هل هالهندسه مطلوبه؟ شنو تنصحون؟

الكاتب : Future Engineer xD | المشاهدات : 3,237 | الردود : 8 | ‏21 ابريل 2014
  1. Future Engineer xD

    Future Engineer xD بـترولـي جـديـد

    3
    0
    0
    السلام عليكم


    انا طالب مقبول بعثه خارجيه وبعد جم شهر راح ابدا الدراسه الجامعيه , وودي اتخصص هندسة بيئيه بس مادري مطلوب بالمؤسسه ولا لأ؟ انا اشوف ان كل سنه لما ينزلون اعلان موجود هالتخصص بس مو قاعد يقبلون وايد منه , اخر مره قبلوا واحد بس
    ف هل شخص واحد بس اللي قدم وقبلوه؟ لانه حتى درجته 72 مو عاليه حيل, ولا اهما بس كانوا حاطين مقعد واحد ما يبون ناس وايد؟؟

    لانه اخاف اتخصصه ويطلع التخصص مو مطلوب وايد واتوهق


    انا صج ودي ادرس تخصص الهندسه اللي احبه بس بنفس الوقت وودي بشي له مستقبل ومعاش حلو, وودي انكرف مابي اروح مكان بس جذي قاعد ابي مكان في شغل قوي :p
    ف اختياري للتخصص راح يكون 35 % على الميول , و 65 % على المستقبل الوظيفي " اهم شي هذا "

    شرايكم بشنو تنصحون؟ :p
     
    آخر تعديل: ‏21 ابريل 2014
  2. Muhsen91

    Muhsen91 بـترولـي جـديـد

    48
    0
    0
    اخوي اول شي الطلب علي التخصص الهندسي يعتمد علي المشاريع اللي اتسويها الشركات النفطية اولا ثم علي الشواغر المتاحة (في تخصاصات هندسية تقدر اتحطها بأي مكان). يعني قد يكون اكثر من واحد امقدم علي بيئية بس الشركة ماتبي الا واحد لان مافي الا شاغر واحد فقط وفي تخصصات يطلبونها ابكثرة لانة الاماكن المتاحة كثيره. بس عامة تخصص الهندسة حلو وهو سلعة لاتبور فاكيد لمن تتخرج انشالله راح تلقالك مكان بس المنافسة اشوي راح اتكون شديدة لان المقاعد اشوية اصلا. بس هم كل شي يمكن يتغير في المستقبل.
     
  3. m3l8chy

    m3l8chy بـترولـي نشيط

    91
    0
    0
    process engineer , koc
    ديرة الطيبين
    عاد مالقيت الا البيئيه ::rolleyes:

    خوي اذا ناوي ع الهندسه لاتختار غير التخصصات التاليه
    هندسه بترول - هندسه ميكانيكيه - هندسه كيميائيه
    هذي التخصصات سوقها ماشي بالقطاع النفطي وخاصه الكيميائيه يحتاجونهم حق مصفاة الزور الجديده ومشروع الوقود البيئي وغير هالتخصصات ( كهربا - كمبيوتر - مدني ..الخ ) احتياجهم محدود
    طبعا هذا للقطاع النفطي اما الوزارات شي ثاني
    ملاحظه
    كل التخصصات اللي قلتها فوق يحتاجها القطاع النفطي لكن اللي غالباً يكون الطلب عليها وفرصها للقبول اكبر اهي بترول - ميكانيك - كيميا

    في بعد تخصص نادر وعدد المتخصصين فيه بالقطاع النفطي قليل بالنسبه لباجي التخصصات واللي اهو instrumental engineering

    ونصيحة اخو ابعد عن البيئيه لان فرصة قبولها بالنفط ضعيفه ومالها مستقبل
    بالنهايه فكر بدراستك الحين واختار التخصص اللي انت تبيه ويحتاجه القطاع النفطي والله يوفقك عزيزي
     
    آخر تعديل: ‏21 ابريل 2014
  4. Future Engineer xD

    Future Engineer xD بـترولـي جـديـد

    3
    0
    0

    مو هذا اللي مخليني متردد, مادري شنو اللي مطلوب بالمستقبل بكثره وشنو لأ
    يعطيك العافيه
     
  5. Future Engineer xD

    Future Engineer xD بـترولـي جـديـد

    3
    0
    0
    اي عدل كلامك
    انا اخترت هندسه بيئيه لانه حسيت ان تخصص اقدر امشي فيه تخصص حلو , بس طبعاً اذا ماله مستقبل ما راح ادشه
    لانه المستقبل اهم من الميول بالنسبه لي :p

    الميكانيك انا قاعد اشوفهم قبلوا وايد اخر مره بس مادري كل مره جذي ولا حظ؟
    والميكانيك المشكله اكثر تخصص احس مو ميولي يعني ما احب سوالف المكاين وجذي , بس ماشاءلله اللي قاعد اشوفه ان قاعد ينحط بكل مكان :rolleyes:


    والمدنيه والكهربائيه والكمبيوتر طبعاً اصلاً هذول اهم اكثر تخصصات ماشين بالقطاع الحكومي , والمدني حلوو
    بس انا مابي اقعد بالمكتب لا شغل ولا شي , شالفايده دارس برا وبجامعه قويه واخرتها ابصم واقعد بالمكتب ما اطلع اللي درسته :/

    هذا اللي راح اسويه, اجمعين يارب
     
    آخر تعديل: ‏22 ابريل 2014
  6. eng.2010

    eng.2010 بـترولـي جـديـد

    31
    8
    8
    التخصص اصلا نادر بالكويت فعشان جذي ما يقبلون الا شوي والله اعلم

    يعني مالك الا شركات والنفط و مثل ما تعرف يفتحون مرة بالسنة والقبول مو مضمون

    اكثر طلب من القطاع النفطي على 4 تخصصات :ميكانيك وكهربا حق كل الشركات

    koc بترول و knpc كيميا
     
  7. Sa86

    Sa86 بـترولـي جـديـد

    28
    0
    0
    دش هندسة بترول والله يوفقك
    تخصص ماشي وبتنحط بافضل الاماكن بالنفط
    وراتب قوي ويمكن قريب من الهندسة البيئة بالنسبة لغيره من التخصصات
    والعادة كل اللي يعدون الاختبارات يقبلونهم من هالتخصص
     
  8. Muhsen91

    Muhsen91 بـترولـي جـديـد

    48
    0
    0
    تخصص هندسة البترول زين لانة اماكنه اغلبيتها زينه (خصوصا قسم تطوير الابار) بس مو زين لان مالك الا النفط . اما سالفة انهم يقبلون وايد لانه مهندس البترول اولا واخيرا ماله مكان الي في البترول بس في ناس هندسة بترول ينطرون فترة علي مايتوظفون بس بالاخير يتوظفون في النفط. هندسة البيئة بعيده عن هندسة البترول. وتخصص الهندسة البيئة مو نادر بس الكويت اصلا ماتهتم في البيئة ولا عندها صناعات ثقيلة نفس امريكا واليابان بس ياخذونة في البترول وصناعات البترول لانة هذي اهي اللي تاثر علي البيئة.
     
  9. Blue Diamond

    Blue Diamond بـترولـي نشيط

    98
    0
    0
    هلا والله اخوي الله يوفقك

    انا اقول عندك هندسة كهربائية او ميكانيكية

    اذا تبي يتذابحون عليك شركات النفط
    هندسة الالات الدقيقة
    instrument engineering

    الله يوفقك اخوي
     
جاري تحميل الصفحة...

مشاركة هذه الصفحة