عن اي لائحه يتكلمون؟!

الكاتب : JayQ8 | المشاهدات : 1,078 | الردود : 12 | ‏20 يناير 2014
  1. JayQ8

    JayQ8 بـترولـي نشيط

    105
    0
    16
    تخدير بالتأمين الصحي و التذكره السنويه..و اثنينهم ما يوكلون عيش.

    اذا بتتكلم عن لائحه وين الميزه الافضل؟ وين مساواة بالرواتب وين الدورات الخارجيه و و و..

    للأسف ماراح يتغير شي.

    سنين على زياده ام 20 دينار؟ لا و المشكله الكل يبارك للثاني :d

    المهم اذا تذكره سنويه هي طموح القطاع النفطي الخاص..عيل عليكم بالعافيه.
     
  2. سليمان الرشيدي

    سليمان الرشيدي بـترولـي نشيط

    74
    0
    0
    أول شي الواحد يقول الحمدلله

    ثاني شي ألحين عندنا لائحه وقوانين كل واحد فينا يعرف الي له وإلي عليها وكلها مميزات هاللائحه بدءًا من التأمين الصحي وانتهاءًا بالأوفر تايم

    ومنو قالك انه اللائحه مافيها مواد تلزم الشركات بإعطاء دورات وتطوير الموظفين كل شي موجود وإلي مو موجود نقدر إنطالب فيه مستقبلاً


    ونقول الحمدلله اولاً وأخيراً
     
  3. Naser79

    Naser79 بـترولـي نشيط

    108
    0
    0
    اول شي اشكر النقابه على مجهودهم بتطبيق اللائحه

    وثاني شي اكثر الزيادات من كلام الشباب تتراوح بين 9 دنانير و11دينار وعشرين دينار الى تسعين دينار بالنسبه لي الاكثريه كانو متوقعين زياده مجزيه لاتقل عن ميتين دينار على اقل تقدير وتفاجأنا بالزياده حالنا من حالك

    ثالث شي بدل الطريق مفروض للوفره يكون 150 الى 300 دينار عشان نقدر نقول في شبه مساواه مع القطاع الحكومي
    انا موظف بالوفره ثانويه عامه وراتبي الحالي 650 وبعد الزياده صار 740 مثل ماقلت قبل فرق تسعين دينار من غير استقطاع التأمينات !

    رابع شي وين علاوه بدل خطر مافي احد ذكرها وهل هي مشموله مع منحه الموقع اذا مشموله معناته الزياده 90 دينار راح اقسمها على بدل طريق وعلاوه بدل خطر يعني 50 بدل طريق ! و40 بدل خطر !

    وخامس شي في ناس معاشهم القديم اكثر من معاشهم بعد الزياده والنقابه يقولون ينتقل للمربوط الثاني اذا الزياده اقل من راتبه القديم !

    بصراحه التطبيق الاستفاده منه التأمين الصحي والتذكره وسلم وتدرج وظيفي

    اخيرا اشكر النقابه انهم بذلو مجهود يستحق الشكر عليه بالتطبيق ولكن الزيادات غير مجزيه ولا فيها مساواه مع القطاع الحكومي مثل ماكنا نسمع

    اتمنى ان تقبلون وجه نظري بصدر رحب ولا احد يزعل مني لانه هذا رايي باللائحه الجديده
     
  4. Naser79

    Naser79 بـترولـي نشيط

    108
    0
    0

    ياخوي محد قال شي الحمدلله على كل حال والحمدلله من قبل ومن بعد لكن اللائحه مافيها مساواه مع القطاع الحكومي نهائيا والزيادات مو مثل ماكانت متوقعه !
     
  5. TurboMan

    TurboMan بـترولـي نشيط

    68
    0
    6
    اكرر و ارد و اقول نفس الموضوع الثاني الف شكر للنقابه و الشركات و المؤسسه و لكل من له يد في هذا الانجاز ...

    انت ياخوي ما انصفتك معناته ما كنت تعاني اكو 1000 واحد غيرك كان مظلوم تخيل تخدم سنين و اييك واحد بالعقد اللي يمك توه متثبت ياخذ عن معاشك و نص فوقه .... قولي وين العداله بالموضوع عليهم بالعافيه حتى انت عليك بالعافيه بس اذا انت كنت ماخذ حقك و زود ما راح تبين معاك الحين مو معناته انه ماكو انجاز ولا شي ؟ عدل ؟ و دايما فكر لي جدام لا تحكم على الشغلات من جهه وحده ابي الحين و بس .... ابسط مثال سالفه الراتب مشمول البدلات هذا شي لصالحك مو عليك اصلا روح شوف العالم شلون يتنتف معاشهم لمن يتقاعدون تطير منهم البدلات.
     
  6. سكني

    سكني موقوف

    39
    0
    6
    القانون سنة 69 اخر شي زيادات 9 او 11 دينار ههههههههههه مابيها خلهم يخذونها وعطيهم من معاشي 30 دينار
     
  7. JayQ8

    JayQ8 بـترولـي نشيط

    105
    0
    16
    اول شي الله يعافيك..والله مو حسد اتمنى الخير للجميع لكن القانون يكون عادل لما ينصف الكل..

    عن نفسي مهندس و عندي خبره و عادي جدا واحد يمي متوسطه راتبه نفس راتبي (بدون دعم عماله طبعا). ف الظلم موجود في هالقطاع اللي ماراح يترقع بقانون ناقص وااايد اشياء.

    اذا تفكر لي جدام, ماكو آليه واضحه بخصوص الترقيات و التطور الوظيفي

    التأمين و التذاكر لك فقط مو اسرتك

    ابدا ماكو مقارنه مع النفطي الحكومي او عقد مباشر مع الشركه. من ناحية المميزات كلها و التقاعد بعد

    بالعربي..التكويت مشروع فاشل لان ادارته فاشله.

    جربت اتوظف بعقد مباشر مع شركه و جربت التكويت..فرق السما عن الارض.

    و بالنسبه حق الاخ اللي يقولي قول الحمدلله..الف الحمدلله على كل شي.
     
  8. Ali911

    Ali911 بـترولـي نشيط

    88
    0
    6
    المشكله ان انا توه عقدي موقعه ماصارلي اسبوع مكتوب تذكره حقي بس واهلي وعيالي لا
    وفي شباب متوظفين قبلي صارلهم سنتين لهم تذاكر اهم وعيالهم
    كله عالشركات اتوقع لان انا شركه واهو شركه
     
  9. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    السلام وعليكم ورحمه الله وبركاته،،،
    اولاً وهو الاهم النقابه لا تنقل شي الا وهو صحيح وعارفين شنو ينقلون وثانياً انا قلت اكثر من مره يا اخواني ان الجداول لا تجمع بين بعضهم وشرحت اكثر من مرا كيف هي الحسبه من خلال الموضوعات الخارجيه الكثيره التي في المنتدى،،،
    وكذلك يا اخواني انا شارح جميع المميزات والامور وما يتمتع به الموظفين من خلال الموضوع الخارجي الذي يجمعنا بكم كل اربعاء مساءاً،،،
    والان...
    1/الحسبه ع الشهاده او المسمى اذا كان مسماك الوظيفي اعلى من خلال خبرتك الطويله بان لن تظلمك اللائحه وتعطيك وتحاسبك ع شهادتك بل ستاخذ بعين الاعتبار مسماك الوظيفي وهذا الموضوع انتهينا منه،،،
    2/الخبره كذلك سيتم ادخالها ضمن الحسبه اذا كانت بمفس مجال عملك او انه تم توظيفك عن طريق اعلان خبره اي سوف اضربلكم مثال ( انت كنت اداري او سكرتير في وزارات الدوله -- واتيت وتوظفت بالقطاع النفطي الخاص ولكن عامل حفر او مصافي كيف ستوخذ الخبره اي السنين السابقه الا اذا اتيت من وزاره اداري وتم تعيينك اداري بالقطاع النفطي الخاص ) واتمنى بانك النقطه هذه اصبحت واضحه*
    3/اخواني اعزائي نحن خلال الشهر السابق اخرنا اللائحه بسبب تعديل بسيط الا وهو التامين الصحي وحدثت امور كثيره من اغلب الموظفين بسبب هذا التاخير وحدث استياء عند البعض /// ونحن نعلم بان من خلال هذه الجداول في من اخذ حقه كامل وفي من هو مظلوم نحن نحتس بكم ونحن منكم ولكم ونعلم بان يوجد بعض القصور في سلم الرواتب فقط... ولكن سوف يتم التعديل عليها ولكن ان طالبنا الان سوف يتم المماطله بها فلننتهي ويتم التطبيق وياخذ كل شخص حقه ومن بعدها لن نقف مكتوفي الايدي...
    4/ المسميات الوظيفيه اكثر من 400 مسمى يا اخوان اللي حاب يعرف اي شي يتصل علينا لاننا لسنا متواجدين بشكل مستمر في المنتدى وان وجودنا سيكون كل اربعاء الساعه 9 مساءاً
    5// الاهم // اخواني ارجوكم كل الرجاء ان تعلمو اننا كنا من غير اي لائحه تحمينا ومن غير اي قانون ولكن الان اصبح لدينا ركيزه اساسيه ممتازه اي قانون نمشي عليه وممتاز للمستقبل اي اصبح مستقبلنا واضح من السلم الوظيفي والدرجات والقريدات والتامين الصحي والتذاكر والاجازات والاوفر تايم فاصبح لدينا شي كبير من بعد لم يكن لدينا اي شي وثقو بنا لانكم تعلمو ماذا فعلنا خلال الفتره الوجيزه الا وهي سنه ونصف السنه وتاكدو باننا نفس ما اظهرنا قانون مدفون من عشرات السنين واظهرناه خلال الفتره الوجيزه ثقوا باننا لن نقف عند هذا الحد والان النقطه الاساسيه بنسبه لنا كمجلس اداره الا وهي تعديل سلم الرواتب بل هذا امر اسهل من بعد ما كان لا يوجد لدينا اي شي الان ولله الحمد والمنه اصبحت كل الامور ممتازه من خلال اللائحه الا امر واحد ولكن ثقو باننا سنسعى لكم ولن تكون لنا حدود بمطالبكم ،،،
    وسوف يكون تواجدنا كل اربعاء من خلال الموضوع الخارجي الذي هو لتوجيه اي سوال لنقابه،،،
    تقبلو مروري اخوكم سعود العنزي
     
  10. Barcelony

    Barcelony بـترولـي نشيط

    81
    0
    0
    سعوود اللائحه متى تنزل ؟
     
  11. TurboMan

    TurboMan بـترولـي نشيط

    68
    0
    6
    يا اخواني انا بس بقولكم شغله وحده احنا هني بالمنتدى علشان كل واحد يستفيد من مشاكل الثاني و نوصل الحجي كله للجهه المختصه والنقابه صدقوني اذا في شي غلط بيتغير اذا سعينا كلنا و وقفنا بصف بعض

    انا استلم تذاكر لي و مرتي و عيالي و حاليا القانون اليديد بس لي وزوجتي فعلا في شغلات يبيلها تعديل بس صدقني كلي تفاؤل و خير بأن النقابه ما راح توقف عند هالحد نستبشر فيهم الخير و ان شاء الله تتعدل الامور.

    التأمين اخوي لك و لأسرتك يعني الزوجه والأطفال مشمولين و ان شاء الله يتم التعديل خطوه خطوه ... انا عندي يمشي القانون و يتعدل عليه لاحقا احسن من ما يتم الوضع على حطت ايدك و ننطر التعديل

    بخصوص التذكره حاليا انا عطوني 140 لي و زوجتي و 84 عن الاطفال دون 12 يعني هم مو صوب ال 200 اللي مكتوبه

    شتسوي ياخوي ماكو شي كامل بس نسأل الله يعدل جميع الامور للاحسن ان شاء الله والخير يشمل الكل ان شاء الله

    انت شكلك معاي والله معاك حق حده ظلم اللي قاعد يصير المفروض حتى انت تستلم بعد مثلي كلنا بمركب واحد ليش التفرقه والنحاسه ماني عارف !!!
     
  12. شعم

    شعم بـترولـي نشيط جدا

    227
    0
    0
    ما شاءالله وعليكم بالعافيه على الاقل ستانستو.

    واللي ما شاف تذكره وحده وانا ناس من القدامى.

    عليكم بالعاف:d. القانون صار فيه بند المساواة وإن شاءالله تذاكر الابناء راح تنضاف.

    اهم شي ضمنا القانون والمطالبات راح تكون سهله بإذن الله.
     
  13. TurboMan

    TurboMan بـترولـي نشيط

    68
    0
    6
    موظف من 2003 اول مره استلم لانه عقدي يديد مايو 2012 و آخر مره لوووول صارت بس زوج و زوجه بس صدقني ان شاء الله النقابه ما تقصر و ترد حقوقنا كلنا و الكل يستاهال دامنا كلنا وضعنا واحد ليش هذا غير و ذاك غير المساواة للكل و كله بأذن ربك بيتحقق ان شاء الله :)
     
جاري تحميل الصفحة...

مشاركة هذه الصفحة