تبي المشاركة بالنجاح؟ تبي تسلم على معاشك؟

الكاتب : بوعمر الشقردي | المشاهدات : 1,532 | الردود : 5 | ‏9 فبراير 2014
  1. بوعمر الشقردي

    بوعمر الشقردي بـترولـي نشيط

    73
    0
    0
    تبي المشاركة بالنجاح؟ تبي تسلم على معاشك؟

    خلني اختصر عليك وأعطيك جواب السؤالين الحين وبعدين اشرحلك

    الجواب...

    حامض على بوزك :D

    اسمحلي على هالصدمة بس هذا اللي بيصير طالما سلمت رقبتك لنقابة متراخية بشكل مثير للشك.

    شلون تعرف ان النقابي باعك؟

    الجواب اذا شفته يقولك ان طلباتك غير قانونية وان اللي تطلبه لا يمكن الموافقة عليه... لي شفته يحاول يقنعك بأن القناعة كنز لايفنى بينما تشوفه طاير من درجة لدرجة بفترة وجيزه حى لو ماعنده غير الثانوية يوصل 17 و 18 (مثلا أقول يعني)
    وهذا طبيعي ياشباب ... أنا ... وأنا هنا أتكلم عن نفسي ولا أتهم أحد...ارجع وأقول أنا لو صاحب شركة وسولي العمال دوشة ويبون حقوقهم شي طبيعي اني أستخدم اساليب "غير ملتويه" :D واحاول اشتري الراس العود فيهم ... هذا أعطيه شي اسكته وهو عليه يركد الباجي. :D

    معلومة مفيده لكم تذكروها لما تسمعون جملة "طلباتكم غير قانونية ولا يمكن تحقيقها" المعلومة اهي ان طلبات مثل الإجازات السنوية المدفوعة والإجازات المرضية المدفوعة كانت في سنة 1937 وماقبلها غير قانونية في بلد مثل امريكا بلد الحريات والحقوق والقانون ولكن بجهود نقابات عمال شريفة تم تحقيق هالمطالب اللي اليوم تشوفونها حق مكتسب وطبيعي.

    عموما لكل أمر دلالات وهذي دلالات اللي باع مصالحك مقابل مصالحه. ركز على كلامه لايسحرك بمعسول الكلام d: لي شفته يلحنلك على وتر "طلباتكم غير قانونية" سكر عليه المكرفون و قظبه الباب واذا زعل ... زعل بو جعل باللي لايرده :D ... مصلحتك أولى وانت ماوصلته علشان يصير خصمك ... انت وصلته علشان يدافع عن مصالحك وان مانفع شوف غيره ...شوف اللي يفهم ان هالمنصب للتكليف لا للتشريف.

    شنو العمل؟ اختر اللي يمثلك واللي يسعى وعلى الأقل يحاول تحصيل حقوقك. ان تراخيت اليوم لا تلم الا نفسك وسلم على معاشك ... احنا الله رحمنا انه كان من ضمن ممثلين النقابات اللي قابلوا الوزير قبل زيادة الرواتب ناس شرفاء أصروا على المطالبة بحقوق الموظفين بينما تخاذل البعض من المطأطئين اللي كانوا على وشك ان يبيعونكم لولا تدخل أصحاب الضمائر الحية من النقابيين. فلا تهدمون ما بنيناه بعد عناء سنين.

    وتذكروا ان مايضيع حق وراه ((("مطالب")))
     
  2. Drilling Eng

    Drilling Eng بـترولـي نشيط

    70
    0
    0
    كفو والله على هالكلام الطيب
    صج والله ذكرتني بالزمن الجميل ... زمن الرجال الذين لا يساومون على حقوق العمال لمصالحهم الشخصية
    نتمنى من النقابيين ممن لا يستطيع "المحافظة على مكتسباتنا .... على أقل تقدير" ان ينتزع الحق من نفسه ويحفظ هيبته ويسلم الأمانة النقابية لمن يستحقها
     
  3. بوعمر الشقردي

    بوعمر الشقردي بـترولـي نشيط

    73
    0
    0
    اييييييه ...راحوا الطيبين
     
  4. q8sell

    q8sell بـترولـي نشيط

    59
    27
    18
    ضاعة حقوقنا ... الله المستعان
     
  5. q8sell

    q8sell بـترولـي نشيط

    59
    27
    18
    احنا نكرف طول الثمن ساعات عشان نحلل معاشاتنا و بالأخير يصير فينا جذي ولله حرام
     
  6. بوعمر الشقردي

    بوعمر الشقردي بـترولـي نشيط

    73
    0
    0
    ما يضيع حقكم ان شاء الله ان انتوا طالبتوا فيه وعندك موظفي البترول الوطنية خير مثال

    توحدوا وأطيحوا بهالنقابة المتخاذلة وخلكم مع عموم النقابات والإتحاد

    ولا تتركون حقوقكم تنتهك بتواطىء من لا يمثلون الا أنفسهم ومصالحهم​
     
جاري تحميل الصفحة...

مشاركة هذه الصفحة