الاثر الرجعي الزياده التأمين!!

الكاتب : مرور الكرام | المشاهدات : 1,614 | الردود : 11 | ‏15 ابريل 2014
  1. مرور الكرام

    مرور الكرام بـترولـي جـديـد

    31
    0
    0
    السلام عليكم ورحمة الله وبركاته

    يا اخوان اللي يقول الاثر رجعي متى

    لو نفرض فيه اثر رجعي

    شلون تتحول على حساباتكم

    والشركات المتعاقده مع النفط تقول للموظفين رواتبكم
    مافيه فلوس وصلت لنا للموظفين❗️

    حسابك البنكي الللي يحط راتبك هي شركات المتعاقده
    والراتب الثاني من الهيكله ( دعم العماله)

    بعرف شي واحد بس
    اذا الشركات اللي احنا نداوم فيها ماعطوهم لا زياده ولاشي

    شلون تبون تستلمون فلوسكم

    والرواتب ايداعها بعد ست ايام

    والتأمين الصحي شنو اسم شركة التأمين

    بسكم ابر بنج وكتب ومراسلات

    صحيح فيه زياده ماقول ماكو بس السالفه مطوله
     
  2. شعم

    شعم بـترولـي نشيط جدا

    227
    0
    0
    مرحبا اخوي .
    من قالك ان الشركات بتحولك الفلوس . الجهه اللي بتحولك الفلوس المؤسسه وليس الشرركه ، القطاع النفطي
    الخاص مسؤول عنه التكويت حاليا وليس الشركات . وموضوع التحويل وحسبت الاثر الرجعي ما خلصت
    ، خل اقولك وافهمني الحين موضوع اكثر من 5 الاف موظف ماكانو مسجلين الكثير منهم لدى التكويت فجمع المعلومات والمسميات الوظيفيه ترا امر مو هين، وبعدين انت تطمن ان الكتب الرسميه موجوده . ترا والله انا حاط امل فيها كبير عن الاثر الرجعي . لكن تطمن يا رجل حقك ما راح يضيع واترك عنك الشائعات .
     
  3. haabdullah

    haabdullah بـترولـي جـديـد

    22
    2
    0
    Technical Assistant
    Kuwait
    اخوي شعم ..

    ترا اللائحة صار لها سنة من اقرت !

    واللي صاير الحين التطبيق !

    ليش ما تم تجميع بيانات موظفين التكويت خلال الاشهر الماضية ؟

    وشنو شغل اقسام التكويت في كل الشركات اذا ما عندهم بيانات الموظفين ؟!

    وليش الجرايد تقول شي واللي نسمعه شي ثاني ؟!

    وليش النقابة ما ترد على استفسارات الناس ؟!

    ترا الموضوع وايد طول !

    وما يبيلها لف ودوران .. يا ابيض يا اسود !

    ترا زهقنا
     
  4. شعم

    شعم بـترولـي نشيط جدا

    227
    0
    0
    اخوي عبدالله تبي الحجي من الاخر ، اللائحه من 2006 موجوده من من العام ، لكن ماكو تطبيق للقانون علشان يقروون تطبيقها من غير الموافقه من المؤسسه ، شوف اخوي الامور ما تنحل بالصيحه الناس كانت معنده معااك لاتقول حق ولا باطل خذوهم بصيحه وتهديد صاحب درج السياره والاعلان والشوارع نادوه قالو له شالمطلوب،بالله عليكم شلون يستقيل !!!!!
    انا اللي ذكرته بوريكم الفرق ، هذي النقابه ماكو شي بالادراج سعو في الموضوع عدل عن طريق الروتين كونهم كنقابه ومن ناحيه ثانيه علاقات ودبلوماسيه مع النفط، بالتالي النتيجه كانت لصالحنا،
    والتأخير من التكويت ما كان عنده شي رسمي من زمان وتبي الصراحه ماكنو يبون يشتغلون في الموضوع لان مو هامهم اهم موظفين بالاخير و ماجاتهم التعليمات ، وبعدين من متى الجرايد صارت تنقل اخبار صحيحه :).
    لكن بعد سحب الاوراق من الرؤساء والمدراء الكتب الرسميه ، وهذي شوف عيني من رئيس النقابه وهو اللي يراكض من بترول لي نفط واجتماعات. علشان يسرع الموضوع لان الموضوع لو ينترك. عليهم انتو يا نفط والتكويت جان ما تحركو لي الحين ، لكن النقابه تسعى وحسن الظن مطلوب وانا خوك.
    اترك عنك الاقاويل ، في ناس همها تضر نقابتك.
    انا بدافع عن النقابه دفاع مستميت لان مصلحتي في وجودهم .
    والله انا اكثر منك زهقان ومليت ، لكن بعد الصبر الفرج وهانت اخوي .
     
  5. مرور الكرام

    مرور الكرام بـترولـي جـديـد

    31
    0
    0
    الاخ اللي يقول التكويت يجمعون اوراق الموظفين من الشركات
    ترى كلها ٢٠٠ شركه ونحن عصر الانترنت
    مو حمام زاجل ومراسلات
    تدخيل بيانات مايطول اسبوع

    يااخي هديء اعصابك

    الوعد نهاية الشهر
    ماراح تشوف لا اثر رجعي ولا تامين ولا زياده
     
  6. Naser79

    Naser79 بـترولـي نشيط

    108
    0
    0
    الصبر زين

    بس النقابه وين
     
  7. Alfany-knpc

    Alfany-knpc بـترولـي جـديـد

    35
    0
    0

    السلام عليكم اخي الفاضل

    انا اخوك بوعبدالله من بترول الوطنية​

    بالنسبة للمعاشات بالفعل راح يودعها بالبنك المقاول​

    بس عن طريق بترول الوطنية بالنسبة لادارتي قعدت مع المهندس اللي ماسك التكويت بالقسم​

    قالي ان المقاول ماله شغل احنا نعطيه الرواتب واهوا يصرفها لكم بس وراح انوقع عقد بالراتب​

    الجديد الفترة هذي وأبشرك بعد انا شفت جم معاشي بالجدول وكم راح استلم الاثر الرجعي​

    وراح يصرفون الرواتب هالشهر او الشهر اللي بعده بالكثير واول ما استلم راح ابلغكم ​

    اما بالنسبة للتأمين للحين ما عندهم خبر بس اتوقع راح انكون مع الموظفين البترول​

    ومزايانا بتصير مثلهم ;)
     
  8. wafrawyy

    wafrawyy بـترولـي نشيط

    111
    0
    0
    ممكن تعطينا اسم المهندس اللي قالك هالكلام لو تكرمت؟
     
  9. Alfany-knpc

    Alfany-knpc بـترولـي جـديـد

    35
    0
    0
    مهندس قسمنا مو تبع التكويت وما راح يفيدك لانك مو موظف عنده اهوا الكوردنيتر وماسك عقدنا المقاول مو ماسك عقود بترول الوطنية اخي الكريم تبي اللي يفيدك الاخت مروة الدور الثاني اهيا ماسكة تكويت عقود بترول الوطنية جميع شركات المقاول

    عالعموم اسمه خالد مهندس قسم اتصالات الدور الثالث دائرة تقنية المعلومات
     
  10. wafrawyy

    wafrawyy بـترولـي نشيط

    111
    0
    0
    ماقصرت وعساك عالقوه
     
  11. شعم

    شعم بـترولـي نشيط جدا

    227
    0
    0
    انت تتكلم عن الزاجل ، ترا كلامك بمحله كل وزارات الدوله خاص ولا حكومه كلها زاجل في زاجل ، ماكو لا ربط
    ولا حكومه الكترونيه ، انت وين عايش اخوي ، لازلنا انطير حمام زاجل ، روح شوف الادارت في المؤسسه وشركه الكي او سي وغيرهاا عايشين على طريقة الزاجل وبعدين تكلمنا بموضوع كلها جم شركه ليش هالتأخير ، التأخير لا مني ولا منك ولا من النقابه ولا من التكويت، التأخير يا خوي هذا الروتين في هذا البلد.
    وبعدين اعصابي هاديه وماكو الا كل الخير .
    وانت اللي طوللي بالك وهدي اعصابك والامور كلها بخير ، تطمن يا خوي .
     
  12. شعم

    شعم بـترولـي نشيط جدا

    227
    0
    0
    اخوي ناصر ،
    النقابه موجوده انا موظفت حالي حالك ، لكن كل ما خطر في بالي سؤال ولل سمعت خبر رفعت التلفون ودقيت
    علي النقابه ، واحصل الجواب .
    الموضوع سهل . ماكو مستحى انتخبنا ورشحنا أعضاء النقابة لنا ولمصالحنا العامه، فأي سؤال يا جماعه يخطر في بالكم دقو تلفون وخذ الجواب الصح منهم واللي يريحك.
     
جاري تحميل الصفحة...

مشاركة هذه الصفحة