اعلان توظيف في شركة ايكويت للمهندسين حديثي التخرج وذوي الخبرة ..

سلام عليكم حبيت استفسر اذا قدمت على هذي الشركة بعدين اقدر اقدم على النفط و لا خلاص تروح فرصتي و اي احسن هذي الشركة و لا الشركات التابعة للنفط و هل تعتبر هذي شركة خاصة او تابعة للقطاع النفطي الحكومي و بالنسبة الرواتب منو احسن فيهم ؟؟

 

وعليكم السلام شركة ايكويت للبتروكيماويات هي شركة خاصة وهي مجموعة بين داو كيميكال الامريكية والقرين وشركة الصناعات البتروكيماوية(بي اي سي) وشركة بوبيان للبتروكيماويات. الحصة الاكبر هي لشركة البتروكيماويات الحكومية (بي اي سي). رايي الشخصي اللي يشتغل بهل الشركة يطلع بخبرة عمل عالية جدا ونسبة التكويت فيها 55 %. وطبعا تقدر اتقدم علي القطاع النفطي اذا كنت قاعد تشتغل بايكويت وعقبها اتقدم استقالتك اذا انقبلت.اللي اعرفة انة اختباراتهم انجليزي ومقابلية وتقدر اتقدم اوراقك علي دورة ايكويت اذا ودك اتعرف اشلون جو الشركة. اما عن الرواتب فالصراحة ما ادري بس علي حسب اللي سمعتة انة رواتبهم تعتبر نوعا ما اعلي من القطاعات النفطية(كبداية) الثانية لانة دعم العمالة اشوي قوي بس بعدين الوضع راح يختلف. كمميزات القطاع النفطي اكثر تنوع. اتمني اني افدتك.

 

مشكور اخوي بس اخر سؤال لازم واسطة للقبول و لا عادي انت و حظك ؟؟

 

اي والله وانا بعد كنت بسأل نفس السؤال لازم واسطه ولا شلون ؟؟
ووين صاير مكان الشركه ؟؟

 

والله اختي شوفي انا اللي اعرفه انه شركة ايكويت الصراحة مافي شي اسمة واسطة وهو غير اللي كنت اسمعة فتوكلي علي الله وقدمي واذا كان في النسبة راح اتكون ٢ بالامية.

 

يعني بس نقدم ينادون حق الامتحان و لا مثل النفط لازم واسطة عشان تحرك اوراقك ؟؟

 

اختي قدمي وتوكلي علي الله واللي الله كاتبة راح يصير ونفس ماقتلج الواسطة ان وجدت فهي قليلة الي منعدمة والشهادة لله ان شغلهم سريع واهم يختارون الناس علي حسب المعدل ومن ثم المقابلة والانجليزي تفاصيل الاختبارات الصراحة ما اعرفها بس في واحد اعرفة كان امقدم اهناك من قبل وانقبل . ونفس ما قتلج انا تجربتي وياهم اني كنت ماخذ دورة عندهم وشغلهم الصراحة سريع وممتاز ومافي تعطيل. اتمني اني افدتج اختي .

 

بس بالاعلان مو حاطين جم المعدل يعني أنا جيد جداً يقبلوني ؟؟؟

 

الصفحه مو راضيه تبطل معاي في احد صارت له نفس المشكله ؟؟

 

لا و الله اختي أنا امس سجلت ما صارت معاي اي مشكلة

 

السلام عليكم

اي نعم حتى انا ما تفتح معاي
السبب متصفح الانترنت (اكسبلورر)
جرب متصفح انترنت ثاني و يفتح ان شاء الله
انا جربت (كروم مال قوقل و فتح)

 

سلام عليكم حبيت استفسر في احد دزوله الشركة مسج ؟؟؟

 

سلام أنا سجلت من تاريخ 21/1 وما وصلني أي مسج. وهذا شي متوقع ، بس وصلني conformation

راح يدزون مسج بعد ما تنتهي فترة التسجيل

وبالتوفيق للجميع

 

و الله أنا بعد صار معاي نفس الشي بس conformation والله كريم و بالتوفيق للجميع

 

Equate أو عقود المقاولين بال koc

سلام للجميع
هل عمل المهندس في عقود المقاولين المقاولين أحسن أو في equate ؟؟؟
من حيث المعاش ( اللي هو الاهم) و طبيعة العمل والمستقبل ؟

اللي أعرفه أنه في عقود المقاولين معاش المهندس ما يقل عن 800 دينار للمهندس. ويفرق من شركة غلى شركة

بس ودي اعرف كم معاش المهندس اول ما يبدي ب Equate ؟؟؟؟

يا ريت اللي عنده معلومه يشاركنا فيها

وشكراً

 

مادري و الله اخوي بس سمعنا الراتب مع دعم العمالة 2500 تقريبا بس مو متأكدة و تامين شامل و تذاكر سنوية مجانية

 

السلام اخوي ما اعندي علم عن المقاولين بس ايكويت مميزاتهم حلوة نفس ما قال الاخ (new eng) ورواتبهم تعتبر اعلي من القطاع النفطي الحكومي بكلريوس هندسة اعزب في ايكويت 2460 والمتزوج 2918 بدون دعم العمالة. اما ميزة عقود المقاوليين راتبك يعتمد علي المكان اللي تشتغل فية ويبتدي من(الاحمدي) 2260 الي (عمليات الحفر)2830 للاعزب مؤهلة بكلريوس. (هذي رواتب تقريبية) بدون دعم العمالة وماادري اذا فية الشغل شفتات اولا بس الحفر اعرفة الشغل اربعة اب اربعة. وانا اقول اسأل الشباب اللي يشتغلون بالخاص او شركة الكي او سي عن المميزات وايكويت وقارن بينهم وهم عندهم تذاكر سفر 200 دينار (المقاولين).

 

اخوي بس ما أظن الراتب الصافي بدون دعم عمالة 2460 اتوقع مع دعم العمالة يعني ما اتصور لانه اذا جذي و لا راتب وزير بالاضافة لدعم العمالة

 

عفوا (بدون خصم التأمينات)