مكافأة المشاركة بالنجاح ..بعيدا عن المطالبات

الكاتب : جابر | المشاهدات : 1,260 | الردود : 6 | ‏4 فبراير 2014
  1. جابر

    جابر قــلــم بــتــرولــي أعضاء الشرف

    غريب أمر مكافأة النجاح ..

    ياليت أحد يشارك ويشرح لنا شوى ...

    اللى أعرفه إنها تحسب بناء على الفرق بين الأرباح التقديريه والحقيقيه ...

    وبشكل عام ..كل مازاد الفرق ..يكون النجاح أوضح ..وبالتالي ...النسبه المقرره لمكافأة المشاركه بالنجاح تزيد ..حسب معادله معينه

    يعنى إذا المؤسسه تبي تعطينا مكافأة أقل ...كل اللى عليها وبدون نجره وبدون تغيير معادله..ترفع من قيمة الأرباح التقديريه .. :eek:


    هل هناك حوافز وبونص أخر لمجالس الإدارات مرتبط بالفرق بين الأرباح التقديريه والحقيقيه ..

    بحيث لو ضبطوا الأرقام حتى تقل مكافأة المشاركه بالنجاح ..قانونيا..فإن البونص مالهم يقل :confused:
     
  2. m3l8chy

    m3l8chy بـترولـي نشيط

    91
    0
    0
    process engineer , koc
    ديرة الطيبين
    اخوي جابر ترا الارباح التقديريه ما تنحط على المزاج
    اهي تنحسب وفق دراسه اقتصاديه تنحسب فيها التكلفه والعوائد التقديريه ولايقدرون يزورون فيها
    مو سلق بيض السالفه
    لو الموضوع ع المزاج جان مامشالك ولا بونص
     
  3. جابر

    جابر قــلــم بــتــرولــي أعضاء الشرف

    هلا والله ..ومشكور على المشاركه ...والفايده للجميع ..

    محد قال تزوير بأرقام الله يرضى عليك .. :eek:

    أول شي ..إذا يدفعون عن الأرباح الفعليه...هذى صعب يقدرون يتحكمون فيها ...السوق هو العامل الرئيسي فيها

    أما إذا يدفعون حسب الفرق بين الأرباح التقديريه وبين الحقيقيه .. فهذى ممكن التحكم فيها ..

    ثانيا : هناك طرق كثيره للforecasting (توقع والتحمين) منها من يعتمد على البيانات التاريخيه ومنها من يكون بواقع حكم اللى يقوم بالعمل أو حتى مسح للسوق والعوامل اللى تؤثر فيه ..


    ثالثا : هناك شركات تسمح بفروقات تقديريه تصل إلى+ أو - 50%

    رابعا: هناك أكثر ممن سيناريو لل forecasting ..منه أسوأ سيناريو وأفضل سيناريو واكثر سيناريو محتمل ...

    كل هالطرق ممكن إستخدامها يؤدى الى رفع أو خفض القيمه التقديريه للأرباح ..

    شغله أخيره : هالكلام كله مبني على إن حسبة النسبه لمكأفأة النجاح تأتى من الفرق بين الأرباح التقديريه والحقيقيه ...اللى عنده خبر إنها تحسب بطريقه مختلفه ..يحطها لنا . :)
     
  4. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اخوي جابر شكلك صرت حكومي
    شرايك تقترخ بعد انه تلغى المشاركه :)
     
  5. جابر

    جابر قــلــم بــتــرولــي أعضاء الشرف

    الله يسامحك ...أنا وطنى ..إيه .....بس حكومي لا ..على الأقل مو أخر سبع سنوات ..

    بس وين لقيت بكلامي ...أى تنازل ..أو طلب بالإلغاء ...

    حنا نحاول نفهم ...

    ليش الإداره تحد الإتحاد والموظفين الى تصادم ...وبيدهم شغله ثانيه ..

    هل المعلومه خطا ..أم إن إستخدام هالطريقه يؤثر على البونص مال الإدارة وحوافزهم ..

    على العموم ..ما أعتقد الكلام اللى قلته ...فيه أى شي يخفى على الإتحاد أو المؤسسه

    وبالأخير ...أنا أولا ملتزم مع نقابتى ...ومع الإتحاد ...وصعب جدا أتخذ موقف مغاير للأثنين ...
     
  6. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    يعطيك العافيه وما يحتاج رايتك بيضه
    بس مهما كان اي معادله لازم تكون ثابته مو من المعقول انها تتغيير بكل مره
    لذا الاليه واضحه وتم الاتفاق عليها
    مو من المعقول انه تتتغير الافكار او الطرق لاقصاء احقيه فئه بشىء معين حتى اوصل لغايه معينه
    موضوع المشاركه بالعربي الفصيح وما نبي نزايد ونحلل كل مره
    تخفيض المبلغ ليس تطبيق قانون
    واتمنى من الكل انه الهدف من الاضراب حمايه حقوقنا فقط لاغير ومانبي مزايدات
    حلال وحرام وقانون ومخالفه
    اللي واقف مع الاضراب اتمنى يصرح علشان نعرف المندسين على قولة العم احمد السعدون
    واللي حاب يصعد على اكتاف اخوانه علشان ياخذ مصلحه معينه يصرح لانه معروفه المشاركه حق للجميع وانك توقف ضده مليون بالميه في مصلحه وبلاش نفاق :)
    لانه الشجاعه الوقوف مع الحق والايام راح تكشف المتسلقين
     
  7. جابر

    جابر قــلــم بــتــرولــي أعضاء الشرف

    يعطيك العافيه يابن مبارك ..
     
جاري تحميل الصفحة...

مشاركة هذه الصفحة