النقابة والشفافية بينهم عداوة

الكاتب : oilkw | المشاهدات : 1,447 | الردود : 6 | ‏10 يناير 2014
  1. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    السلام عليكم ورحمة الله وبركاته

    ودنا نتحرش بالنقابة شوي وهم معروفين صدورهم وسيعة ومايزعلون
    ليش ماتوضحون للعمال وتعلمونهم باخر الاخبار بشكل واضح ومفهوم
    مع الاسف الشديد نقابة مانزلت بيان رسمي واحد تخاطب فيه الجمعية العمومية وتنورهم وهذي نفس سياسة النقابة السابقة بحجب المعلومة
    نقابة لازالت توصل المعلومة للعمال باخر مستجدات مطالبها شفوي او تغريدة مجرد سالفه !
    كلمني المدير الفلاني وعلمني بالسالفة الفلانية تمت الموافقة عليها وسنتجتمع في الفترة الفلانية وناخذ الاوراق الرسمية
    طبعاً ياخذها ويقفل عليها بالكبت واللي يبي يعرف شي يكلمني ولا يزور مقر النقابة
    زعلوا الناس وماعجبهم طريقتهم بحجب المعلومات والاخبار المؤكدة والموثقة رسميا
    ردت الفعل اللي قدروا عليها عزموهم على عشاء وطلعوا اوراق وتعال شوف بس لاتلمس شي ولا تاخذ شي
    شي غريب كيف نقابة تتعامل مع الجمعية العمومية بالسوالف حكي بحكي وين قاعدين
    اذا شدوا حيلهم نزلوا تصريح يخاطبون فيه العمال ويقولون لاتلتفتون للاشاعات المغرضة
    طيب انتم السبب في كل اللي حاصل من اشاعات واخبار موصحيحة او ناقصة نفس التغريدات نظام تعليق !

    احذ اعضاء النقابة في احد المواضيع معصب على سالفة الكتب الرسمية والمراسلات بشأن المطالبات ورده كان
    عطني نقابة وحده كشفت المراسلات والبيانات الرسمية على اساس انها سريه حسب اعتقاده
    مايدري الله يهديه ان كل النقابات النفطية بدون استثناء يخاطبون العمال باخر المستجدات والبيانات بكتب رسمية
    وتفصيلية ومافيه مجال انك تحتار وماتفهم شي كل شي يكون واضح

    واحد ثاني يطالب الناس بالاسم الحقيقي عشان يجاوب على استفساراتهم وهو مسجل باسم مستعار
    اصلاً مافيه معلومات تطلع من عندهم غير المواعيد وسوالف مواعيد اجتماعات ماتخلص
    وكل الاخبار تطلع من الاعضاء والمنتدى ولو عندهم شي مفيد كان نشروه

    يانقابه انتم تعاملون مع مؤسسة البترول اللي تعامل الموظفين بكل شفافية ويومياً ترسل لهم أخر المستجدات بالايميل

    اذا بتقولون المؤسسة مانعينكم من نشر اي مراسلات او بيانات هذا موصحيح
    المؤسسة تتعامل مع كل النقابات والاتحاد عن طريق المراسلات والكتب الرسمية والنقابات بدورهم يوصلونها للعمال عشان يكونون بالصورة
    فليش يمنعونكم ويسمحون لغيركم من النقابات ؟!

    حتى لو كان كل كلامكم صحيح وانتم ان شاء الله صادقين ومخلصين تجاه مصالح وحقوق العمال
    لكن الطريقة اللي ماشين عليها غلط مايصير نقابة شغلها بالتلفون واوامر شفويه
    ليش نقابتكم يرد عليها مسؤول بالموافقة على مطلب بالتلفون واليوم الثاني تنشر بتغريدة من النقابة !
    وباقي النقابات النفطية يرد عليها بكتاب رسمي بالموافقة وبعدها تنشر ببيان رسمي للعمال للاطلاع من النقابة

    ماتسوى عليكم كل فترة ناشرين الشباب بالمنتدى معلومات وكتب رسمية تفيد الموظفين وانتم تفرجون موقف بايخ !

    الشباب طيبين ومع نقابتهم واي خبر لو متواضع يشكرون النقابة ويثنون عليهم ويستحقون الاهتمام والاحترام من النقابة
     
  2. حظ عيني

    حظ عيني بـترولـي نشيط جدا

    151
    0
    16
    والله ياخوي كلامك 90 ٪ صح

    وخاصه نقطه انهم ماشين غلط لكن فيهم بركه وصادقين
     
  3. سكني

    سكني موقوف

    39
    0
    6
    صح كلامك اوراق رسميه وينها
     
  4. Mslam

    Mslam بـترولـي نشيط جدا

    224
    57
    28
    ذكر
    كهربائي
    kuwait
    لناشر هذا الكلام اتفق معك جملة وتفصيلا بهذا الكلام
    ولكن اجد العثر للنقابة لان الكويت وموسساتها غير متعاونه وغير مفهومه النقابة ليست الا وسيلة ربط بين الموظفين والموسسة لنتزاع حقوقنا وما قاموا به انهم وقعوا اللائحة من الوزير ومن قام بالمماطله هي الموسسة فلا نتجني عليهم فارجوا تقدير ان الموسسة او الدولة بالاحرى تكيل بمكييل مختلفة فارجوا من الجميع الوقوف مع النقابة ودعمها لو موقتا لكي تنجز فماقامت به من تحركات تشكر عليه فاتمنى عدم الاستعجال بالحكم عليه مسبقا
    ولكم جزيل الشكر سواء كاتب المقال او النقابة
     
  5. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    الله يعطيكم العافية على المشاركة وبدون شك الشباب في النقابة اكيد يبون الخير لكم ويسعون وراء حقوقكم
    لكن القصد كله في طريقة تعاملها الخاطئة في تواصلها مع العمال وتوصيل المعلومة بالشكل الصحيح
    كل شي عندهم خاص وسري ! تسأل احد يرد عليك كلمني هذا رقمي واعلمك لازم تكلمه وتسولف معه ويعرفك
    ويعلمك بالسالفة وطبعاً سوالف حكي نفس اللي ينقلونه الاعضاء ويطمنونكم بدون تفاصيل ونفس الشي لو تجيهم بالنقابة
    خلاصة الكلام تطلع منهم محرصين عليك ماتعلم احد ويمكن يحلفونك بعد او تعطيهم وعد رجال ماتعلم احد !!

    اي واحد يشوف طريقتهم ياخذ فكره سيئة وان ماعندهم حسن تدبير مع الاوضاع والقضايا المهمة
    شنو مشكلتهم مع المنتدى والحساسية الزائدة ترا كلكم قبل تصيرون بالنقابة ماتبعدون عن المنتدى


    مثال بسيط لردود احد اعضاء النقابة وكان يبي يجاوب الشباب للتوضيح بخصوص آخر تصريح او بشارة

    الاستفسارات من الشباب

    جات الاجابة الوافية ! من عضو النقابة

    الأخ مع احترامي سحب عليهم وقط معلومه عاديه ممكن تكون اجابه للبعض اللي عندهم خلفية عن موضوع الاثر الرجعي
    اما اكثر الناس مايعرفون عنه ليش ماتوضح لهم شنو سالفة الاثر الرجعي وتقول مثلاً انه تطبيق القانون النفطي او اللائحة او الزيادات او الشغله الفلانية اللي تعرفونها ولايعرفها غيركم !!

    كل هالحوسه عشان تصريحهم مبهم ومبني على ( اللبيب بالاشارة يفهم !! )

    والمضحك ان بعض الصحف نقلت عن تصريح النقابة معلومات خطأ وان الموافقة كانت على التأمين الصحي بالكامل بأثر رجعي !
    شلون تصير هذي التأمين الصحي بأثر رجعي ؟!

    مالومهم بصراحة لأن النقابة ماتعرف تكتب بيانات وتصريحات عليها الكلام نفس باقي النقابات في الكويت والعالم كله
    اقل مافيها الاستعانة بصديق محترف يساعدهم ويسنعهم ومثال على ذلك نقابة ايكويت وهي خير داعم لنقابتكم ومواقفهم مشرفة دائماً مع الجميع واصحاب خبرة ممتازة في العمل النقابي اتمنى تعلمون منهم ومن غيرهم من النقابات وكلهم يكتبون بيانات واضحة ومؤثقة بالمراسلات والردود بينهم وبين الجهات المعنية ولا قالوا مانقدر ننزلها بالمنتدى او اي جهة اتصال بينهم وبين الموظفين على الاقل خلوا عندكم نسخة جاهزة واي شخص يسأل عطوه وبتوصل للجميع لكن هذي من سابع المستحيلات والمحرمة على العمال ولاتعتبرونها حق من حقوقهم
    وهي من ابسط حقوقهم مع الاسف الشديد
     
  6. Oily-Man

    Oily-Man بـترولـي نشيط

    67
    0
    0
    عزيزي oilkw كلامك صحيح 100 % وهذا مانتكلم عنه دائما
    لايوجد أي شيئ رسمي من المؤسسة ولا حتى تصريح من أحد الأعضاء
     
  7. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    يا اخوان الموضوع يتكلم عن الشفافية مو عن المصداقية لأني اعتقد انهم صادقين
    كل المطلوب ترتيب الشغل وتنظيمة عشان تكون الامور واضحة للجميع بدل شغل دق علي وعلمك ولا اسألني بالتويتر واجاوبك
    وياليت الاجابة تكون مفهومة عدل ! هذا اذا جاتك اجابه اصلاً

    امس طلعت لنا جريدة الانباء بخبر ضايق الشباب بخصوص التأمين الصحي لأن المبلغ 200 دينار
    طلع رئيس النقابة جزاه الله خير ونفى الخبر وانه موصحيح هذي هي الاجابه بكل بساطة طيب شنو الصحيح ؟ انسى
     
جاري تحميل الصفحة...

مشاركة هذه الصفحة