الشركات الخاصه

الكاتب : eng_jory | المشاهدات : 1,618 | الردود : 8 | ‏13 ابريل 2014
  1. eng_jory

    eng_jory بـترولـي جـديـد

    10
    0
    0
    السلام عليكم
    ما ابي اطولها عليكم بدخل بالموضوع على طول .. انا بدون وعندي شهادة بكالريوس بهندسة النفط والغاز وطبعا اللي بمثل حالتنا يدفعون دم قلبهم عشان يحصلون على هالشهادة ولي سنتين تخرجت وماكو وظيفة طبعا وماخليت واسطه او مكان ما طقيت الباب
    الحين الفرصه اللي باقية لي الشركات الخاصه مع العلم اني قدمت اوراقي عن طريق الكلية اللي درست فيها بس ماكو فايده
    اللي طالبته منكم ابي أي تدللوني على أي طريق يمكن ينفع معاي
    وياليت ياليت اللي يعرف متى التسجيل بالشركات الخاصه يطرحه هني
    ساعدوني تكفوووون
    واعذروني اذا طولتها:( عليكم
     
  2. eng_jory

    eng_jory بـترولـي جـديـد

    10
    0
    0
    100 مشاهدة ولا رد :(
    الله كريم
     
  3. Yes

    Yes مشرف منتدى القطاع النفطي الخاص مشرف

    379
    136
    43
    ذكر
    موظف في #القطاع_النفطي_الخاص
    الكويت
    السلام عليكم ورحمة الله وبركاته

    أختي الكريمة لا أنصحك ابدا بالعمل بالشركات الخاصة لوجود ما هو أهم في حياة المرأة ألا وهو البيت والأولاد وإخراج أبناء عظماء الخ.. والعمل لا تلجأ له المرأة إلا لحاجتها له او لحاجة المجتمع لها... وإلا فإن المرأة ولا سيما المرأة المسلمة تخدم من قبل أهلها -الاب. الزوج. الاخ. الخ..


    وان كانت الوظيفة لابد منها فحاولي البحث عن وظيفة في قطاع التعليم فهو أفضل الأسوء..

    عموماً يوجد عدة شركات تستطيعين التقديم عليها-لا أنصح بهذا- منها التالي:-

    شركة koc بالاحمدي
    مؤسسة kpc في الشويخ
    شركة shlumberger الاحمدي
    شركة equate لا اعلم
    شركة weatherford ميناء عبدالله
    شركة ge لا اعلم
    شركة kdc حفر وصيانة آبار- من شركات الخدمات بالاحمدي
    شركة nabros لا اعلم
    شركة haliburton لا اعلم


    اغلب هذه الشركات لديها مواقع في الانترنت تستطيعين زيارتها للمزيد من المعلومات والتقديم على وظائف من خلالها..

    واجعلي واسطتك رب العالمين فقط وستوفقين باذن

    ولو تبحثين في بعض مشاركاتي القديمة لعلها تفيدك ..

    وجربي مواقع التوظيف منها gulf talent

    وموقع اعادة الهيكلة ؟

    هذا والله اعلم

    والسلام عليكم ورحمة الله وبركاته
     
    آخر تعديل: ‏8 يونيو 2016
  4. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    أنا أنصح بالتقديم على مركز أبحاث البترول.. التابع لمعهد الكويت للأبحاث العلمية
    وأنا موظف هناك وبإمكاني مساعدتج بإذن الله
    لأن محتاجين مهندسات وفنيين
     
  5. eng_jory

    eng_jory بـترولـي جـديـد

    10
    0
    0
    اذا في مجال انك تساعدني أتمنى هالشي
    ولك الاجر
     
  6. eng_jory

    eng_jory بـترولـي جـديـد

    10
    0
    0
    اغلب الأماكن اللي ذكرتها يا خوي ما تقبل البدون للأسف
     
  7. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    أختي أنا أرسلت لج رسالة خاصة .. يا حبّذا لو اطّلعتي عليها ..

    بالتوفيق يارب
     
  8. new eng

    new eng بـترولـي نشيط

    123
    5
    18
    اخوي شلون التوظيف عندهم ممكن تعطينا خلفية عن الوظايف عندهم
     
  9. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    ياهلا وغلا ..

    بالنسبة للتوظيف
    المكان هو / معهد الكويت للأبحاث العلمية .. والتوظيف من خلاله يتم
    المعهد فيه عدة إدارات ومراكز بحثية .. من ضمنها .. مركز أبحاث البترول .. اللي موجود بالأحمدي
    مع العلم أنه لا يتبع القطاع النفطي .. لكن جميع المشاريع والأبحاث في المركز أبحاث متعلقة بالقطاع النفطي وعادةً تكون مشاريعنا مع الـ koc أو knpc

    أهم شرط من شروط التقديم على الوظيفة هو أن يكون المعدل 3 نقاط فما فوق .. سواءً للدبلوم أو البكالوريوس
    وفي توظيف للثانوية العامة أيضاً على وظيفة فني مختبر ..

    بالنسبة للكويتي .. التقديم يكون على الإعلان .. ويكون أون لاين .. - خلال الفترة القليلة القادمة راح ينزل الإعلان .. يعني ممكن خلال اسبوعين أو ثلاث ينزل ..



    بالنسبة لغير الكويتي .. يقدم بشكل أوراقه بشكل مباشر إلى شؤون الموظفين .. أو يجي عندنا المركز ويقدم أوراقه وهو بدروهم يراسلون شؤون الموظفين لإتمام عملية التوظيف ..

    علماً المعهد فيه مراكز بحثية متعددة مو بس مركز البترول .. هناك مركز المياه .. مركز الطاقة والبناء .. مركز الزراعة والثروة السمكية .. الزلازل .. الطاقة المتجددة .. البيئة .. بالإضافة إلى بقية الإدارات البحثية والإدارية ..


    بس مثل ما قلت في البداية .. شرط المعدل هو شرط مفصلي .. 3 نقاط وفوق أمورك بالسليم ..
    أقل من جذيه مستحيل يتم التوظيف إلا أن يتم الإستغناء عن الشهادة فيتم توظيفه على الثانوية العامة مثلاً .. !!

    أتمنى أكون قدرت أجاوب على السؤال بشكل وافي ..

    بالتوفيق للجميع يارب
     
    آخر تعديل: ‏16 ابريل 2014
جاري تحميل الصفحة...

مشاركة هذه الصفحة