بيوت الشركة

الكاتب : Failakawe | المشاهدات : 3,027 | الردود : 15 | ‏17 فبراير 2014
  1. Failakawe

    Failakawe بـترولـي نشيط

    96
    0
    0
    السلام عليكم


    حبيت انوه على موضوع حساس ويهم شريحة كبيرة من الموظفين في الشركة .. احنا في شركة نفط الكويت عندنا في الاحمدي عدد لا باس فيه من بيوت الشركة اللي نقدر نستفيد منها للموضفين اللي مو لاقين مكان يسكنون

    لكن ... الموضوع مريب لعدة اسباب !!

    اولا . ليش الشركة ماتجبر اصحاب البيوت اللي عندهم بيوت خاصة ومن الحكومة انها تخلي مساكن الشركة واعطائها للمستحقين ؟؟

    ثانياً: اين النقابة من موضوع حساس مثل هالموضوع ؟؟ واذا كانت النقابة متخاذلة بموضوع حساس مثل هذا ,, هل هي مشاركة في الجريمة ؟؟ يعني البيوت حق ناس وناس ؟

    ثالثاً: في امر قضائي باخلاء بيوت من البدون .. تقريبا 160 بيت عشان يبنون بدالهم حق الموظفين ولكن الوزير وقف القرار لانه اصحاب البيوت تظلموا !!! علماً بان صدر حكم قضائي باخلاء البيوت (انزين اهم بدون الله يعينهم .. معقوله اهم بدون بديرتنا عندهم بيوت واحنا كويتيين وساكنين اجار ؟)

    رابعاً: غير ان احنا ماعندنا سكن من الشركة فوق هذا ماينزل لنا بدل ايجار بحجة الشركة تعطينا بدل سكن .. ولكن هذا جزء من الراتب وفي واحد كسب القضية ضد الرعاية السكنية .. وفي ناس راحت للمويزري لما كان وزير اسكان ووعد بحل المشكله ؟؟ والى الان ماكو شي ولا راح يصير شي

    خامساً: وين النقابة اللي اهي الجهة المسئولة عشان تلبي مطالباتنا .. خصوصا ان توفير السكن للموظف من اهم الاشياء الاساسية في الحياة


    اتمنى احد من النقابة يتبنى الموضوع لانه بصراحه الموضوع ماينسكت عنه .. ناس مأجرين مساكن الشركة وعندهم بدال البيت بيتين وثلاث ,, وناس مو لاقيه شفة حتى تسكن فيها ؟؟ ولا البيوت حق فلان وعلان ؟؟


    ارجو التفاعل مع الموضوع لانه موضوع حساس واتمنى يتم حله .. لانه بالطريقة هذي ماراح اييك الدور حتى بعد التقاعد
     
  2. net1

    net1 بـترولـي نشيط جدا

    229
    0
    16
    اخوي من الاخر عندك واسطه تاخذ بيتين بعد مو واحد ما عندك واسطه حتى تسجيل ما يسجلونك
     
  3. MR.MOH

    MR.MOH بـترولـي نشيط

    88
    0
    0
    للعلم لو فعلوا القانون واسحبوا البيوت من الي عندهم بيوت واسحبوا بيوت ضباط الداخلية الي خارج العمل الحين ومدرا الشؤون وغيرهم من المتجاوزين كان مابقى موظف بالشركة ماعندة بيت وثانيا لازم يجددون مدينة الاحمدي ويبنون وحدات سكنية جديدة تواكب التطوة !
    اما بالنسبة لاخوانا البدون عددهم قليل ويقدرون يعطونهم بديل !

    ارجوا التفاعل
     
  4. MR.MOH

    MR.MOH بـترولـي نشيط

    88
    0
    0
    مسألة ان مايصير تحت قريد 13 يسجل بالاسكان مجحفة جدا
     
  5. Mokamal

    Mokamal بـترولـي جـديـد

    9
    0
    0
    السلام عليكم. توضيح بسيط. عدد بيوت اﻹخوة البدون لا تتعدي 6 بيوت او اكثر. ﻷن المشروع كله إنشاء عدد 160 بيت جديد. هذا للعلم فقط.
    شكرا جزيلا
     
  6. q8sell

    q8sell بـترولـي نشيط

    59
    27
    18
    ولله ملينا من الاجارات نبي بيت بالأحمدي
     
  7. q8sell

    q8sell بـترولـي نشيط

    59
    27
    18
    ليش الشركة ما تقوم في استغلال بقيت الاراضي في الاحمدي و بنيان مساكن جديدة للموظفين
     
  8. q8sell

    q8sell بـترولـي نشيط

    59
    27
    18
    عدد الموظفين كل ماله و يزيد و اساسا البيوت الحلية غير كافية
     
  9. Failakawe

    Failakawe بـترولـي نشيط

    96
    0
    0
    أنا أشوف ان مافي انصاف ابداً .. معقوله ناس عندها بيتين ومأجرين بيوتهم وفي ناس مو لاقيه شقه تسكن فيها

    اين العداله يانفط الكويت

    على فكره كل اللي ساكن بالاحمدي يدري ان كثير من البيوت متأجره على غير مستحقينها .. ومو معقوله ان النقابه مافتحت الموضوع هذا ليلحين !!! وين العدالة اللي يتكلمون عنها
     
  10. Failakawe

    Failakawe بـترولـي نشيط

    96
    0
    0
    ارجو التفاعل .. الموضوع حساس ومهم لكل الموظفين .. واظن هالموضوع مهم اكثر من مشاركة النجاح اللي قلبوا الدنيا عليها

    انا واحد من الناس اقول خل ياخذون المشاركة بالنجاح كلها عليهم بالعافيه .. بس تتوزع البيوت لمستحقينها .. على فكره اذا بتقدم بالدور ابشرك .. راح تتقاعد قبل لاتاخذ بيت

    البيوت حق فلان وعلان وفلان ولد عم فلان والشخص هذا محسوب على مادري منو
     
  11. Hmulla

    Hmulla بـترولـي جـديـد

    2
    0
    0
    رد: بيوت الشركة

    البيوت من الاخر حق ناس وناس ويقولك قدم وانطر دور وانسا لان ماراح يطلعلك بدون واسطه
     
  12. لاتــــــحااااااتــــي

    لاتــــــحااااااتــــي بـترولـي جـديـد

    8
    1
    3
    رد: بيوت الشركة

    ودزيد عليها ان في كم واحد عنده أكثر من بيت ولو ان الشركه تربط بينها وبين الأسكان كان أغلب البيوت فاضيه لان عندهم بيت بالشركه ويأجر بيته اللي من الدوله ومستفيد منه
    لابد الربط بين الشركه والإسكان ويجي لك بيت
     
  13. ضارى

    ضارى بـترولـي نشيط

    رد: بيوت الشركة

    القانون .... وبس

    مافي رجال تطبقة ولا في رجال تطالب بتطبيقة

    وسلامتك
     
  14. norema-sarto

    norema-sarto بـترولـي مميز

    668
    0
    0
    رد: بيوت الشركة

    للتذكير فقط....:rolleyes:

    فيه موظفين بالشركه عندهم بيوت بالشركه ....بس مأجرينه لناس بره الشركه

    وهذه الحاله مو وحده بل تعدت ال 10 حالات.....والمسؤولين عاجبهم الوضع لأن الطرف الثان وهو المؤجر عنده وااااسطه.....

    الأحسن تاكلون هوا وتسكتون هههههههههههههه:D:D:D:D
     
  15. abjar

    abjar بـترولـي جـديـد

    2
    0
    0
    رد: بيوت الشركة

    بيوت الشركه ملك الموظفين وليست املاك خاصه بمدير او وزير او محافظ او ظابط
    يجب تحصين بيوت الشركه ضد هؤلاء حيث ان بيت الشركه يمنح فقط لمن لا يملك منزل وتسقط احقيته عند حصوله على منزل آخر
    يجب تحديث اوراق مستفيدين المنازل اسوه بمستفيدين بدل الايجار
    بس الشق عود والكل يدري ومطنش او ما بايده شيء
    ونصف زملائنا الفراعنه مستفيدين من بيوت الشركه ويجاهرون بايجارها للغير مع العلم ان بعضهم يمتلك منزل خاص من اكثر من عشرين سنه:mad::mad:
     
  16. عبداللةابوعبدالرحمن

    عبداللةابوعبدالرحمن بـترولـي جـديـد

    2
    1
    0
    رد: بيوت الشركة

    موظف بالشركة لى 20 سنة خدمة لما بغيت بيت بالشركة قدمت الاوراق المطلوبة قبل 5 سنوات قالوا لى بالدور وفريت بالمنطقة لقيت اكثر من 15 بيت بالشمال فاضين سجلت ارقام البيوت وراجعتهم بالاسكان قالو البيوت هاذى باسم موظفين يا جماعة العشب طول المتر فية احد يخصمون علية بدل ايجار ويخلى البيت فاضى بالعقل ما يصير لكن حسبى اللة عليهم ​
     
    أعجب بهذه المشاركة منار العنزي
جاري تحميل الصفحة...

مشاركة هذه الصفحة