المشكله الاهم من التطبيق لازم النقابه يحلونها

الكاتب : Ali911 | المشاهدات : 750 | الردود : 5 | ‏21 يناير 2014
  1. Ali911

    Ali911 بـترولـي نشيط

    88
    0
    6
    السلام عليكم
    اول شي ابارك حق اخواني وزملائي بالقطاع النفطي الخاص واقولهم انشاءالله هالمره ثابته
    بس في مشكله اهم من الزيادات والتامين

    انا الحين صارلي سبع سنين بالقطاع النفطي الخاص ومريت باربع شركات
    المشكله لما الشركه يخلص عقدها واتيي الشركه الثانيه الاجراءات تطول بالتامينات ودعم العماله على مايشيلون اسمي من الشركه القديمه بعدين انطر زياده الشركه اليديده والتامينات وايد تطول وعلى ماالشركه اليديده يوصلها ورقه من التامينات طبعا انا بنفسي اييبها لهم اني موموظف عشان يحولوني عندهم والمعاش يتاخر من هالسالفه يعني عادي اقعد شهر ونص وينزل المعاش ومرات المعاش الاول استلمه بشيك
    وفي مشكله ثانيه ترا البصمه ساعه 3 مشكله يعني ساعات ماعندنا شغل من بعد ال 12 ننطر لي 3 عشان البصمه المهم هاذي عادي الكل جذي بس سالفة النقله من شركه لي الشركه اهي المصيبه
     
  2. TurboMan

    TurboMan بـترولـي نشيط

    68
    0
    6
    اخوي معاك حق الملاحظات هذي لازم تأخذ بعين الاعتبار لانها مهمه في ناس تنظر من هالشغله .... بس بعطيك جم نصيحه على سالفة النقل ... رقم 1 اول شي كلم شركتك يدزون الاوراق للتأمينات بوقت مبجر يعني قبل لا ينتهي الشهر بشويه ....

    2 روح التأمينات و جيك على شغلك و حاول فيهم تره الجراء العادي ياخذ وقت بس اذا اوراقك واصله و بس تحتاج تسجيل والله شباب و بنات التأمينات فيهم الخير ما عندي لا واسطه ولا شي بس ما قصرو و طلبت منهم سرعه التسجيل علشان ينزلي دعم العماله و ما يروح لي الشهر اللي وراه.

    3 هم اخوانا و خواتنا بدعم العماله ما قصرو قالولي تعال قبل 14 الشهر و امورك طيبه ... بس نصيحه ياخوي حاول تروح قبل 12 الشهر علشان تتأكد اكثر و يكون وقت كافي لانه الأسامي وقت الصرف تروح على دفعات و تأكد فوق بقسم الماليه انه اسمك بالسستم مسجل تستحق العلاوه.

    و بس هذي تجربي و لا يأس مع الحياة و لا حياة مع اليأس و اتمنى لك وللجميع التوفيق
     
  3. شعم

    شعم بـترولـي نشيط جدا

    227
    0
    0
    اخوي علي البصمة ان شاءالله راح تنشال الشهر هذا بإذن الله
     
  4. a7med_1337

    a7med_1337 بـترولـي جـديـد

    20
    0
    0
    اخوي التاخير هذا من قبل التامينات نفسها ومماطلتها ،،

    ماظنتي النقابه بيدها شي على التأمينات !!
     
  5. hanter

    hanter بـترولـي نشيط جدا

    234
    0
    0
    اتمنى اخوي شعم انه تنشال البصمه بس ما اتوقع تنشال عقب هل زيادات راح يشدون علينا شوي
     
  6. شعم

    شعم بـترولـي نشيط جدا

    227
    0
    0
    مبروك البصمه راحت.

    كتاب رسمي ازالو البصمه افرح اخوي.

    كفو يالنقابه. كفو والله.

    الخير ياي بالطريج.

    ناطرين التطبيق احر من الجمر.
     
جاري تحميل الصفحة...
مواضيع مشابهة
  1. Mslam
    الردود:
    0
    المشاهدات:
    437

مشاركة هذه الصفحة