الى النقابه مع التحيه

الكاتب : سالم الديحاني | المشاهدات : 480 | الردود : 4 | ‏20 يناير 2014
  1. سالم الديحاني

    سالم الديحاني بـترولـي جـديـد

    6
    0
    0
    1: نبارك اقرار اللائحه اللي ماندري عنه .
    2: وين وعدكم عن بدل طريق وبدل خطر والامان الوظيفي والشغلات الواجد اللي قلتوا عنه باجتماعكم مع موظفين القطاع

    مااقول الا الحمدلله على حال
    اتمنى التوضيح من اخواني اعضاء النقابه لانه واجد من الموظفين ودهم يعرفون شنو اللي تفكرون فيه لانه بصراحه اغلب موظفين القطاع هدفهم موبس تأمين صحي هدفهم بدل خطر / بدل موقع / بدل مسافه / الامان الوظيفي




    اتمنى التفاعل من الجميع وشكراً
     
  2. Naser79

    Naser79 بـترولـي نشيط

    108
    0
    0
    انا معاك يالديحاني اول شي اشكر النقابه على مجهودهم بتطبيق اللائحه

    وثاني شي اكثر الزيادات من كلام الشباب تتراوح بين 9 دنانير و11دينار وعشرين دينار الى تسعين دينار بالنسبه لي الاكثريه كانو متوقعين زياده مجزيه لاتقل عن ميتين دينار على اقل تقدير وتفاجأنا بالزياده حالنا من حالك

    ثالث شي بدل الطريق مفروض للوفره يكون 150 الى 300 دينار عشان نقدر نقول في شبه مساواه مع القطاع الحكومي
    انا موظف بالوفره ثانويه عامه وراتبي الحالي 650 وبعد الزياده صار 740 مثل ماقلت قبل فرق تسعين دينار من غير استقطاع التأمينات !

    رابع شي وين علاوه بدل خطر مافي احد ذكرها وهل هي مشموله مع منحه الموقع اذا مشموله معناته الزياده 90 دينار راح اقسمها على بدل طريق وعلاوه بدل خطر يعني 50 بدل طريق ! و40 بدل خطر !

    وخامس شي في ناس معاشهم القديم اكثر من معاشهم بعد الزياده والنقابه يقولون ينتقل للمربوط الثاني اذا الزياده اقل من راتبه القديم !

    بصراحه التطبيق الاستفاده منه التأمين الصحي والتذكره وسلم وتدرج وظيفي

    اخيرا اشكر النقابه انهم بذلو مجهود يستحق الشكر عليه بالتطبيق ولكن الزيادات غير مجزيه ولا فيها مساواه مع القطاع الحكومي مثل ماكنا نسمع

    اتمنى ان تقبلون وجه نظري بصدر رحب ولا احد يزعل مني لانه هذا رايي باللائحه الجديده
     
  3. TurboMan

    TurboMan بـترولـي نشيط

    68
    0
    6
    يا شباب شكلكم توكم بأول الطريج ليش تشوفون الموضوع بشكل سلبي بس علشان ما حققلك انجاز شخصي ؟

    اعطيك مثال اخوي انت توك صارلك سنتين و انا اطحن من 2003 تدري انه معاشك بدون الزياده اعلى من معاشي و انا صارلي 10 سنين و انت بس سنتين انت ما حققتلك انا حققتلي كثر الله خيرهم و مشكورين الكل دون استثناء من اصغر واحد لي اكبر واحد بالنقابه لي قسم تكويت لي شركه لي مؤسسه لي وزير مشكورين وجزاكم الله خير و احنا رحنا ولا ردينا اخوانكم و عيالكم.
     
  4. سالم الديحاني

    سالم الديحاني بـترولـي جـديـد

    6
    0
    0
    والله اني مااهضم حقكم ونعم بوحوش النقابه الاهم انهم سووا شي للقطاع من تامين وغيره انا مو ضدهم ياخوي بس بالاجتماع قالوا انه المؤسسه وافقوا ع بدل الطريق وخطر وموقع بس هذا اللي حبيت يوضحونه وين راحت من اللائحه اللي وافقوا عليه المؤسسه وبس ياخوي

    تيربو مان
     
  5. TurboMan

    TurboMan بـترولـي نشيط

    68
    0
    6
    انا معاك بأن توضح الأمور اكثر محد ياب طاري نهاية الخدمه مع العلم الائحه التنفيذيه القديمه كان فيها بند نهاية خدمه و فيها بند يلزم المقاول انه يحول الموظفين القدم بنفس الراتب او راتب أعلى ... الشغله الثانيه مو مذكوره ميخالف قول الحين معاشاتنا تنحط من التكويت و اكيد راح يلزمون المقاول بس نهاية الخدمه مو موجوده ؟

    كثير والكثير من الأسئله للحين تحتاج توضيح اتمنى من النقابه الرد عليها بإجتماع ولا شرح موفى علشان تتم الفايده ونعرف شنو اللي لنا واللي علينا و نعرف منهم الخطه والخطوات القادمه و كفو يالذيب يالديحاني موفوق خير ان شاء الله ياخوي.
     
جاري تحميل الصفحة...

مشاركة هذه الصفحة