بيان من قائمة التغيير..ردا على بيان النقابة الهزيل رقم 4/2014

كفو يالتغيير ​

استمرو في البيانات لما يصدر منهم مثل هذا التخبط والضياع لحقوقنا ​

ولاتسكتون عنهم ترى حقوقنا برقبتكم وانتو المسؤولين لاني ما اثق فيهم.​

والله وانا اقرا بيان النقابة امس واليوم احاول بعرف شنو بيوصلون له وشنو يبي يقولون ماني عارف​

شكرا قائمة التغيير​

 

الله يجزاكم خير يالتغيير بياناتكم واقعيه وصحيحه​

وكلام حلو وجميل ويعبر عن ما في نفوسنا كلنا
واول ما قريت بيان النقابة امس استأت وتضايقت انه صدر من النقابة ​

وودي اعرف منو الشخص اللي ارسله؟
وهل كل الاعضاء من قائمة الوحدة العمالية موافقين عليه؟ وليش ارسله؟​

 

بيض الله وجيهكم يالتغيير على كشف تلاعب هذا المجلس في حقوقنا ومطالبنا​

من الاسبوع اللي فات وهم يعشمونا وآخر شي يطلعون هالبيان الدايخ اللي مثل لبن سمك تمر هندي​

قولو يا النقابة تم رفض المطالبات عشان نفزع وياكم ولا تسحبون فينا كل اسبوعين وثلاثه​

قاعدين 5 شهور عشان يطلعون بهالبيان المهزوز الغامض!!!​

 

************

هذا اللي فكرت فيه من اول ما صدر بيانهم الغامض ​

اولا : شكرا للتغيير على بيانهم الطيب والمنطقي والامثلة العجيبه​

ثانيا: اقول للنقابة انتو تستغفلونا او تستهزؤون في الجمعية العمومية في بيان ضايع مثل هذا البيان​

يقول تم مناقشة المطالب العمالية ولا يذكر ولا مطلب !!!!!​

شنو اللي عرفني انك ناقشت مطالب الوفرة او ناقشت مطالب الخفجي؟​

شنو اللي عرفني انك ناقشت مطالب عامة مو مطالبك الخاصة؟​

وشنو اللي عرفني اذا كنت متخاذل مع الشركة ضدي؟ وضد مطالبي؟​

وليش ما كنتو يالنقابة صريحين في بيانكم لانكم بديتو البيان بالشفافية وهو ما فيه ريحة الشفافية​

بيان النقابة غلطه كبيره من اللي صدره وارسله ​

وبيان التغيير فوق الممتاز ووضع النقاط على الحروف​

 

اشكر قائمة التغيير على البيان اللي ازال الغشاوة عن عيوننا ​

ونقابتنا مستحين يقولون ان بدل الطريق مرفوض
والاعمال الشاقه مرفوض وشفت الاطفاء مرفوض والجامعيين مرفوض والكورسات مرفوض والمستشفيات وغيرها ​

وسألو الشباب احد اعضاء النقابة في المجلس يوم الجمعة وقال ما عطونا شي ​

فشلون النقابة تطلع ببيان توه على الناس فيه ​

اللي نطالب فيه النقابة تتفرغ لمطالبنا وتعطينا بيان ثاني صريح
وواضحوما فيه لبس ولا غموض ولا تمويه وهذا مطلب للجميع​

وكان في ردود للشباب الصبح وين راحت؟!!​

 

السلام عليكم
اخواني موظفين نفط الخليج صفوا مع نقابتكم ترى اي انجاز فهو انجاز لنا واي فشل فهو لنا
واتمني من اخواني عدم اشغال النقابه عن واجبهم النقابي واذا تبيون نحاسبهم فيكون فى صندوق الاقتراع
وارجوا من النقابه السابقه ان تهدأ وعدم التفرقه بين الموظفين بالبيانات التي تطعن فى نزاهةومصداقية النقابه
والى تسوونه تراه لمصلحة الشركه
فنحن موظفون نفط الخليج خصمنا هي الشركه وليس بعضنا بعض
انا ليس مع العماليه ولا مع التغير انا مع من يجيب حقي ومصلحتي​

 

يعطيك العافيه اخوي بوصقر
ما يحتاج الكتاب واضح من عنوانه كثرت المواضيع ويصدر بيانات من اناس لا يحملون اي صفه

ماهو الا تاكيد انهم يريدون خلط الاوراق وبعثرت الامور
والنقابه معروفه عنها بالافعال وليس الاقوال والايام القادمه راح تثبت ذلك

 

اشكر قائمة التغيير

والبيان يمثلني

 

احلى واجمل ماورد في هذا البيان

اين هذا المحضر لكي تقام الحجه على النقابه

 

ي كاشفهم
عن نفسي ابي صوره المحضر مو الاصل لانه الاصل ضايع وفيه بلاغ من المخفر

 

اخوي شدخل اصل محضر المفاوضات المباشره ويا الشركة ببلاغ المخفر؟
يا انك جاهل في الامر
يا انك تلبس على الناس الموضوع

 

عزيزي البيان حقكم
مو يقول تم الموافقه بمحضر رسمي
خلاص بطلت مابي الصوره
نبي الاصل طلعوا الادله والبراهين اللي عندكم

 

واضح انك تراوغ وما تدري شتقول
سألتك ما علاقة المحضر بالبلاغ؟ ولم تجاوب

وانا طبعا ما اتكلم باسم غيري لكن عارف كل هالامور وفاهمها
والمحضر الاصلي عبارة عن نسختين وحده موجوده بالشركة
ووحده موجوده بالنقابة ولازالت ومو مفقوده وبامكانك الاطلاع عليها باي وقت
في مبنى النقابة وانا من الناس قبل 6 اشهر اطلعت عليها وقريتها بالكامل
وكانت تحفه فنية ومصاغة باجمل العبارات التي تخدمني وتخدمك وتخدم العاملين
وارجو انك ما تكابر واقراها في النقابة بحياديه وبدون تحييز لاحد ولا تاخذك العزة بالاثم
وتقبل رايي وكلامي اخي العزيز وزميلي ​

 

زين مو عندكم ممثلين بالنقابه ليش ما دعمتوا بيانكم بالادله
تدري شنو معناة كلامك لما تقول المحضر موجود وفي اشخاص كانوا من المجلس السابق واستمروا انه في شخص ينزل بيان من راسه دون الرجوع لهم
واعذروني بصراحه ساعات اعجز عن مجاراتكم لكثره البيانات والمواضيع
واتمنى تصححون لي

 

انا امثل رايي النقابي ولا لي شغل بفلان والا القائمة الفلانية هذا اولا
ثانيا رئيس النقابة الحالي كان عضو بالسابق وعنده خبر فيه مليون بالميه وكذلك بعض الاعضاء الحاليين
ثالثا انا اعتبره ذكاء من قبل التغيير انهم ما نزلو صوره من المحضر لانه يعتبر رصاصه في جيوبهم وهي الرصاصه الاخيره لانهاء المجلس الحالي فاللي جابه لن يتعدى اللي حصلو عليه ، واللي قصر عنه سبق انهم خذو موافقة عليه فليس هناك جديد يستحق الفخر او الثناء بل هو تكمله للمساعي فقط للتنفيذ.​

احترم وجهة نظرك ولكن كأخ لك ارى انك مندفع قليلا مع الاخر اندفاع غير مبرر ولو تفحصت محضر المفاوضات الذي نتكلم عنه لوجدت فيه امور تهمك كثيرا وتهم العاملين تم الحصول عليها وكتابتها للزمن القريب ...​

 

للعقّال فقط ...فكونا من الفوضى وهالنكات اللى طلعت فجأة وتحركت ...
وحولت كل نقاش (بعيد عن أي حرفيه) ...

عندي سؤال لأى واحد من اللى يدعمون جماعة التغيير ..العقّال فقط ..
وانا شخصيا ..أبي أعرف ..مو سالفة تصيّد
اللى بالأحمر ..هل يبدوا منطقي ..
يعنى إذا كان هناك 17 مطلب ..وتمت الموافقه عليها جميعا من المجلس السابق ..
ليش المجلس السابق ماطلعها ..كإنجاز يفخر فيه ويبريء ذمته..
وليش تكون فيه مفاوضات أصلا وتكملة ...مادام الموافقه موجوده ...هل الطلبات أكثر من 17
وياليت اللى يتكلمون عن هالمحضر ..يكملون جميلهم ..يحطون لنا صورته مادام موثق .. مو يقولون روحوا دوروه ..
البينه على من إدعى

 

يعطيك العافيه اخوي جابر
دامك شايبنا اتمنى يسمعون كلامك تعبت وانا اقوله لما تكلمون جيبوا الدليل
اول مره اشوف واحد ينزل بيان وعنده محضر رسمي ولديه ناس يمثلونه ولا ينزله
يعني قاعد تحاجج النقابه انه بيانهم بدون ذكر مطالب وانت ما تنزل شىء

 

بما اني تكلمت عن المحضر برد عليك بردود منطقية وبلونها بعد على شانك
المحضر لما يجتمعون ويصدقونه يحتاج وقت للتنفيذ
وكان عمر المجلس السابق قصيرا بالنسبة الى التنفيذ ​

وكثير من مواضيع المحضر ان لم يكن كلها تم نشرها في بيانات النقابة من باب الشفافية
ومنها القانون الكويتي وتقليص الدرجة الى 3 سنوات في الخفجي بتقدير جيد
وغيرها لاتحضرني ومنها للوفرة والمكتب الرئيسي
وكان التنفيذ شغال على قدم وساق
ومنها معالجة الشهادات الجامعية اللي وصلو لغاية تقديم اختبار الانجليزي
والمحضر الرسمي لم ينشر لان لهم وجهة نظر في المجلس السابق ذكروها لي تتعلق بامور السرية والتنفيذ وهي قناعتهم
ولكن لم يمنعو احدا من رؤية المحضر في النقابة
وانا اطلعت عليه بتمعن وروية واعجبني جدا جدا
لذلك كان الاولى تنفيذ هذا المحضر او رفع قضية لانهاء المماطله
وليس التفاوض من جديد ومن الصفر
هذا رايي وارجو تقبله بصدر رحب
وادعوك ايضا لزيارة النقابة والاطلاع عليه وعلى مراسلات الشركة الاخيرة
لمعرفة سير المطالب العمالية....​

 

اخوي نقابي
ليش ما يكون هناك مناظره بالادله
علشان الناس تحكم وما اعتقد هناك سريه اذا انت تقول انه اعمال النقابه السابقه
ومحاضر رسميه لانه مطالبات عاديه والجميع يعلم بها
بس انت اتقول انه في 17 مطلب تم الموافقه عليه تدري شنو معنى كلامك
انه جاهزه وقابله للتنفيذ لنفرضه صحه هذا الكلام وانك تقول النقابه الحاليه بدأت من الصفر
اليس من الاولى نقارن بينهم وانه الحكم لنا