نجمع جدول رقم 4 مع جدول رقم 5 ولا شلون الطريقه وبدل الطريق؟

الكاتب : Naser79 | المشاهدات : 1,568 | الردود : 17 | ‏16 يناير 2014
  1. Naser79

    Naser79 بـترولـي نشيط

    108
    0
    0
    للاسف حاولت افهم الجداول ولكن ماعرفت انا ثانويه عامه وخبره خمس سنين واربع شهور اداوم بالوفره مقاول مع نفط الخليج اذا ممكن احد يعلمنا طريقه حسبه الجداول عشان اعرف راتبي كم وشكثر الزياده واذا ممكن احد يعلمنا بدل الطريق كم للوفره يا اخوان

    اسأل الله التوفيق للجميع والحمدلله على كل حال
     
  2. corvettezo7

    corvettezo7 بـترولـي جـديـد

    33
    0
    0
    مهندس
    الكويت
    السلام عليكم ورحمة الله وبركاته ... استاذ ناصر انت درجتك اما 10او 9... والمعاش يكون بالجدول الاخير اللي اهو على الدرجة 10 تستلم 740 وعلى درجة 9 تستلم 800 وطبعا هذا غير دعم العمالة والكلام هذا طبقا لما قالة الاخ سعود العنزي من الجداول القديمة. وسامحني هذا اللي فهمته من الجدول.
     
  3. khaled O

    khaled O بـترولـي نشيط

    123
    0
    16
    ياريت احد يشرحلنا جدول رقم 4 اللي فوق الراتب بداية المربوط، منتصف المربوط ونهاية المربوط شنو معناه؟
     
  4. الدوووسري

    الدوووسري بـترولـي جـديـد

    11
    0
    0
    ممكن اعرف وين الجداول اللي تتكلمون عنها ؟
     
  5. khaled O

    khaled O بـترولـي نشيط

    123
    0
    16

    السلام عليكم ورحمة الله وبركاته اخوي هذه نص من اللائحة التنفيذية وجدول الرواتب تلاقيها في اللائحة الجزء الثاني
    الجزء الاول من اللائحة الجديدة
    http://www.q8ow.com/vb/attachment.ph...5&d=1364950682
    اللائحة الجزء الثاني
    http://www.q8ow.com/vb/attachment.ph...6&d=1364951182
     
  6. الدوووسري

    الدوووسري بـترولـي جـديـد

    11
    0
    0
    للاسف يطلع لي ان فيه خطأ بالروابط
     
  7. Naser79

    Naser79 بـترولـي نشيط

    108
    0
    0
    مشكورين على الردود اخواني وبالنسبه لاخوي الدوسري الروابط تشتغل عندي واعتقد عند الجميع حاول تجرب تدخل من جهاز ثاني

    وبالنسبه لبدل الطريق لي فهمته من اخوي محمد باني اهي منحهً الموقع بالجدول رقم 5

    يا اخوان انا استلم 650 حاليا من غير بدل طريق ومن غير اي خبره والزياده لي فهمتها من الجدول ومثل ماوضحوها الشباب يصير راتبي 740 يعني الزياده 90 دينار بس معقوله هذي الزياده لي ننطرها من كم سنه !! بصراحه كنت متوقع الزياده لاتقل عن ميتين دينار على اقل تقدير كثر مافرحت بتطبيق اللائحه كثر ما انصدمت من الزياده بس الشي الجيد باللائحه انه راح يكون في تدرج وظيفي وتأمين صحي

    الحمدلله اولا واخيرا واشكر النقابه على مجهودهم بتطبيق اللائحه
     
  8. Blue Diamond

    Blue Diamond بـترولـي نشيط

    98
    0
    0
    طال عمرك
    عندك خلال السنه اول مربوط 60٪ من الراتب بعدين 80٪ بعدين 100٪ هذا آخر المربوط
    كل سنتين تيلك درجه غير منحة الموقع اللي مبين بالجدول
    منحة الموقع على راتب الاساسي في حال طلعت ايجازه ماينشال منك هل منحه هذا شي وايد تمام
    يعني اقل واحد يستلهم 600 دينار على حسب الشهاده والدرجة
     
  9. Blue Diamond

    Blue Diamond بـترولـي نشيط

    98
    0
    0
    طال عمرك اذا ماخاب ظني انت تستلم

    الراتب 784 + منحة الموقع 740
    المجموع = 1,524 من غير دعم العماله
    على الدرجه 10

    --------
    الراتب 829 + منحة الموقع 800
    المجموع = 1,629 من غير دعم العماله
    على الدرجة 9
    --------
    اهني الدوام يحددولك على اي درجه
    -------
    انشاء الله يزيدك من خيره اخوي
     
  10. Naser79

    Naser79 بـترولـي نشيط

    108
    0
    0

    الله يجزاك خير على الرد وياليت كلامك صحيح ولكن للاسف اخوي انت جمعت الجدولين رقم 4 ورقم 5 والحسبه هذي غير صحيحه على حسب الجدول وعلى كلام رئيس النقابه وامين سر النقابه راتبي 740 شامل منحه الموقع لي اهو بدل طريق زائد الخبره والشهاده لو على حسبتك ونعومك ياخوي الله يوفق الجميع ومشكور لانك رفعت معنوياتي بحسبتك ؛))
     
  11. Blue Diamond

    Blue Diamond بـترولـي نشيط

    98
    0
    0
    يابعد راسي اخوي

    حسبتي انشاء الله صحيحه

    في مادة 30 من الاحة تقول

    يمنح العامل الذي يعمل بالموقع المحددة المذكور في مرفق رقم 5 منحة الموقع وفقا للتفصيل الوارد بالمرفق مدة علمة الفعلية وتصرف له نهاية كل شهر


    راجع اخوي الإحة ...

    هل جدول اخوي رقم 5 راح يكون على راتب الاساسي في حالة طلعت ايجازه ماراح ينشال منك راح تستلم هل مبلغ بالكامل مع الراتب

    ........

    اخوي الغالي ليش قالو ان راح يساوونا او اقل منهم اشويه مع القطاع النفط الحكومي

    اخوي الله يوفقك يزيدك من خيره
    ........
     
  12. khaled O

    khaled O بـترولـي نشيط

    123
    0
    16
    اخ ناصر هذا الراتب 740 هذا غير الاوفر تايم اذا انت دوامك شفتات 12 ساعة وأكثر راح يفرق وياك وايد وهذا غير اذا دوامك صادف ايام العطل الأعياد الوطنية وعيد الفطر وعيد الأضحى نفس موظفين القطاع النفطي الحكومي.
     
  13. Naser79

    Naser79 بـترولـي نشيط

    108
    0
    0

    الله يعطيك العافيه مادري ليش مصمم انه اجمع راتبي الاساسي بجدول رقم اربعه مع جدول رقم خمسه اخوي الجدول رقم 4 يوضح الراتب وجدول رقم 5 اضيف عليه منحه الموقع
    يعني الراتب 740 فقط

    عشان توضح لك اكثر الجدول رقم 4 فيه راتبك حسب الشهاده والخبره والجدول رقم 5 فيه راتبك كامل مع منحه الموقع على حسب الدرجه والمنطقه

    اما ليش قالو المساواه مع القطاع النفطي الحكومي هذا السؤال احوله على الاخوان بالنقابه عشان يجاوبون عليه !؟
     
  14. Naser79

    Naser79 بـترولـي نشيط

    108
    0
    0
    هلا اخوي خالد دوامي صباحي بالوفره ومن سابع المستحيلات يعطوني اوفر تايم والحمدلله على كل حال بس حبيت اوضح ان الزياده مو مثل ماكانت متوقعه يعني معقوله بدل طريق للوفره مع زياده الراتب كلها 90 دينار بس هذا الفرق عن معاشي السابق
     
  15. Blue Diamond

    Blue Diamond بـترولـي نشيط

    98
    0
    0
    الله يعافيك اخوي الغالي

    اخوي انا راتبي اخر مربوط اكثر من المنحه الموقع !!!

    1120 منحة الموقع 900

    اذا جذي اقولهم مابي منحة الموقع اذا معاشي اكثر منه


    اخوي حاس ان محد فاهم شالسالفه حتى اهل الاختصاص
    والنقابه مو عارفين

    شهر 4 يبين كل شي
     
  16. Blue Diamond

    Blue Diamond بـترولـي نشيط

    98
    0
    0
    naser79
    هم انت اخوي اذا حطوك على درجة 9 راتبك اخر مربوط
    اكثر من منحة الموقع ☺️
     
  17. Naser79

    Naser79 بـترولـي نشيط

    108
    0
    0
    صح كلامك الله المستعان ياخوي :rolleyes:
     
  18. khaled O

    khaled O بـترولـي نشيط

    123
    0
    16
    هلا فيك اخ ناصر هذا مثال بس حبيت اوضحلك وان شاء الله بعد تطبيق القانون يعطونكم اوفر تايم وعلى كلام الأخ بلو دايموند ننطر شهر 4 ويبين كل شي
     
جاري تحميل الصفحة...

مشاركة هذه الصفحة