الخفجي يا نقابتنا العزيزه ...

الكاتب : EngJarrah | المشاهدات : 781 | الردود : 9 | ‏27 فبراير 2014
  1. EngJarrah

    EngJarrah بـترولـي جـديـد

    19
    0
    0
    اخواني اعضاء النقابه...
    تحية طيبه وبعد

    قبل البداية في صياغة الموضوع اود ان انوه بأني وكثيرٌ غيري يعلم بل ويجزم بأنكم الافضل في خدمة العاملين في الشركة الكويتيه لنفط الخليج.



    اود ان اوجه سؤال، بل هو استفسار لاني اعلم انكم لا تدخرون جهدا في مصلحة العمال فلكم جزيل الشكر؛
    ولكن ، ( شنو صار على بدل الطريق بالنسبة لعمال الخفجي لم نسمع ولا تصريح او تحرك ... انا متأكد انكم تدرون انه من اهم واكبر الامور
    فموظف الخفجي يمسك طريقه واخون في الشركات الثاني ياخذ فوق تحت قبله ب90كيلو وهذاك ياخذ بدل واحنا لا هذا تقريبا راتبه مقارب وممكن اكثر واحنا ابعد باكثر من 90 كيلو !.... هذا ظلم ،

    انا متأكد انه في تحرك ولكن متى وشلون في مافي !؟!! هني السؤال


    اظافة الى ذلك لو تفتحون جداول ووميزات مؤسسة البترول اللي تقدمها لموظفين الشركات تلاقونها مطبقه على الكل وعلى الوفره واحنا لا ؟ وهذا الكلام انا متأكد منه وكل واحد يفتح جدول المؤسسة ويشوف بنفسه)




    الخلاصة : موظف الخفجي هو المفروض اللي تكون له كل المميزات بل يجب ارضاءه لانه يقطع مسافه طويله وصدقوني الحين صارت الشركه طارده لانه ما يصير اداوم بس 3 ساعات بس للطريج وغيري ساعه وماكو مميزات تفرق.

    ودمتم
     
  2. جابر

    جابر قــلــم بــتــرولــي أعضاء الشرف

    وازيدك من الشعر بيت
    الناس اللي تخرجت معاهم من خمس سنوات ..
    ممكن جدا يكونون طافوك بدرجتين او ثلاث لو بالبترول
    ولو بغير البترول يتعينون عندنا بدرجه اعلى منك ..حتى لو كان بوزاره ...
    يعني الخدمه صارت خساره
    ابتسم انت بالخفجي
     
  3. EngJarrah

    EngJarrah بـترولـي جـديـد

    19
    0
    0
    صدقت والله

    احنا اللحين تعينا على قريد ١٢ وخبرتنا ١٠ شهور
    والحين كملنا سنتين ونص طالبنا الkgoc انه نصير ١٣ حالنا حال العمال بالكويت يقولون انشالله تباشروا بالخير....!! وكإنها شحذه؟
     
  4. السمو أل

    السمو أل بـترولـي نشيط

    70
    0
    6
    نظام القريدات الحالي واللي راح يطبقونه ظالم للخفجي ويقتل الكفاءات واقل شي لازم يساونهم في الوفره والمكتب الرئيسي والشركات الثانية
     
  5. الزرقاوي

    الزرقاوي موقوف

    126
    0
    0
    عمك اصمخ والله محد راح يرد عليك
     
  6. جابر

    جابر قــلــم بــتــرولــي أعضاء الشرف

    نظام قريدات حالي ..ظالم ..ويقتل الكفاءات ......أى نظام طال عمرك !!!!
     
  7. السمو أل

    السمو أل بـترولـي نشيط

    70
    0
    6
    هلا والله جابر توني انتبه لتعليقك
    اقصد الجديد 3 e يعطونك الدرجه بثلاث سنوات
    منو اللي يقدر يجيب كل سنه هالتقييم؟
    واذا فيه ناس خارقين كم عددهم من 2000 موظف
    فاذا بقعد 4 سنين عشان اترقى وزميلي اللي بالبترول خلال ال4 سنين مترقي ترقيتين او 3 هني احس بالغبن
     
  8. جابر

    جابر قــلــم بــتــرولــي أعضاء الشرف

    ياهلا ومرحبا السمو أل
    عادي أفا عليك ..
    بس يظل أفضل من القديم (2003-2013) ..اللى كل درجة اربع سنوات ...على الأقل
     
  9. logistics

    logistics بـترولـي جـديـد

    34
    5
    8
    ذكر
    بس لا تنسى يا أخ جابر أن نظام التقييم للحين بالكوتة وال e تكون كوتتها قليلة جدا بالنسبة لعدد موظفين الإدارة
    يعني المدير يتوهق بين ربعه ورؤساء الأقسام وبين اللي يشتغل والنتيجة ظلم لناس وايد تشتغل وتستاهل الامتياز يعني بمعنى اصح
    النظام عالورق بس
     
  10. جابر

    جابر قــلــم بــتــرولــي أعضاء الشرف

    ياهلا ب logistics
    المشكله طال عمرك مو بالكوتا ...هذى نظام معمول فيه معظم الشركات اللى تعطى زيادات سنويه ..في العالم ..

    يمكن فيه (شوية) تقصير من متابعة وتدقيق أنظمة الكفاءة عندنا ...لكن

    المشكله الكبرى بالبشر ..في المدراء ورؤساء الأقسام ..بعضهم مايعرف ..وبعضهم نحيس ..لو تولع أصبعك العشر بالشغل ...هم يعطيها لصاحبه اللى يوديه ويجيبه أو يشتري له إغراض من السوق..لكن مع هذا يظل فيه عندنا ناس خايفه ربها ولما تشوف تقييمهم لربعهم تعرف إنهم عادلين فعلا ..

    واحد من الشياب يسولف لي ..إنه في سنه من السنوات كان هو الوحيد اللى مرفوعله رسميا A
    ولما دخل شهر يناير إكتشف إنه نزلوه إلى B ...وصعدوا ثلاثه من نفس دائرته وعطوهم A ..سألته ..شسويت ..قال ..شتبينى أسوي ..ماأني مستعد أشاكيهم لأحد ...صليت ركعتين ..وقلت فيهم الله لايسامحهم ..ومثل ما أخذوا حقى ..الله ينصفنى منهم ...

    هذى الأمور إصلاحها لايكون الا بوضع الرجل المناسب بالمكان المناسب ..وهذى قضية بلد مو شركه :eek:
     
جاري تحميل الصفحة...

مشاركة هذه الصفحة