اتركو عنكم الاقاويل والاشاعات.

الكاتب : شعم | المشاهدات : 1,716 | الردود : 21 | ‏20 ابريل 2014
  1. شعم

    شعم بـترولـي نشيط جدا

    227
    0
    0
    السلام عليكم ورحمة الله.
    انا بتكلم عن نفسي ، للأسف ان في بعض الاخوان من يتهمني اني مدافع عن النقابه .
    بقول لهم انا مع الحق ومع اللي جابلي القانون واللائحه اللي حفظت حقي وحق مستقبلي في الوظيفه،وماني ناكر للمعروف ولا انكر في من سعى في القانون النفطي الخاص،ومن لا يشكر الناس لا يشكر الله.
    انا عن نفسي ما همني الكلام اللي ينقال انا بترفع عن هالكلام وكيفه ولا همني اللي ينقال.
    بالاخير اتركو عنكم الاشاعات والكلام الفاضي والالفاظ اللي قد تسيئ للبعض ولنقابتكم.
    ، انا بعرف من بعد هالاتهامات شلون تبون النقابه ترد عليكم ، مالكم وجهه والله.
    قالو لكم واخبار بكتب رسميه اكثر من جذي شنو .
     
  2. wafrawyy

    wafrawyy بـترولـي نشيط

    111
    0
    0
    اخ شعم انت ليش دايما تقول اتهامات وتحسسنا بينه وبين النقابه شي شوف اخر رد من النقابه متي يعني معقوله طول هالفتره ماصارت تطورات ماصار شي بينهم وبين المؤسسه اللي نبيه بنعرف وين وصلت النقابه وبعدين الشباب مايقولون حجي فاضي اكثر الشباب راحو التكويت ووصلو للمسؤؤل الكبير وقال مافي شي الا جان النقابه تعرف شي مدير التكويت مايدري عنه هذا شي ثاني المطلوب رد من النقابه واذا عالاثر الرجعي انا عن نفسي اقسم بالله مابيه ولا همني لان ضامن ماراح ينزلي وحتي لو نزلي شي مابيه وشكرا
     
  3. Ali911

    Ali911 بـترولـي نشيط

    88
    0
    6
    اي اخوي شعم انت وايد تدافع عنهم اتحسسنا انك واحد منهم ماادري ليش موحاس فينا
    يعني احنا دوامنا حاله حل النفطي والنفطي عنده تامين واوفر تايم وكرامه ومعاش مو كل شوي يتاخر ومو كل جم سنه ينتهي عقد انييب اوراق ونودي اوراق وننطر معاش الشركه الثانيه متى ينزل وننطر مستحقات ولا جنه كويتيين
    وعلى موضوع النقابه
    خل الزياده يبيلها حسابات مو شي سهل اوكي وين التامين قول هم يبيله فتره
    وين اللي يبي يشيل البصمه ؟؟؟؟؟؟ قبل شهر او شهرين واحد منهم كاتب اي واحد يبصم يقول حسسنا ان مل شي بيده وماكو شي ،،،
    وحط بالمنتدى اللي يبي يسال اجاوبه يوم الاربعا جابلنا اسبوعين او ثلابث ووقف (( وقف لما قرب تاريخ ٤/١ اللي المفروض انشوف شي ))
    اخوي شعم لاتدافع عنهم ولا اتقول اوقف مع الحق هذا مو حق اللي يقول كلمه لازم يوفيها وين مبروووك ونبشركم حجي فاضي
     
  4. شعم

    شعم بـترولـي نشيط جدا

    227
    0
    0
    المشكله ان وضحنا ليش التكويت ما تبي احد يجي لها .
    وبعدين في كتاب رسمي موجود من رئيس التكويت ، اخوي انت شفت الكتاب ولا لأ اللي موقع عليه رئيس التكويت.
    انا ما اتهم احد اقول الحق والكلام اللي نقال وصار فعلا
    ما اتوقع مو هامك الاثر الرجعي . لو ما يقولون في اثر رجعي اول من بيتكلم انت ، اخوي خلك واضح ولا تلف ولا دوور ، انا قاعد اتكلم بموضوع وانت تجيني بموضوع ، والمشكله رديت عليك بالحرف الواحد ، ولي جم موضوع ، وموضح. في طريقه التطبيق وعن التأمين الصحي وعن الاثر الرجعي ،وسبب عدم رد النقابه

    يا حبيبي انت اتكلم في المنتدي وما عندك شغل ، النقابه شباب موظفين وماسكين النقابه وعندهم اجتماعات ورايحين وجايين ويساعدون لهم اخوانهم في القطاع اللي متسببين في فصله او ظلمه ، وانت قاعد في المنتدي تتشكى هذا واحد.
    وبعدين انا اللوم اللي اتكلم عنه وضحته سابقا وحاليا واكرر اللي محتاج رد يدق علي اعضاء النقابه، واللي يقول ولا احد يرد هذا كلام ثاني،
    بالنسبه لي انا اي سؤال يخطر فبالي ادق سواء علي سعود العنزي او رئيس النقابه او اي شخص فيهم ، وبصراحه اشوف علي كثر ما اسأل ما شفتهم تذمرو من الاتصال، ودايم يردون على اتصالي.
    وبلغوكم اللي يبي يستفسر يدق، اكثر من جذي شسوون لكم .
    وكل شي واضح وموجود في المنتدى بالنسبه للجداول والدرجات الى الكتب الرسميه ،
    بيض الله وجيهه النقابه.
    خيرا تعمل شرا تلقى.
     
  5. شعم

    شعم بـترولـي نشيط جدا

    227
    0
    0
    وليش ما تقول عن الشخص اللي تتكلم عنه ، اسمه سعود العنزي امين سر النقابه.????
    ومليت وانا اقول حالي من حالكم وموظف ولا لي صله بالنقابه ، وسبق ان قلت ان النقابه اهي من جابت حقي وحق غيري وامنت مستقبلي ومستقبل غيري وقالو لكم نطرو شوي يعني هالشهر ، وكل شي موجود رسمي فاللعب مو من صالح النفط كل شي من صالحنا .لكن في اختلاف بسيط ان انا اتفهم اللي قاعد يصير، وانتو فقط تلقون اللوم من غير حجه ولا دليل. اكثر من الاوراق الرسميه من نزار العدساني وتطبيق القانون وتعميم اللائحه وعن الاثر الرجعي.
    اقول ذكرو الله بس. وقولو كلمة الحق.
     
  6. wafrawyy

    wafrawyy بـترولـي نشيط

    111
    0
    0
    والله الظاهر انت اللي ماعندك شغل عسي بس من تكلم احد عن النقابه دشيت وتكلمت اقترح يحطونك المتحدث الرسمي للنقابه بالانتخابات الجايه شهر 6 واعتقد انا اقسمت قسم احاسب عليه ان الزياده ماهمتني ومو انت اللي تجذبني ويالله كمل دفاعك عنهم
     
  7. نفطى خاصkoc

    نفطى خاصkoc بـترولـي نشيط

    96
    5
    0
    اخ شعم قواك الله ومالك شغل بالقيل والقال هذى ناس ادور الزله والنقابه هذي قسم بالله تشرف وبيض الله وجيهم
    وللعلم انا من الناس اللي كانوا يوجهون لهم انتقادات حاده بس لما شفت فعلهم تغيرت الفكره بشكل كامل

    اخ شعم فيه استفسار كتبته بموضوعك عن الاستفسارات ياريت ترد عليه
    واستر بتواجدك بالمنتدى ولايهمك كلام العالم
     
  8. شعم

    شعم بـترولـي نشيط جدا

    227
    0
    0
    كل من يرى الناس بعين طبعه.
    كافي عليك.
     
  9. Naser79

    Naser79 بـترولـي نشيط

    108
    0
    0
    ليش اقاويل واشاعات صارت الحين منو السبب؟؟

    النقابه من السنه اللي طافت واهي تقول التطبيق شهر 10 وبعدين قالت شهر 12 وبعدين قالو شهر 4 والحين بندخل شهر 5 لاتلوم الناس اتطالب وتقول وتسمع اي خبر وتصدقه لانه المصداقيه بدت تتلاشى مع كل تأخير بموعد تطبيق اللائحه

    الكل شكر النقابه ومحد ينكر مجهودهم وشفنا الكتب والتصاريح ولكن ماشفنا شي ملموس او عقود جديده او رواتب تغيرت لاتلوم الناس تشكي من المماطله خليتونا نبني احلام بالتأمين الصحي والامان والوظيفي وسلم الرواتب وماشفنا شي لي متى يعني ننطر

    واذا احد تكلم وانتقد النقابه قلتو انتم ماتلقون نفس هالنقابه والنقابه هذي لي جابت لنا القانون على العين والراس ولكن وين التطبيق وين الاثر الرجعي ولا بس تبونا ندخل المنتدى ونشكرهم كل يوم
     
  10. شعم

    شعم بـترولـي نشيط جدا

    227
    0
    0
    انت تقول من شهر 10 جزاك الله خير .
    النقابه جابت لكم. بأثر رجعي حق قبل شهر 10,
    مشكور عالتوضيح .
    ماجذبو بالعكس عطونا مكافئه أثر رجعي سنع كامله مو من شهر 10.
    ولا منو كان بيعطيك أثر رجعي درج السياره، انا ادري ان كل ما ذكرت درج السياره
    في ناس ما يعجبها .
    شكرا
     
  11. شعم

    شعم بـترولـي نشيط جدا

    227
    0
    0
    اسمحلي عالتأخير اخوي . رديت علي سؤالك . ومشكور على كلامك الطيب .
     
  12. شعم

    شعم بـترولـي نشيط جدا

    227
    0
    0
    ويشرفني اني اكون. من النقابه
    وعلى اسألتك رديت عليها كلها بمواضيع موجوده في المنتدى.
    شكرا
     
  13. Naser79

    Naser79 بـترولـي نشيط

    108
    0
    0

    حياك الله اخوي شعم انا لما قلت شهر 10 اقصد وعد النقابه لما وقع الوزير اللائحه شهر 4 السنه اللي طافت قالت النقابه عطونا مهله ست شهور عشان التطبيق وكانت المهله تنتهي بشهر 10 هذا لي قصدته

    نقابة العاملين في القطاع النفطي الخاص تحذر "الشؤون" من التعدي على القانون
    #النفطي_الخاص
    #الكويت
    ظ…ظˆظ‚ط¹ ط§ظ„ظ…ط³طھظ‚ط¨ظ„ | ظ†ظ‚ط§ط¨ط© ط§ظ„ط¹ط§ظ…ظ„ظٹظ† ظپظٹ ط§ظ„ظ‚ط·ط§ط¹ ط§ظ„ظ†ظپط·ظٹ ط§ظ„ط®ط§طµ طھط­ط°ط± "ط§ظ„ط´ط¤ظˆظ†" ظ…ظ† ط§ظ„طھط¹ط¯ظٹ ط¹ظ„ظ‰ ط§ظ„ظ‚ط§ظ†ظˆظ†

    اخوي شعم كنت انتظر تصريح من النقابه بخصوص اللائحه وتطبيقها هاليومين ولكن النقابه صرحت اليوم ولكن ليس عن التطبيق ولكن عن مشكله اخرى مع وزاره الشئون وانا مع النقابه بحقوقها اللي اقرهاا قانون العمل وكفلها لها

    يمكن هذي المشكله اللي خلت النقابه تبتعد عن المنتدى وماتتكلم عن تطبيق اللائحه
     
  14. شعم

    شعم بـترولـي نشيط جدا

    227
    0
    0
    السلام عليكم .
    اخوي ما يصير النقابة تصرح كل يوم وعلى نفس الخبر .
    اخوي ما بقى الا توقع عقودك وقريب جدا .
    واترك عنك الناس اللي تثرثرر.
    هالايام القليله بإذن الله راح يصير المنتدى هادي . من تتوقع العقود .
    وأللي كان يقول عن النقابه كلام ، راح يسكت ، وتنتهي قصة القانون.
    ما ألومك صبرت وصبرنا كلنا لكن كل شي تم بفضل من الله تعالى.
    إن غدا لناظره قريب.
     
  15. الرايق2

    الرايق2 بـترولـي جـديـد

    25
    1
    3
    ذكر
    حفر الابار فلور مان
    الكويت
    مرحب علا الجميع انا اليوم بتكويت وسالتهم جم القريد وصدموني الي بالحفر مانعرف قلت طيب عطني تقريبي شهاتي متوصط ولي 7 سنين ودبلوم ومسماي فلور واستلم 840 ماقدر احسبها
     
  16. الرايق2

    الرايق2 بـترولـي جـديـد

    25
    1
    3
    ذكر
    حفر الابار فلور مان
    الكويت
    امتزا ياهل نقابه وانتو تكوبت ملتهين بالمقابلات
     
  17. sarey

    sarey بـترولـي نشيط جدا

    194
    7
    18
    الى يومك لم يتم إستدعاء أي شركة من اللي ماخذين عقود ومشاريع مع نفط الكويت أو موظفينهم ، ونحن بالأنتظار والله كريم انشاء الله
     
  18. Almulaifi86

    Almulaifi86 بـترولـي نشيط

    96
    0
    0
    سؤال اخ شعم شصار على اللجنه الفرعيه حق الماده ٧٣ او ٧٤ من الايحه هل النقابه على علم بأجتماعات هذه اللجنه لانه هذا اعتقد من صلب عملهم على الأقل جاوبو على هل سؤال اذا فعلا تعتبرون نفسكم نقابين
    و شكرا
     
  19. Almulaifi86

    Almulaifi86 بـترولـي نشيط

    96
    0
    0
    اذا ما عندك الرد دق على النقابه و بلغنا لانه الظاهر يردون عليك ما يردون علينا فيدنا جزاك الله خير
     
  20. wafrawyy

    wafrawyy بـترولـي نشيط

    111
    0
    0
    لا يالمليفي ماراح يقصر معاك راح يرد عليك ويعطيك الجواب الشافي :d
     

مشاركة هذه الصفحة