ليش بعض الرجال يفضل السفر مع ربعه اكثرمن اهله

الكاتب : بن نفل | المشاهدات : 1,008 | الردود : 16 | ‏17 يناير 2008
  1. بن نفل

    بن نفل بـترولـي نشيط جدا

    456
    0
    0
    شنو السبب برايكم اللي يخلي بصراحه كثير من الرجال يفضلون السفر مع ربعهم على السفر مع

    اهلهم وعيالهم ولو حصل انه سافر مع اهله وعياله تلاقيه يتحلطم ويتشكى وبس يبي المخلاص والفكه ليش برايكم

    وشهو السبب ..؟؟؟؟
     
  2. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    برأيي الشخصي و بدون زعل:
    * إنسان متخلف ما يقدر معنى الأهل.. إلا إذا كانوا أهم متخلفين بالأساس و ما ينطلع معاهم.. بس ما يضرّ.. الأقربون أولى بالمعروف.. و سوالف السفر مع الربع خليها حق ما قبل الزواج و الارتباط بمسؤوليات أحسن.. الواحد من يلتزم يدور اللحظه اللي يسعد فيها أهله عشان يحبونه و يذكرونه بالخير.. وايد أشكال من الرجاجيل ليلحين عندهم الربع فوق الكل.. و كلام و مباديء عالفاضي..
    * نقطة ثانية إنه تافه.. عباله طلعته مع الربع و كل واحد يشير عليه بشي يعني حده كوول و إن عنده ربع يدلونه على أماكن و يورونه الدنيا.. و الله أعلم ما هذه الدنيا اللي قاعدين يورونه إياها!!!!!!!!!!!!!

    ** في حالة واحده ممكن سفره مع ربعه يكون مقبول إذا كانت سفرة عمل.. عمل عمل صجي مو خربوطي!! أو سفرة حج أو عمرة إهني أباركله و أهنيه

    و بس هذا رأيي الشخصي و أتمنى محد يفهمني غلط بس بعض التصرفات الي نشوفها في مجتمعنا تنرفز و لازم ينحطلها حد!
     
  3. القحطاني

    القحطاني بـترولـي خـاص أعضاء الشرف

    4,717
    0
    0
    لانهو يجد نفسه خفيف الحركه ويقدر يسهر ويتاخر دون ان يحاتي زوجته ابروح في الفندق ;)

     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
    اذا ويا ربعه يفلها على الاخر ووناسه ويستخف عادي :D

    اما اذا ويا اهله يصير رسمي :cool:
     
    آخر تعديل: ‏19 يناير 2008
  5. Kufpec Employee

    Kufpec Employee بـترولـي نشيط جدا

    372
    0
    0
    يعتمد على اهله،،،، إذا أساس علاقتة مع زوجتة رسمية طبيعي يتظايق على قولة زملائي الشباب ماياخذ راحتة يبي يحس إنه خفيف ما تقثة زوجتة،،
    إذا هي عارفة مزاجة وشنو يونسه و وياه بالهيصة والوناسة وساعات ينسون ان عمرهم كبير ويتصرفون على انهم 17 سنة عمرهم وسينما و سوق وبحر وسباحة وكافيهات ومغامرات شيقة شبابية
    فأكيد بيستانس يسافر مع مرتة أصلا راح ينسى ربعة ،،،
     
  6. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    صبحك الله بالخير يالقحطاني :)
    بسك بدليات فضحتنا بسسسسسسسسسسك
    يبيله ندزك دوره ثانيه عشان تنفع معاك ;)
     
  7. بن نفل

    بن نفل بـترولـي نشيط جدا

    456
    0
    0
    شكرا لكل الاخوان والاخوات على المرور والمشاركه الايجابيه ويعطيكم العافيه
     
    آخر تعديل بواسطة المشرف: ‏19 يناير 2008
  8. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    بن نفل عاد انت ابو الفهااميه
    يعني اذا بترووح تقز متي تاخذ رااحتك اذا لحاالك معا ربعك ولا المدام معك
     
  9. The^Queen

    The^Queen بـترولـي نشيط جدا

    288
    0
    0
    انانيه مع بخل
    يعني يبي يستانس بروحه بدون المسؤوليه
    مصرفه اخف علي نفسه بس ووناسته بدون لايفكر بمرته وعياله وواجبه تجاهم
    يعني بالاختصار انانيه

    او مراهقه متاخره وقل عقل يبي يتصرف بتهور ومراهقه ويرد ايام العزوبيه بدون حسيب رقيب يتابعه

    واطالب هالنوع من الرجال ان يسمح لزوجته تعامله بالمثل اي تسافر بروحه وذيك الساعه يعرف شلون صاير اللقل وعدم الراحه والشعور بعدم الامان والاهمال

    حلاه السفر كبل اثنين مسافرين يعيشون شهر عسسل يروحون ويردون ويستانسون وكافيهات وتمشي وسينمات وبريك من الروتين والحياه اللي نعيشها
    اما اذا طرف من الطرفين قرر ان يستبعد الثاني انانيه صرفه
     
  10. كي او سي

    كي او سي بـترولـي خـاص أعضاء الشرف

    كثير من الرجال لهم شخصيتان

    شخصية عند الاهل

    وشخصية اخرى عند الربع او الاصدقاء

    فلذلك دائما يفضل الرجل ابراز شخصيته الحقيقية عند الاصدقاء لانه غير محاسب

    يعني واحد عمره 35 سنه واب لاطفال ويقعد يطامر ويناقز ويتغشمر لانه انسان مرح ، والله هذا اشلون يكون طبيعي في البيت

    اكيد بطلع شخصيته بره مع ربعه

    وتسلموووووووووا
     
  11. بن نفل

    بن نفل بـترولـي نشيط جدا

    456
    0
    0
    شكرا لكم جميعا وبانتظار المزيد من التعليقلت الطيبة منكم

    شكرا لمن مر وقرا وعلق

    وشكرا لمن مر وقرا ولم يعلق

    تحياتي للجميع
     
  12. المشاكس

    المشاكس بـترولـي خـاص أعضاء الشرف

    998
    1
    0
    بصراحه الحريم أهم شي عندهم السوق وفوق هذا غذا الواحد فكر يطلع يبيله ساعتين علشان تجهز المره ويكون راح نص اليوم ... وبعدين لما الواحد يكون مع أهله يكون مرتبط معاهم 24 ساعه بس مع ربعه إذا بيروحون مكان مايبيه يقدر مايروح
     
  13. بوكندر

    بوكندر بـترولـي نشيط

    75
    0
    0
    افضل السفر معى اهلي بلدان الخليج فقط ,,,(الانه الخليج كانك بين اهل ديرتك)

    اما السفر الي الدوال الاجنبيه وغيرها ما افضل ...

    الانه لاسمح الله يصير شي فيك فانتا ريال تدبر نفسك ,, اما لما تكون ويا اهلك (تنجلهم :))

    وشكرا ..
     
  14. بن نفل

    بن نفل بـترولـي نشيط جدا

    456
    0
    0
    شكرا لمشاركتك وان كنت ما اتفق معاك بكل الذي ذكرتيه يعني مو لهالدرجه عاد مو كل الرجاجيل بهذا الشكل
     
  15. بن نفل

    بن نفل بـترولـي نشيط جدا

    456
    0
    0
    تسلم على مرورك وكلام معقول جدا جدا
     
  16. الغالية

    الغالية بـترولـي خـاص

    1,035
    0
    0
    باعتقادي ان الرجل لازم يكون عادل في سفراته

    مره مع اهله ومره مع ربعه ... بس شنو الفرق بين السفرتين؟!

    لنفرض انه انسان مستقيم ومو راعي خرابيط ..
    هل الأماكن اللي بيروح لها مع اهله تختلف عن الأماكن اللي بيروح لها مع ربعه؟ .... طبعا لا !!

    عيل وين الفرق؟!

    الفرق في الناس اللي رايح معاها .... رفيق السفر ... ناس تشيلك وتشيلها ...

    للأسف بعض الحريم دعله .. ما تشيل الرجال في السفر ولا في غيره .. تعتمد عليه اعتماد كلي .. يعني الرجل يكون مسؤول عن نفسه وزوجته وعياله .. ولازم يلبي طلبات الكل ..... وبالنهاية ... تطلع السفره من عينه !!
    ونفس الشي ينطبق على الربع .. بعضهم رفقته بالسفر ثقيله ... بس اهنيه الرجل يكون مسؤول عن نفسه بس !!


    نصيحه للحريم: تبين زوجج يسافر معاج انتي بس وينسى ربعه؟!!

    1- قعدي مع زوجج قعدة صراحه .. وحاولي تعرفين منه .. شنو الاسباب اللي تخليه يفضل السفر مع ربعه !!

    2- انسي السوق في السفر ... واذا مضطرة تشترين صوغه .. اشتري من الكويت (مو بخل المهم انها هدية) .. وإذا لزم الأمر .. خلي السوق آخر يومين من السفر !!

    3- استمتعي بالسفر على قدر المستطاع .. وامتعي الناس اللي معاك !!

    4- خليج خفيف بالحركة .. وسريعة (خصوصا في الأماكن التي تحتاج للمشي) .

    5- ساعدي زوجج على قد ما تقدرين .. في حمل الأغراض مثلا .. !

    6- كوني شخصية ثاااااااانية غير اللي يعرفها زوجج .


    يعطيك العافيه يابن نفل :)
     
  17. بن نفل

    بن نفل بـترولـي نشيط جدا

    456
    0
    0
    كلامك عين العقل والفهاميه والله يعطيج العافيه .. وادعوا كل النسوان لقراءة ردك الجميل والمنطقي
     
جاري تحميل الصفحة...

مشاركة هذه الصفحة