وعود التغيير

الكاتب : عامل نشيط | المشاهدات : 730 | الردود : 14 | ‏4 مارس 2014
  1. عامل نشيط

    عامل نشيط بـترولـي نشيط

    141
    0
    0
    بالأمس حضرت مع زملائي لحضور الجمعية العمومية الغير عادية في الاتحاد والحمدلله تم الحصول على طرح الثقة للنقابة التي أرادها النقابي السابق

    كنت في بداية الأمر في جمع التواقيع يقولون عندنا مفاجأه راح نذكرها في يوم الجمعية العمومية واصريت علي معرفتها ولكن للاسف مجرد رؤوس اقلام من هناك اثباتات

    وتجاوزات مثبته علي النقابة راح نعرضها في ذاك اليوم (يعني لاتحرق الفقرة علينا )

    وفعلا شوقونا لمعرفة واطلاعنا علي تلك الاثباتات .

    والصراحه عفارم عليكم ،،، مسحتوا من افكاري الانتقام الشخصي وقلت يمكن صادقين.

    وامس الصراحة الامر كان تكملت عدد للكروته واسقاط النقابه .

    وطيب ابي احد ينبهي من اخواني اللي حضروا معاي يمكن كنت فاقد الوعي وعرضوا شي من اللي قالوه !!

    الصراحة انا ماوعيت إلا على الفرينسي وحمل النقابي السابق على الأكتاف !!

    انا والله وبالله صارلي 19 سنه خدمة ولا سمعت عنه الا كل خير حاله من حال الرياجيل

    لكن الصدمة انه كان له دورتين يعني ست سنوات مع نفس القائمة وكان مسجل مع القائمة ولكن لم يتم إختياره

    وفجأه صار معارض واللي كانوا معاه انتهازيين وفيهم وفيهم !!

    طيب لو تم اختيارك من القائمه هل كنت راح ترفض !! ماظنتي تدرون ليش لانه كان ست سنوات معاهم

    يعني المسألة مسألة المسمى ( نقابي )

    اخواني العمال

    حنا مقبلين علي انتخابات مقبله بعد كم يوم
    ياليت وامنيه ان القبليه والعنصريه والطائفيه لاتعمي قلوبنا وتزرع الحسد والحقد
     
  2. بن زريق

    بن زريق بـترولـي مميز

    804
    0
    0
  3. النابغة

    النابغة بـترولـي نشيط

    140
    0
    0
    عندما يتم المساومة على حقوق ومكتسبات العمالية ......القطاع الحيوي بالدولة المنتج !

    هناك أمور واضحة ...

    مشاركة النجاح مجرد ...الإ بداية ....

    الميزة الأفضل ....سيتم التلاعب بها !!

    وأكثر ....

    التدخلات السياسية ..والهدوء في الشارع السياسي ..ومجلس وطني صوري ..!!

    مقدمات لأمور تحاك ..في وضح النهار !!

    القادم أسوء !

    الحقوق تنتزع ..ولا توهب !!
     
  4. العجمي1

    العجمي1 بـترولـي نشيط

    66
    0
    6
    السلام عليكم ورحمة الله وبركاته
    سؤال لطارحي الثقة في اعضاء النقابة
    1-شنو الوثائق والمستندات اللي عندكم واللي علي اساسها تم طرح الثقة وليش ماعرضتوها علي الجمعيه العمومية الموجوده؟
    2- هل عرضتوا الفيديو اللي وثقتوا فية عدم استلام النقابة كتاب عقد الجمعية العمومية وشهدتوا اعضاء النقابات الاخري عليهم وتسكير ابواب النقابة امامكم .

    ارجوا من الزملاء اللي طلبوا طرح الثقة وجمعوا تواقيع الموظفين يثبتوا لنا مصداقيتهم

    او انتم ضحكتوا علي الجمعية العمومية لتصفية حسابات وطمع في الترشح للنقابة
    ودخلتوا في لعبة رئاسة الاتحاد بين الشرثان ومحمد مساعد
    اتمني الرد بموضوعية حتي يكون لاعضاء الجمعية العمومية المحايدون قرار في اختيار الافضل
    وشكرا
     
  5. للحقيقه رجال

    للحقيقه رجال بـترولـي نشيط جدا

    261
    0
    0

    عفوا اخوي انت كنت موجود
    اذا كانت اجابتك ب نعم يعني شفت اللي صار من طرح المواضيع والمناقشه وعدم وجود اضاء النقابه للرد عليها لذلك تم التصويت علي الموضوع اللي بعده وكان كل شي بالتصويت وكان كل شي بانتظام
    لكن اذا كان الموضوع علي هواك تمدحه واذا علي هواي امدحه
    شكرا
     
  6. عامل نشيط

    عامل نشيط بـترولـي نشيط

    141
    0
    0
    ياعزيزي

    سؤالي واضح وين المستندات والوثايق اللي قالوا راح يكشفونها بالجمعية

    مانبي كلام ،،، هم قايلين راح نعرض امور راح تنصدمون منها

    وانت منهم ارجع لمشاركاتك
     
  7. H.A

    H.A بـترولـي مميز

    725
    0
    0
    للتوضيح فقط عشان تكون بالصوره
    اول شي الجمعيه اذا انت موقع عالجمعيه العموميه اكيد جاتك ورقه مبين فيها شنو المطلوب من التوقيع وعلى اساسه انت وقعت
    ثاني شي اذا انت مو موقع على انعقاد الجمعيه العموميه فاكيد انت قاعد تقرا في المنتدى حالك حال البقيه
    اما بالنسبه لسؤالك المطروح فالجمعيه العموميه لم تعقد لاجله.
    فالاجتماع كان مخصص لمناقشة بندين فقط واي خروج عن هذين البندين يعتبر مخالفه وبالتالي يكون مستمسك عالجمعيه العموميه
    اما بخصوص سؤالك فلك الحق بالاستفسار عنه ولكن متى؟ وهنا السؤال
    اذا جرت الانتخابات وفازت القائمه التي تقول هذا الكلام اللي انت تسأل عنه فمن حقك عليهم ان يردوا على استفسارك
    اما الجمعيه العموميه اللي امس فلا ناقة لها ولا جمل في الرد على اي استفسار لان السؤال ليس موجه لقائمة تخوض انتخابات او مجلس اداره متواجد
    ارجو اني وضحت الصوره كما ينبغي
     
  8. مغربي

    مغربي بـترولـي نشيط جدا

    238
    35
    28
    السلام عليكم قلنا هل كلام السالفه انتقام بسبب عدم اختياره مع القائمه يعني بس طلع القائمه صارت مو زينه وللعلم كان من ضمن القائمه بس لما قالوله ما تم اختيارك شكل قائمه جديده والادهى للحين مو قادر يعلن نفسه للعمال مع العلم الكل عارف اهو منو


    الله يكتب الخير لنا كعمال ماني نكون بالنص بسبب خلافات شخصيه
     
  9. H.A

    H.A بـترولـي مميز

    725
    0
    0
    والله اذا هو شخص واحد قادر يفركم فر يا عمال انا اقول سلم لي على شاربه
    بس هذا مو منطق يا اخوان انتوا لو مو مقتنعين باللي سوته النقابه ما تجمعتوا بهالعدد وحليتوا المجلس خلوا عندكم شوية منطق
     
  10. عامل نشيط

    عامل نشيط بـترولـي نشيط

    141
    0
    0
    الله يهداك تأيد شخص وسلملي علي شواربه ومدري شنو

    وكأنك تقصد اننا مضحاكه !!

    سلملي على شوارب من استغل حاجة العمال والبحث عن الحقيقة

    هذا منطق اتكلم فيه !!!

    اصبح هو ومن معه يضحكون على العمال

    هذا ماارتكزت عليه التغيير افهم من كلامك ومدحك له

    ( ليس حبا بيزيد ولكن كرها بمعاوية )
     
  11. H.A

    H.A بـترولـي مميز

    725
    0
    0
    خلك من كلامي كله واذا صارت الانتخابات روح رشح اللي انت تبيه.
     
  12. عامل نشيط

    عامل نشيط بـترولـي نشيط

    141
    0
    0
    الله كريم ويجيب اللي فيه خير
     
  13. عامل نشيط

    عامل نشيط بـترولـي نشيط

    141
    0
    0
    شوفوا الردود الحين

    (انت جاتك ورقه وقريت اللي موجود فيها ووقعت ) يعني روح اشرب من البحر والهدف وصلناه

    عيب عليكم ،،،، كلامنا واضح الاتهامات والمماسك اللي قلتوا راح نعرضها والاختلاسات اللي راح

    نفجر فيها بالاجتماع بس تعالوا ،،،،،، وينها !!!!

    عيب عليكم عشان مانبي الغلط تتهمون اعضاء النقابه !!!

    انا من شفت الفرينسي ،، ويسقط فلان ويسقط فلان

    تأكدت ان اللي سوا التغيير مجرد شخص يبي الانتقام والكرسي

    ولو ان المسار مختارينه كان ماتكلم

    عيب عليكم كفايه تدليس
     
  14. وابتدا المشوار

    وابتدا المشوار بـترولـي نشيط جدا

    164
    0
    0
    يااخي يقولون لك لايجوز الخروج علي البندين مو راضي تستوعب

    يقولون لك لايجوز مناقشت البند الأول ألا بحضور النقابة مو راضي تستوعب

    ياخي خل منك الشخصانية والله عطيت الرجال حسنات وأنت ماتدري ..أو روحلة أذا كنت تملك الشجاعة وأسأله.

    ألا علي فكرة ريسكم ليش ماحضر ...أو دخل بعقالة مثل ماكان يعمل سابقاً.

    خذها مني كاش ...

    والله انه يدري أن العمال يغلون .
     
  15. عامل نشيط

    عامل نشيط بـترولـي نشيط

    141
    0
    0
    وابتدا المشوار

    كأنك تقول اللي فات مات ،، ومايجوز الخروج من البندين والبند الاول لايمكن مناقشته الا بحضور النقابه

    كلامك عجيب جدا ،،،، إلتزام واضح ( انت بتلبسنا الطاقيه مره ثانية )

    اذا الاتفاقيه لايمكن مناقشتها إلا بحضور النقابه

    وين البند اللي يقول مخالفه مدري اي ماده لعدم رعاية مصالح العمال !!!

    اعتقد هذا البند يرد عن دفاعك المستميت عنهم ، هذا البند اللي يجب

    على اللي قاعد على المنصه فوق بالمسرح يفي بوعوده اللي مشى فيها

    صارله سنه يدندن فيها ( أنت ) وياه .

    طيب

    هرج بالماضي ،،، نقصان بالعقل

    انت من الناس اللي معاهم وكنت تدندن فيها ( طلع التجاوزات والاثباتات )

    اللي تدينهم .

    وألا جيد بالحكي ،،، والحسنات اللي تكلم عنها اللي اخذها الرجال

    انا اقولك ديربالك على أعمالك
     
جاري تحميل الصفحة...

مشاركة هذه الصفحة