هل الإضراب لمصلحة العمال او لمصلحة القياديين فقط؟ !

الكاتب : oilkw | المشاهدات : 670 | الردود : 3 | ‏6 يناير 2014
  1. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    السلام عليكم ورحمة الله وبركاته

    كلنا شفنا استنفار النقابات والاتحاد بخصوص المشاركة بالنجاح وانتقاصها والله يجزاهم خير
    لكن ودنا نعرف تفاصيل أكثر بخصوص حسبة مشاركة النجاح بالذات لأنها المهم لنا جميعاً
    اما يطلعون لنا 17 ورقة مالنا في كثير منها لاناقة ولاجمل !

    عرفنا ان القياديين بيخفضون زيادتهم السنوية من 7.5% الى 5% عشان مايوصلون نهاية المربوط بسرعة

    وعرفنا ان المكافأة الفورية خفضوها من 3 رواتب الى راتب واحد وحطوا لنا قانونها كامل كأنها تهم العمال الحين او احد مستفيد منها !

    وعرفنا ان المكافأة التشجيعية خفضوها من 5 رواتب الى 4 رواتب وهذي خسارة لعدد قليل جداً واكثرهم واسطات

    كل هذي ماتهمنا ويهمنا فقط المشاركة بالنجاح شنو اللي حصل فيها بالضبط من انتقاص عشان نعرف الوضع ولا يكون فيه لبس او شك ان حنا ملعوب علينا وتطلع الدعوة كلها عشان القياديين نفس الاستنفارات السابقة !

    الحسبة المذكورة في القرار موبعيدة عن السابقة شنو الفرق والضرر اللي بيسببه التعديل الأخير ؟
     
  2. logistics

    logistics بـترولـي جـديـد

    34
    5
    8
    ذكر
    نحاسة ام سياسة ؟

    في كل الحالات احنا شنو نملك من أدوات غير التلميح بالإضراب ؟
    عموما انا مستغرب ومو قادر افهم
    النوعية هذي من القرارات المتعلقة بخفض المميزات تؤخذ في الدول اللي تعاني من أزمات اقتصادية نفس ما صار بأوروبا.
    يا ترى شنو اللي خلاهم يتخذون قرار لا يتعلق نهائيا بمصلحة الوطن ويضر بمصالح آلاف من موظفين القطاع النفطي. هل هي مجرد نحاسة أم ضغط من نواب أم تعليمات من الوزير . ما ادري ؟ بس اللي اعرفه أنه السكوت عيب ولازم نستخدم كل الأدوات القانونية المتاحة في الرد عليهم وباسرع وقت .
     
  3. Fawaz.kh

    Fawaz.kh بـترولـي نشيط

    118
    2
    18
    Operator
    Q8
    حسد وتبرير للتوفير؟ ديره فائض مزانيه كل سنه عسى الله لا يغير علينا..
    انا كل يوم اقوم الفجر الساعه 5 الا ربع عشان اوصل الدوام 7 وبالخفجي....وما ارد البيت الا ورى المغرب..هذا اذا مافي زحمه بعد....
    اصعد خزانات وانكرف واتملطش بالدوام بس عشان الحوافز اللي تجيني اخر السنه
    بسكم عبث بحقوقنا يا مؤسسه
     
  4. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    الله يعطيكم العافية وفعلاً الاضراب مستحق حسب تصريح نقابة البتروكيماويات ان مشاركة النجاح ردوها على الحسبة القديمة !
    اذا تذكرون الحسبة القديمة هي اللي افلسنا منها سنة والسنة اللي بعدها عطونا راتب واحد لين عدلوها النقابات والاتحاد ذاك الوقت
    وصرنا نستلمها كاملة حسيب الارباح المعلنة والصحيحة
     
جاري تحميل الصفحة...

مشاركة هذه الصفحة