موضوع مهم ابي اشاركم فيه

الكاتب : اوسكو88 | المشاهدات : 1,583 | الردود : 15 | ‏2 فبراير 2014
  1. اوسكو88

    اوسكو88 بـترولـي نشيط

    61
    1
    8
    اليوم اتجهت الى ال b4 مقابل المستشفى بالاحمدي لمكتب السيد الفاضل محمد جعفر لاستفسر عن طريقة النقل الى مكان اخر يتوافق مع شهادتي الجامعية انا موظف حاليا عالثانوية العامة عقود طبعا لقيت هناك وحدة اسمها خلود سكرتيرة انسانه اعجز عن وصفها لا اسلوب لا احترام ولا حشيمة عاملتني معاملة سيئة جني الصبي اللي اييبلهم شاي خجلت حتى ماقدرت اقول شي قالت مافي شو يعني منين جيبلك على تخصصك وظيفة قلتلها مو مشكلة انزين بمكاني نفسه قعدت تصارخ اتوقع اللي فالاستقبال سمعوا وقالت انته اصلا ملفك مو عندنا راجع شركتك هذا ونا متوظف من خلال التكويت شالسالفة مو متخيل اني في ذيك اللحظة للحين بالديرة شي عجيب مع اني اعرف اكثر من شخص عدلو اوضاعهم وسهالات وزادو رواتبهم عالشهادة بس طبعا الواسطه تلعب دور بس انا واسطتي رب العالمين يعني بالقسم اللي انا فيه معاملة سيئة وحتى هناك ما تقدر تقول شي عشان تحافظ على الوظيفة لانها صارت من اصعب الامور بالديرة .... اسف على الاطالة بس حبيت افيد الاخوان
     
  2. JayQ8

    JayQ8 بـترولـي نشيط

    105
    0
    16
    عادي جدا..شوف لك طفايه و ارقعها براسها
     
  3. 7raak

    7raak بـترولـي نشيط

    71
    2
    0
    جان صكيتها بالطفايه الله يهداك !!
     
  4. غراابيل

    غراابيل بـترولـي نشيط جدا

    383
    0
    0
    اي والله انك صاج بهذي ،، السلقه لسانها طويل وترفع الضغط مو محترمه
     
  5. محسن السويدي

    محسن السويدي بـترولـي نشيط جدا

    279
    30
    28
    ذكر
    ميكانيكي
    الكويت
    والله لو منك عطيتها اطراق وتفله والله مو منهم من الشعب الكويتي هم اللي يعطونهم الخيط والمخيط والا هم في ديرتهم مزبله هاااااا يالقهر
     
  6. اوسكو88

    اوسكو88 بـترولـي نشيط

    61
    1
    8
    والله مو عاجز عن اني اشوف لي طفايه و ارقعها براسها بس ماتربينا على جذي انا بجيبها من فوقها بس الوضع غريب بالديرة فعلا يقهر لا اسس لا انظمة لا قوانين يوم انه وحده مثل هذي اللبنانية تعلي صوتها على ولد الديرة هذا والتيم ليدر يشوف ولا يقول اي شي وعادي
     
  7. لبا قلبك

    لبا قلبك بـترولـي نشيط

    125
    0
    0





    اخوي انت شنو شهادتك اي تخصص
     
  8. freekuwait

    freekuwait بـترولـي نشيط

    95
    3
    8
    كلامك صحيح



    السلام عليكم ورحمة الله وبركاته

    كلامك صحيح وفعلا هذي الانسانه فعلان لا تعرف معنى الاحترام الله يكون بعون الجميع

    بإختصار ااخوي في شروط اذا انت مطابقها تقدر تنقل :

    1- اذا كان في إعلان مطلوب فيه تخصصك تقدر تقدم وتنقل
    2- على الاقل صارلك ست شهور بعقدك القديم
    3- لازم تكون درجة إختبار الانجليزي في المعدل المطلوب لشهادة الباكالوريوس اذا ماكانت في المعدل المطلوب تعيد الاختبار

    ملاحظة : هذه الشروط اجتهاد شخصي حسب معرفتي ممكن اكون مخطأ

    اذا تبي تستفيد وتستفسر روح b4 أسال عن :
    - محمد الغانم
    -عبدالرحمن الكندري
    - محمد جابر
    - الدكتور أسامة الجهيم

    كلهم ناس محترمين ويقدرون الانسان



    أن شاء الله يفيديونك

    الله يوفق الجميع
     
  9. اوسكو88

    اوسكو88 بـترولـي نشيط

    61
    1
    8
    شهادتي اعلام
     
  10. اوسكو88

    اوسكو88 بـترولـي نشيط

    61
    1
    8
    ان شاء الله بروح للدكتور اسامة جهيم واشوف الموضوع معاه درجتي جيد جدا باختبار الانجليزي وكملت اكثر من 6 شهور بشركتي
     
  11. diver1120

    diver1120 بـترولـي جـديـد

    26
    0
    0
    هذي عيوز النااار فلسطينية اذا شفتها مرة ثانية بس قولها يسلم عليج ايمن هههههههههههههههه راح تصير خووووش وحده
     
  12. wafrawyy

    wafrawyy بـترولـي نشيط

    111
    0
    0
    ليش ماتكلم النقابه وتاخذ حقك منها بس شوف مسنوده من منو ولا لو ماوراها ظهر جان تلقاها مثل الفار بس اتخشش من العالم
     
  13. اوسكو88

    اوسكو88 بـترولـي نشيط

    61
    1
    8
    عشان جذي ترا شاده حيلها اقولك التيم ليدر ولا قال شي متفرج فقط
     
  14. santafe

    santafe بـترولـي مميز

    717
    3
    18
    أكيد ما يقولها شي ، إذا أبوه الله يرحمه لما كان رئيس التنفيذي والعضو المنتدب لنفط الكويت انت يا جعفر وطلبه ذاك الوقت الشيخ جابر الأحمد الله يرحمه لما كان محافظ الاحمدي وقاله ها ريحتك فاحت ترى شتبي يكون ولده السيد محمد جعفر هههههههههههههه والسكرتيرة أعرفة عدل وكانت سكرتيرة احد المدراء السابقين إذا ما خاب الظن قبل الغزو
     
  15. Muv

    Muv بـترولـي جـديـد

    16
    0
    1
    ذكر
    اخوي اوسكو88 انا بالضبط حصل لي نفس الي حصل معاك ومعاملة خلود كانت فوق فوق التعيسة وقلت لها شوفو لي وظيفه للمؤهل الجامعي قالت اكتب لنا اقرار انه ما عندنا وظايف قلت لها مو شغلي هذا مو تخصصي ولما طلبت منها اقرار منها عصبت وطبعا الصراخ المعتاد وتحب تسكر كل شي علي الموظفين انا بصراحه اطالب النقابة انهم يشوفون لنا حل مع خلود ويحطون لنا شخص يحترم الناس ويقدرهم وعلي فكره مو بس انا الي حصل معاي مشكله سألت اكثر من شخص الكل يشتكي
    والله يعين
     
  16. غراابيل

    غراابيل بـترولـي نشيط جدا

    383
    0
    0
    وانا ايضا اطالب بتغيير هالسكرتيره المو محترمه الي صراخها يسمعه الي بأخر الممر والله عيب
     
جاري تحميل الصفحة...

مشاركة هذه الصفحة