جعلوني مجرما !!

الكاتب : PIANO | المشاهدات : 476 | الردود : 6 | ‏9 مارس 2014
  1. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    بسم الله الرحمن الرحيم

    السلام عليكم ورحمة الله وبركاته ،،،

    أولا أطالب بجميع مواضيعي ومشاركاتي القديمة (أبي تعويض نفسي) لا بس جذي ! على غرار (موضة المطالبات على الطالع والنازل) ولا أقصد بذلك جهة معينة ولا نقابتنا اللي الله يعطيهم العافية مجتهدين في توظيف عيال عمهم و (تلبيقهم) قبل الكل :)

    بالنسبة لعنوان الموضوع فهو بعيد تماما للي باتطرق له .. بالنسبة لتعديل الوضع للحاصلين على مؤهل أعلى ، حصلت على مؤهل أعلى وتم الإعلان عن شاغر لنفس التخصص اللي تخرجت منه وقدمت واتصلوا علي وحددولي موعد اختبارات وقدمت اختبارين (انجليزي-تخصص) وطفت الاختبارات بسهاله ولله الحمد مو هني السالفه! السالفة إن نطروا اللي طافوا الاختبارات (7 أشهر) على شان يدقون عليهم حق المقابلة الشخصية مع العلم ان اللي طافوا الاختبارات (4000 شخص) اكيد قاعد اتطنز (اسخر- بالفصحى) لأن مو معقولة عشان المفاضلة ياخذون 7 أشهر للمفاضلة بين (12) موظف أو أقل !!!! المهم إني واسطتي كانت (الله سبحانه وتعالى) ومن ثم مجهودي في الاختبارات وثقتي بأني جدير بإذن الله بفرصة التعديل المستحقة واللي يفترض أنها مستحقة نظرا لعملي بالشركة لما يفوق عن ال 12 سنه !!!! وما اخذت درجة من تعينت :))))) طبعا العذر بالمخبه :) (طبياته وايد) ، انا مستعد أنعرض على لجنة طبية للتأكد والتحقق من أحقية طبياتي اللي أخذتها في فترة من الفترات لظروف خاصة جدا والله يشافي ويعافي الجميع . لذا سؤال للنقابة تاخذون بحقي كونكم جهة تطالب بحقوق موظفيها ؟ انا كلمت كذا واحد بالشركة وللأسف يأتيني الجواب (اي مو الله يهداك جان حطيت واسطة!!!) يبوني احط واسطة وانا يايب شهادة وطايف الاختبارات وصارلي فوق ال12 سنه!! وآخر شي يفاضلون بالطبيات اللي لو أدري ان لها دخل بالموضوع جان داومت بالدريب بس بدون سستر :) والأدهى والأمر إن الإعلان لم يتضمن شرط المرضيات وانا ادري ان كثرة المرضيات تأثر على التقييم والترقية و و و و بس مو 12 سنه !! وطبياتي عمليات جراحية !!!! ، يا جماعه في ناس مختفيه بدون سبب وتاخذ معاشاتها واهي برا الديره وما يشوفونهم !! وانا أبي حقي لا أكثر !! فما هو الحل ؟؟

    مره ثانية عشان تبين

    ما هو الحل ؟؟؟؟؟؟؟؟؟؟؟؟؟؟

    ومشكورين وسامحوني على اسلوبي الركيك (بالكاف) ولا يغركم ضحكي في سرد قضيتي لأن شر البليّة* ما يضحك :)

    والسلام عليكم ورحمة الله وبركاته


    *يعني مصيبة مو الشي الكبير بنفس لهجتنا

    مثال : شفت هالجثّة ؟! بلييييييّه !! وتصف الشخص الضخم
     
  2. عامل نشيط

    عامل نشيط بـترولـي نشيط

    141
    0
    0
    كل من يقدم للاعلان اللي ذكرته واسطته الله سبحانه وجل

    اللي اعرفه ان الطبيات تدخل بالمفاضله في اي شي اذا تساوى المتقدمين

    وعسالله يوفقك ان شالله وخل ايمانك بالله قوي

    لان مبين كأنك أيست والدليل انك حذفت عدم قبولك علي النقابه !!!
     
  3. جابر

    جابر قــلــم بــتــرولــي أعضاء الشرف

    السلام عليكم ..
    حسب علمي ..الطبيات تحسب في المفاضلات بالشركات الكويتيه ..
    لكن يستثنى منها الجراحيه وحتى فترات النقاهه ...
    وزين تسوي بإنك تكلم النقابه ..هذا واجبهم ..
    على الأقل تضمن إن اللى قاعد يطبقونه عليك قانوني ..مو بس سوالف
     
  4. وابتدا المشوار

    وابتدا المشوار بـترولـي نشيط جدا

    164
    0
    0
    المشكلة أصبح هناك مزاجية في قسم Hr

    حسب الواسطة تتم حسبة ( السيرجري )

    والأصابة.

    وهناك موظف عنده ٣شهور أصابة ولم ترفع ترقيته وزميله في نفس القسم عنده أصابة ٤شهور وتم رفع درجته.

    فهذا الواقع المر الذي نعيشه.
     
  5. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    أولا شكرا لتعقيبك :)

    ثانيا ،، أدري إن الطبيات تدخل بكل شي بس ياخوي يمكن اللي ما تدري عنه أو ما قريته في موضوعي وما لم أذكره في موضوعي وأكيد تدري عنّه ، إن تعديل الوضع قبل 2010 كان Aoutomatic يعني تييب شهادتك تروح شؤون الموظفين تقدم الشهادة المصدقة ويعدلون وضعك ، بالنسبة لموضوع الطبيات اللي الكل يدري إنها داخلة بكل شي ، إعلان التعديل اللي نزل وتكلمت عنه ما كان متضمن شرط المرضيّات وحتى الاعلانات اللي سبقته لتخصصات أخرى ، ويبدو إن لما كلمت أحد المسؤولين عن مشكلتي وتظلّمي راعوا هذه النقطة وأصبحت تذكر في ما بعد ولحسن حظي أحتفظ بنسخة من الإعلان الغير متضمن لهذا الشّرط ، وبعدين ياخوي ما أيّست :) وآسف إذا يضايقك انتقادي للنقابة ، خلاص النّقابة أحسن ناس ويخدمون كل الموظفين حتى لو مو أعضاء فيها :);)
     
  6. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT

    شكرا لك ياخوي

    هذا صحيح وأصبح يدخل مؤخرا في المفاضلة وبعد كذا إعلان نزل لا يتضمن هذا الشرط وانا اتكلم عن تعديل الوضع اللي كان مباشرة ولا يحتاج لاختبارات ومقابلة شخصية وكما تفضلت أخي الكريم طبياتي كانت بالفعل عملية جراحية وسبقها بسنين عملية جراحية أيضا وإصابة بليغة (قطع جزئي في الرباط الجانبي) شدعوه رونالدو !!

    شاكر لك مرة أخرى :)
     
  7. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    الله يفتح عليك

    هذا اللي انا اتكلم عنّه وأقصده من موضوعي وعن تعرّضي وغيري الكثير لمثل هذه المحاباة التي لا تخدم بالنهاية هذا القطاع الحيوي وتزرع الخمول والتكاسل في الموظفين ، ترى احنا بشر مو مكاين :) ولا شرايك ؟

    ومشكور وايد أخوي :)
     

مشاركة هذه الصفحة