ترقيات تطوير الحقول-شمال الكويت

الكاتب : Om Kisha | المشاهدات : 2,493 | الردود : 7 | ‏6 مارس 2014
  1. Om Kisha

    Om Kisha بـترولـي جـديـد

    2
    0
    0
    طبعا الترقيات في تطوير الحقول- شمال الكويت كلها تمشي على مبدا ان حبتك عيني ما ضامك الدهر خاصه فريق الدراسات اللي فيه ظلم كبير و محسوبيه و تفرقه في الترقيات و وكل على هوا رئيس الفريق و المشكله ان تكلمت يحطون عليك زياده و حجيهم وايد ماتاخد حق ولا باطل منهم و مقولة رئيس الفريق المشهوره (الشغل بيمشي فيك او بلاياك) يعني قمه عدم الاهتمام بالموظف و ناهيك عن تمييزه بين الموظف والموظفه و ثقته اللا محدوده بالموظف دون الموظفه -- ما نقول الا اتقو شر يوم تسالون فيه و تحاسبون امام الله عز وجل-- والمشكله ناطر يرقونه مدير ! حاسبو يبا من تنقون للاداره لا تخلون الشركه رهن اهواء شخصيه
     
  2. q8rix

    q8rix بترولي خاص أعضاء الشرف

    437
    0
    16
    للاسف ماعندهم مبدأ الشفافية ماتعرف ليش معطينك جيد او جيد جدا السبب مجهول . طبعا علشان ماتحجهم اذا عطوك درجة ماتعحبك ..
    احلى سؤال للتيم الليدر اذا قرا علي التقرير .. ليش انا جيد و مو مقبول او جيد جدا على اي اساس عطيتني جيد وشوف ويه التيم ليدر ههههههههههههههه
     
  3. Jalboot

    Jalboot بـترولـي جـديـد

    5
    0
    0
    الكل يعلم ان القسم الذي تتحدثين عنه لا يوجد به اي تفرقه بين الموظفين و الموظفات لا من حيث الترقيات او التقييم السنوي.
    سؤال بريء:لماذا لم نسمع مثل هذا الطرح بعد التقييم السنوي للسنة الماضية!
     
    آخر تعديل: ‏26 مارس 2014
  4. Om Kisha

    Om Kisha بـترولـي جـديـد

    2
    0
    0
    لا تظلمن إذا ما كنت مقتدرا * * * فالظلم ترجع عقباه إلى الندم
    تنام عينك والمظلوم منتبه * * * يدعو عليك وعين الله لم تنم
     
  5. Bu Shanab

    Bu Shanab بـترولـي جـديـد

    2
    0
    0
    صح كلامج .. عاد في واحد درجة 17 في نفس الفريق (سينير كويتي) يمشي يدافع و يمدح و يطبل حق الشخص المعني في كلامج... مادري! بس شكله مواعده ب آوت ستاندينق كل سنه مصوقر له. بس عاد ماكو شي يضيع عند رب العباد.. (( لَا يَحِيقُ الْمَكْرُ السَّيِّئُ إِلَّا بِأَهْلِهِ ))
     
  6. shayal

    shayal بـترولـي جـديـد

    4
    0
    0
    مهندس بترول
    الكويت
    طياحة حظ

    بدال الحش واللمز يبا بيبان الشركة مفتوحة..

    بدال هالكلام روحو وجهو لصاحب العلاقة المعني الكلام مو تستغيبونه (عيب)

    ما صار روحو حسب الإجراءات القانونية وكل اللي له حق يأخذ حقه..

    اذا الكل بيقول مظلوم وبيتكلم عن فلان لان ( ما حصل اللي عند غيره فوق اللي عنده) او لان ( عينه ضيقه وما يشبع)

    جان كل العالم مظلومه حسب هذا المنطق (الأحمق)

    وبالنسبة للشخص اللي تحشون فيه .. رجل قلت مثله الرجال.. اذا أخطا يعتذر واذا قصر يعوض.. ما عنده يمه ارحميني .. يعطي صاحب الحق حقه اذا كان فعلا موظف يستحق وموظف منتج..

    وبالنسبه للسينير اللي تكلمتو عنه أيضاً رجل يشتغل ويدابج..

    عيب عليكم وخافو الله بالكلام الآي باجر تنسالون عنه..

    متى بتصيرون شعب يحترم القانون ويأخذ حقه بالقانون مو بالصحيه والزمبليطه والصراخ على الفراغ

    ارتقوا شوي.. تثقفوا شوي..

    (طياحة حظ) هذا حالكم :) مع تحياتي وأشواقي الحاره
     
  7. lady gaga

    lady gaga بـترولـي جـديـد

    9
    0
    0
    اتفق معاك بخصوص السينير الكويتي اللي ذكرت
    هو بالفعل يستحق الثناء و الاشاده لانه خلوق و محبوب من قبل الكل
    و مجتهد و متفاني في العمل مع ان مسؤليات و تاسكات عددها يتجاوز مسؤليات السينيريه الآخرين
    ما شالله عليه هو بالفعل يعتبر قدوه بالجانبين التكنكل و الاداري
     
  8. lady gaga

    lady gaga بـترولـي جـديـد

    9
    0
    0
    Retweeted:
    بمعدل سنتين و نص في كل قسم
     
جاري تحميل الصفحة...

مشاركة هذه الصفحة