشنا كافي وموفي من غير هالزياده والكذب اللي من النقابه
     
  4. Almulaifi86

    Almulaifi86 بـترولـي نشيط

    96
    0
    0
    الحمدلله على كل حال و انشاء الله بتحوشنا زياده
    #مدفون
     
  5. wafrawyy

    wafrawyy بـترولـي نشيط

    111
    0
    0
    اذا هالكلام صحيح نبي رد من محامي النقابه الاخ شعم ينفي ونبي ادله علي النفي
     
  6. Barcelony

    Barcelony بـترولـي نشيط

    81
    0
    0
    انا كلمت الدكتور اسامه الجهيم
    وقالي انهم شغالين عالموضوع
    وباذن الله التوقيع هالشهر
    مادري يمكن هالكلام يطمن
    والله ضعنا بالطوشه
    احسن شي خلوها على كيفها متى ماصارت صارت
    ولا كل يوم نشوف كلام يعور قلوبنا عالفاضي
     
  7. مرور الكرام

    مرور الكرام بـترولـي جـديـد

    31
    0
    0
    ادري موضوعي يضيق الخلق

    لكن انا ماودي تنتظرون هالشهر او شهر ٥ على الفاضي


    والله العظيم انا مو ضد النقابه

    لكن ضد التكويت وتصرفاتهم

    وسلامتكم
     
  8. mook

    mook بـترولـي جـديـد

    6
    0
    0
    السلام عليكم

    اخواني انا تبع ال koc واتصلو علي الشركة وطلبو اوراقنا والي انضمو للتكويت بشركتنا بعد طلبو واوراقهم وقالولنا بصريح العبارة عشان قانونكم اليديد وحسبة زيادتكم وبلغونا انه الزياده هالشهر والاثر الرجعي شهر 5

    ويبنا اوراقنا من التامينات واعادة الهيكله وشهادتنا وكل شي

    والصبر الصبر الصبر ان الله مع الصابرين
     
  9. Naser79

    Naser79 بـترولـي نشيط

    108
    0
    0
    التطبيق قادم لا محاله سواء هذا الشهر او بعد شهرين

    الكل منتظر تطبيق اللائحه والزيادات والتأمين الصحي والامان الوظيفي

    وهذا الشي تحقق لله الحمد بعد توقيع الوزير ورئيس مؤسسه البترول الكويتيه ورئيس نفط الكويت ورئيس البترول الوطنيه ونفط الخليج وجميع المؤسسات التابعه للبترول الكويتيه

    يا اخوان بأختصار مسأله وقت لا اكثر

    الله يصبرنا الكل صبر والكل اجتهد

    وللامانه النقابه لها دور كبير وواضح يشكرون عليه بالرغم ان في ملاحظات كثيره عليهم وسلبيات ولكن هذي مع الوقت ان شاءالله راح تتغير بعد اكتساب خبره نقابيه اكثر

    الله يوفق الجميع ويكتب اللي فيه خير للجميع
     
  10. شعم

    شعم بـترولـي نشيط جدا

    227
    0
    0
    انا جاهز هههه يحليلك ، ، يعني بتوضحلي خلاص انت اللي على حق !!!!!
    اقولك الله يصلحك بس .
    لان هذا مجرد كلام ، منو اللي بالتكويت قال له هالكلام ، خل يقول ويذكر اسماء.
    وتبي دليل النفي اذا جاب دليل على كلامه.
    ، سلملي على درج السياره اللي ما شفنا منه الورقه اللي كانت بالدرج . ولين الحين بتويتر يشكي :)
    مشكلتك تناقض انت ما تدري اذا هالكلام صحيح على قولتك اذا هالكلام صحيح تبيني ارد.
    الا ما قلتلي اداره المنتدى ما عطوك الباسوورد مال اسمك المستعار القديم ، ترى من حقك اطالب في بيانات اسمك المستعار القديم. بس ليش ما عطوك هذا شي غريب ، شنو كان نكك القديم :)?????
    مو مهم مو هامني هالموضوع.
    لكن بقولك شغله ، وخل اللي يتكلم يتكلم ويزيد من كيفه ، وين الدليل الرسمي عالكلام اللي ينقال .
     
  11. شعم

    شعم بـترولـي نشيط جدا

    227
    0
    0
    السلام عليكم ورحمة الله وبركاته.
    انا راح اتكلم لكن ما اتهم. احدربالكذب والعياذ بالله.
    لكنها نصيحه لنفسي ولكم .
    وقال تعالى بسم الله الرحمن الرحيم*{ إنما يفتري الكذب الذين لا يؤمنون بآيات الله وأولئك هم الكاذبون}. صدق الله العظيم.

    قال رسول الله صلى الله عليه وسلم*: كفى بالمرء كذبا أن يحدّث بكل ما سمع رواه مسلم ،،
    عن معاوية بن حيدة قال : سمعت النبي صلى الله عليه وسلم يقول ويل للذي يحدث بالحديث ليضحك به القوم فيكذب ،*ويل له ، ويل له*رواه الترمذي وقال :*هذا حديث حسن ، وأبو داود*
    … ------_--------------------------------------------
    عن عبد الله بن مسعود قال قال رسول الله صلى الله عليه وسلم إن الصدق بر، وإن البر يهدي إلى الجنة ، وإن العبد ليتحرى الصدق حتى يكتب عند الله صدّيقا ، وإن الكذب فجور ، وإن الفجور يهدي إلى النار ، وإن العبد ليتحرى الكذب حتى يكتب كذابارواه البخاري ومسلم*.

    وشكرا
     
  12. Ali911

    Ali911 بـترولـي نشيط

    88
    0
    6
    اشدعوه ياخوي شعم سويتها قناة صفا صرت العرعور الله يهداك
    كل شي واضح ياخوي قالو ٤/١ التطبيق وماشفنا شي انت تقول في اوراق رسميه وينهم والناس طقت جبودها كل يوم قايلين بشاره وبشاره واخير شي اتقولون لازم نلتف عالنقابه ونصوتلهم ، انا واحد راضي بمعاشي وماابي زياده ولا شي كافي لي اهني وبس
    النقابه قبل ٤/١ يتكلمون بالمنتدى بعدها ماكو شي
    دش على منتدى موظفين koc وغيرهم شوف الانجازات وكل شي يبونه يصير عليهم بالعافيه والله يهنيهم انشاءالله
     
  13. نفطى خاصkoc

    نفطى خاصkoc بـترولـي نشيط

    96
    5
    0
    معورتك صفا والعرعور لهدرجه
    الله يهديك بس
    المهذري مايهذري الا من حر السخونه
    والشيخ عدنان العرعور وقناة صفا تاج راسك
    والرد القادم راح يكون بالعظم اضبط حالك واترك الفتن عنك
     
  14. wafrawyy

    wafrawyy بـترولـي نشيط

    111
    0
    0
    شفيك شفيك عصبت هدي بالك لهالدرجه الكلام جرحك واذا علي النك يكفي هالنك اخذ حقه وزياده
    وان عطوني ماقصرو واذا لا مايشوفون شر :d:d
     
  15. wafrawyy

    wafrawyy بـترولـي نشيط

    111
    0
    0
    اخوي شعم انت حاط موضوع وسالك الاخ المليفي سؤال والرجال ناطر رد منك او عالاقل قول مادري وشكرا لان الصراحه سؤال محد يقدر يجاوب عليه الا انت بحكم الميانه اللي بينك وبين النقابه
     
  16. Ali911

    Ali911 بـترولـي نشيط

    88
    0
    6
    حبيبي الكلام مو موجه حقك بعدين انا ماغلطت على قناة صفا ولا على الشيخ لاتقلب السالفه طائفيه
    انا حالي من حالك ياحبيبي نفس مذهبك لاتحاتي انت اللي قاعد اتسوي فتنه مو انا
    وهذري هذري ورين رين ياجرس والثعلب فات فات وكحه وسخونه ،، بعدين لاتهدد كلام راح يكون بالعظم ياقوي يا سوبر مان خف علينا
     
  17. محسن السويدي

    محسن السويدي بـترولـي نشيط جدا

    279
    30
    28
    ذكر
    ميكانيكي
    الكويت
    السلام عليكم ورحمة الله وبركاتة

    ياجماعة عيب عليكم انتم رياجيل انتم تعلمون ما تتعلمون مو حلوةالهواش بالمنتدى كلنا مصلحتنا وحده و كل واحد له حق في إبداء رايه
     
  18. hanter

    hanter بـترولـي نشيط جدا

    234
    0
    0
    تدرون شنو مشكلتكم والسموحه على هل جمله كلمه تجيبكم وكلمه توديكم كلمن قال شي قمتو تصدقونه وتطبلوله
    الدليل على انه هل كلام غلط الكتب الي توقعت من جميع رؤساء النفط والبترول الي اهم فوق التكويت والموضفات الي قاعدين يقولون لكم ماكو شي
    لانه في اجتماعات بين النقابه ورئيس التكويت على كيفية احتساب الخدمه والدرجه واول ما ينهون الموضوع راح تجي اوامر بتنفيذ وراح يقولون لكم التكويت جانه شي بس الصبر زين
    والنقابه قاعده تكافح حق حقوقكم وانتو قاعدين تهاجمونه ياخي هل جزات الاحسان الا الاحسان هذا بدل ماتفزعون معاهم تهاجمونهم وبعدين ان شاء الله اذا تتطبق القانون انا اشهد انه في ناس بتختفي في المنتده
     
  19. wafrawyy

    wafrawyy بـترولـي نشيط

    111
    0
    0
    لا تحاتي انا اول واحد ماراح اختفي قاعد بالمنتدي :):d
     
  20. Almulaifi86

    Almulaifi86 بـترولـي نشيط

    96
    0
    0
    انا ما يبت كلام من عندي الكلام هذا مذكور بلكتب الي حطوها ثاني كتاب رابعا اللجنه الفرعيه قاعد يدرسون الماده 47 من اللائحة
    ممكن اتوضحون شنو الي توصلو حقه اب دراستهم حق الماده شدعوه قاعد يدرسون فيزيا ههه شهر كامل يدرسون ماده و ليلحين ما توصلو حق حل
    و انا مو قاعد اهجم او انتقد او اسوي مشاكل انا ابي الشفافية و الصراحه و انا و وايد ناس نبي أنعرف شنو صار على هل ماده
    و انشالله يكون عندكم رد على سؤالي و عادي وايد شغلات توقعت و ما شفنا شي
    لانه الكتاب يتوقع و يختفي عادي انا ما بي ادش اب مواضيع درج سياره و شنو صار من قبل ابي اعرف وين واصلين و شنو اخر الأخبار عن الائحه و اتمنى احد من النقابه يرد علي
    و ارد و أقول مشكورين و ما قصرتو يا النقابه على توقيع الكتب
     
جاري تحميل الصفحة...

مشاركة هذه الصفحة