تشكيل المجلس التنفيذي لإتحاد عمال البترول للدورة 2014-2016 م

الكاتب : المحرر النفطي | المشاهدات : 2,659 | الردود : 12 | ‏31 مارس 2014
  1. المحرر النفطي

    المحرر النفطي فريق الإعلام

    3,465
    224
    63
    ذكر
    الكويت
    السلام عليكم ورحمة الله وبركاته
    هذي نتيجة انتخابات اتحاد عمال البترول وتشكيل المجلس التنفيذي للاتحاد:


    [​IMG]

    [​IMG]

    نتمنى لهم التوفيق والنجاح ..




     
  2. كلمة الحق

    كلمة الحق بـترولـي نشيط جدا

    236
    25
    18
    الشايجي مو رئيس نقابة الناقلات اللي باع مشاركة النجاح


    الشرثان يعطيه الرئاسه


    صحيح انها مصالح وحنا اللي ضايعين فيها
     
  3. عامل نشيط

    عامل نشيط بـترولـي نشيط

    141
    0
    0
    الشايجي رئيس الاتحاد الذي سوف يحافظ على حقوق ومكتسبات العمال
    ( االإنسحاب من الاضراب قبل الجمعيه العمومية الغير عاديه اللي طافت مومقياس )

    الشرثان نائب رئيس الاتحاد
    ( مومعناه انه يبي اي منصب عشانه كان دورتين رئيس أو منحرج من تأجيله للاضراب في شهر مارس ويبي يدزها بالشايجي )


    اهنأ نفسي والعمال بهذه القياده الرشيده
     
  4. AD-01

    AD-01 بـترولـي خـاص

    1,040
    2
    38
    لا حول ولا قوة الا بالله ...

    اتحاد بدون نفط الكويت و البترول الوطنية ما يسوى

    توقعنا الناس اللي ماسكين الاتحاد السابق تعقل وترد توحد صفوفها في اتحاد اقوى وتنبذ الخلافات اللي تسبب فيها محمد الشرثان .. رجعنا متفرقين وبأمتياز بعد !!

    الدورة الماضية كانت نفط الكويت والبترول الوطنية برا الاتحاد وحققوا جميع المكاسب .. والاتحاد طمبور طين

    الله يستر علي العمال وعلي حقوقهم اذا بدت ادارة المؤسسة بتخفيض الحوافز .. ذيج الساعه خل الناقلات مادري نفط الخليج ( الخفجي) تعلن التصعيد والاضراب ههههههههههه

    المفروض الحين يبدي الاتحاد برئيسه الخفي ( الشرثان) يدز الرئيس الشرفي ( الشايجي) ويحطه بالوجهه ويعيد الدعوة لانتخابات البترول الوطنية ويصحح اخطائه اللي وقع فيها وعقبها يكمل علي نفط الكويت بعد

    مبروك علينا الخلافات والتفرقه وضياع العمال ... مع الاسف !
     
  5. العتيبي الواضح

    العتيبي الواضح بـترولـي نشيط جدا

    155
    1
    16
    لا بالله ضاعت حقوقنا


    كيف يسلم الشرثان الشايجي الرئاسه بهالبساطه


    كل السالفه لعب على حقوق العمال وضياع مكتسباتهم

    اتحاد بهالتشكيله فاشل من بدايته
     
  6. Kotc-awy

    Kotc-awy بـترولـي جـديـد

    32
    0
    0
    ردا على المشككين

    السلام عليكم ورحمة الله وبركاته

    اولا: اهني مجلس ادارة الاتحاد واتمنى لهم التوفيق والسداد

    ثانيا: اقول لبعض المشككين خافوا الله ولا تظنون السوء في اخوانكم وزملائكم "إن بعض الظن إثم"

    ثالثا: الى جميع النقابات النفطيه يجب عليكم ان تنسون الخلافات السابقه وتتوحدون من جديد حتى لا يخسر القطاع النفطي اكثر مما خسره بسبب تفككنا والتفكير في مصالحنا الشخصية كلن على حدا مما سبب ضعفنا واختراقنا بالقرارات التعسفيه وحجب حقوقنا عنا ومكتسباتنا والقادم من الايام اسوأ من الي راح

    والله يهدي الجميع لما فيه مصلحة الكويت وعمال القطاعات النفطيه.
     
  7. AD-01

    AD-01 بـترولـي خـاص

    1,040
    2
    38
    بالنسبة ل "اولا" : هني نفسك او هن صاحبك لا تهني العمال .. صاحبك ( اذا ما كان انت نفسه اللي تكتب) راح يقزرها سفرات ووناسه .. عليه بالعافيه هههههه

    بالنسبة ل " ثانيا" : كلامك صحيح .. لما تنذكر نقابة الناقلات ما تنذكر الا بالطيب والمراجل .. خصوصا في موقفها " الرجولي" بالاضراب .. ولها مواقف كثيرة معروفه بين النقابيين .. ودي اعطيك موقفين " يبيضون الوجه" لهم بس لازم استئذن اول

    بالنسبة ل " ثالثا" يقولون ان هالكلام اللي تفضلت فيه انقال في الجمعية العمومية امس بهالنص .. يعجبني انك قاعد وذاكر بس ليتك ذكرت لنا شنو
    كان رد احمد الفيلكاوي وجاسم الناصر عليه .. علشان تكون دقيق وامين .. قال لازم تتوحدون
     
  8. AD-01

    AD-01 بـترولـي خـاص

    1,040
    2
    38
    يقولون واعوذ بالله من كلمة يقولون

    ان محمد الشرثان حط يوسف الشايجي رئيس علشان يرد يطق فيه نقابة البترول والنفط ويعيد موضوع طرح الثقه اللي فشل ويخليها بوجهه

    الاتحاد بالحلة الانيقة راح يكون ضد الاضرابات وراح يكون " حبيب" و " متعاون" وراح يحقق انجازات جبارة باذن الله وبفضل القيادة الجديدة ذات الخبرة العتيدة و العقليه المتفتحه .. بس لازم يتخلص من خصومه ويصفي عداواته بالاول

    خلوهم علي راحتهم وابشروا بالخير
     
  9. عامل نشيط

    عامل نشيط بـترولـي نشيط

    141
    0
    0
    رئاسة الإتحاد

    أصبحت مركز لتمرير واستغلال مصالح العمال بالتنازل عن حقوق العمال لتمرير مصالحهم

    وندعوا نفط الكويت والبترول والمؤسسة بتشكيل اتحاد لهم لإعادة هيبة العمال
     
  10. AD-01

    AD-01 بـترولـي خـاص

    1,040
    2
    38

    خلهم يرتاحون ونتفرج معاهم علي الاتحاد

    راح نستمتع بالاحداث المتوقعه وراح احب الفلم اكثر اذا تغير تشكيل الاتحاد بعد فترة ( للمصلحة العامة)
     
  11. عامل نشيط

    عامل نشيط بـترولـي نشيط

    141
    0
    0
    السابقه اللي سواها الشرثان

    انه هو اللي اشرف على انتخابات الإتحاد !!!

    يعني راح يمشي عليها الشايجي

    يعني الشايجي الدوره الجاييه اذا ماصار رئيس راح يكون نائب رئيس .

    بإختصار منع البترول من الاشتراك واحتجاج نفط الكويت

    راح اتكرر
     
  12. الحقيقة

    الحقيقة بـترولـي جـديـد

    25
    0
    0
    اللي سووه هو هدم للعمل النقابي النفطي اللي انبنا من 1965 على يد فلاح الاحسن اول رئيس لاتحاد البترول
    وما كان عندهم هالدنفسه وحب الكرسي والقتال عليه لدرجه انه يضيع حقوق العاملين ويضعف النقابات كلها لاجل كرسي الاتحاد بس

    والمشاهد ان الاتحاد ضعف ضعف شديد من ضعف اللي مسكو رئاسته ومن الاعضاء الغير مبالين في مواضيعه

    لكن نتمنى يكون هناك حركة تصحيحية تعدل مسار حقوقنا العمالية للافضل
     
  13. BOAHMAD

    BOAHMAD بـترولـي نشيط جدا

    340
    44
    28
    تنديل
    الكويت
    لو كل نقابه حرصت على حقوق العمال واشتغلت بروحها ماراح تضيع الحقوق
    بلا اتحاد بلا بطيخ
     
جاري تحميل الصفحة...

مشاركة هذه الصفحة