وين ملابسنا ياناس ....!!

الكاتب : بو سلام | المشاهدات : 1,203 | الردود : 17 | ‏16 يناير 2008
  1. بو سلام

    بو سلام بـترولـي جـديـد

    5
    0
    0
    السلام عليكم ,,

    بختصار احنا امن موظفين بشركه الناقلات ,,

    من تعينا بتاريخ 1-3-2007 لي الحين محد صرف لنا ملابس لي الحين تامين علي ملابس الدوره الي فيها شعار kpc

    يعني من سنتين واهي نفس الملابس منو المسئول الحين منو الي يعطينا الملابس الناقلات تقوول شركتكم اهي الي تعطيكم الملابس ,, وانا الي اعرفه انه كل شركه ينفرز فيها الموظف اهي الي تتكفل بكل شي مثل koc و knpc و kofco يعني كل شركه مخصصه لبس معين للامن الي مفروزين عندهم من قبل الخدمات ,, انا بفهم منو الي يتحمل ملابسنا والمشكله ما يبون يخلونا نلبس علي كيفنا ,, والي زاد الطيين بله الملابس كلها خفيفه وقمصان نص جم ,, شنو الحل يااريت احد يرد علي ويفهمني , علي معقوله كل واحد يقط له مبلغ 70 و 80 دينار كل شوي مفصل له ملابس ....؟؟؟ :mad:

    ذبحنا البرد

    واسف علي الاطاله ..



    والسلام عليكم
     
  2. الصنفره

    الصنفره بـترولـي نشيط جدا

    198
    0
    0
    الله يعين الجميع مع شركات النكبات النفطيه



    واصبر ياخوي فان الله مع الصابرين ولارحلهم الصالحيه على انهم ماراح يفيدونك باي نتيجه كعادتهم


    وشكرا لك
     
  3. SECURITY

    SECURITY بـترولـي نشيط جدا

    160
    1
    18
    تعبنا واحنا نتكلم ونقول ومن قبل يجينا البرد واحنا نطالب . . لكن اظن من طيب وأذن من عجين

    وهذا دور النقابات النفطية الصراحه المفروض تطالب لنا بتوفير الملابس لنا ولأخواننا المطافي
     
  4. دهن عود

    دهن عود بـترولـي جـديـد

    37
    0
    0
    الله يعطيك العافية بو سلام

    اى والله مشكلة احنا ما ندري على مرتب وميزانية شركتنا ولا على مرتب وميزانية الشركة المفروزين لها

    صرنا بو سلام مثل اللى ما يدري من طقاقة والمشكلة بعد انهم يقولون زي موحد ولا ترى بنعطيكم انذار

    زين اصرف لبس وبعدين قول اللى تبى تقوله .



    انا ودى اعرف بس



    * هدف هذة الشركة ووين راح توصل ؟

    * الغموض والضياع لموظفي اوسكو ومن المستفيد ؟

    * سبب سكوت نقابة اوسكو عن المطالبة بأبسط حقوق العمال ؟

    * موعد انعقاد الجميعة العمومية ؟



    اتمنى من الاخوان وضع جميع المشاكل اللى يعانون منها وطرحها فى موضوع مستقل

    للضغط على المسؤول كائنا من كان سواء النقابة او غيرها للحد من هالمهزلة
     
  5. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت

    عليكم السلام ورحمه الله

    ياخوي انا امن بشركه knpc

    تعينت شهر 11_2006

    عطونه مره وحده ملابس شتويه

    والحين الاشتى هذا قالو لنا لاتلبسون هالبس ممنوع

    انزين شنو نلبس يعني؟؟؟؟

    يبونه نلبس بنص جم مالت الدوره ونموت من البرد شالمصخره؟؟

    وملابس صيفيه ولامره عطونه اي شي

    شررررررررررررررررررررركه فاشله وربي فاشله ماتدري عن موظيفينها اي شي

    والطامه الكبرى انه النقابه ساكته ماشفنا منهم اي شي ولا واحد فيه خير دش المنتدى

    ورد على استفسارات الموظفين بس ابوفاطمه ماقصر الله يعطيه العافيه

    والسلام عليكم
     
  6. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    ياجماعه بالنسبه للبس ترى هذا الحال مع جميع الاقسام وجميع الشركات ومع ذلك هذا موعذر وتم طلب من الشركه توفير اللبس كذا مره ... لكن اللي ماعنده لبس شتوي ومصروف له لبس صيفي بس خل يدفي نفسه بأي لبس (طبعا مو فروه وغتره وهالحجي) وماجاه من الشركه في وجهي مني لرئيس مجلس ادارة الشركه على طول.. واذا احد انكتب فيه شي علشان اللبس خل يكتب شكوى على اللي كتب فيه واقسم بالله مايردني الا مكتب رئيس مجلس ادارة الشركه وما اطلع منه الا حقه راد وزياده بالذات على موضوع اللبس هذا ( والله العظيم كلامي هذا موحجي فاضي وانا قده ومومصلحة انتخابات ولاغيره لاني اقسم بالله مونازل ولامفكر انزل انتخابات النقابة :) )
    اما بالنسبه للجمعيه العموميه اخ دهن عود انشالله انها قريبه وبينزل فيها اعلان
    وهدف الشركه المفروض رفع مستوى الاقسام اللي تنضم لها والعمل بشكل سليم وراقي (المفروض:) )
    وياخوي بالنسبه لمشاكل الموظفين شتبي اكثر من اني اقولك اللي عنده اي مشكله يكتب كتاب للنقابه ويسويله اسكان ويدزه على الايميل اسهل من جذي في؟؟ والا يجهزه ويدزلي عالخاص رقمه ادق عليه وانا اخذه منه وفاله طيب..
     
  7. القحطاني

    القحطاني بـترولـي خـاص أعضاء الشرف

    4,717
    0
    0
    الله يعينكم فعلن مشكله عويصه

    لنت الي قادر تلبس على كيفك ومراضين يفصلونكم ملابس

    لازم يشفولكم حل وبسرعه

    وين المساولين في هل موضوع
     
  8. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    حبيب والله ابوفاطمه بارك الله فيك ويعطيك الف عافيه :)
     
  9. بو سلام

    بو سلام بـترولـي جـديـد

    5
    0
    0
    السلام عليكم

    يعطيكم العافيه كل الاخوان الي ردو علي الموضوع وما قصرتو

    بس لي الحين انا بفهم شغله ما تدش العقل الكل يعرف لبس الدوره معقووله نتم عليه اكثر من سنتين والبس هو هو وما يتغير وشلون البس لبس ما يتبع الشركه الي انا تابع لها ولا يتبع الشركه الي مفروز فيها يعني شي ما يدش العقل (( كلمت المسؤال يقول احنا مالنا شغل الخدماات اهي الي تعطيك البس انا الي ابي اعرفه منو الي مفرووض يتكفل بكل شي )) ياريت تقوولون لي وتوضحون لي علشان اعرف منو اخااطب ,, لانه انا واحد من الناس ماراح ارد علي اي واحد فيهم بطقهم بالطوف بلبس الي يعجبني لي متي بنتحمل جذي ,, ياريت الشباب يفهموني اذا لبست الي براسي هل يصير علي شي لانه ولا شركه تبي تصرف لنا لبس ..؟؟


    ويعطيكم العافيه
     
  10. q8security

    q8security بـترولـي خـاص أعضاء الشرف

    بالنسبة لنا في دوامي بال knpc


    استلمنا ملابس الشتوية

    ولو انها متاخرة شوية

    وياكثر الشعارات عليها صكينا على الداخلية




    لكن الحمد لله
     
  11. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    حتى احنا استلمنا بس شالفايده لمن انقرصنا ومتنا من البرد

    توى الناس توهم يعطونا لمن الجوو بدى يصير حار :)

    والله انا مستغرب الصراحه شركه مو صاحيه لوووووووول
     
  12. q8security

    q8security بـترولـي خـاص أعضاء الشرف

    العوض ولا القطيعة


    الحال من بعضة
     
  13. HUMMER

    HUMMER بـترولـي خـاص

    الله يكون بعونكم..سؤال ماعندكم نقابه ؟؟
     
  14. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    عندنا نقابه بس نايمه بالعسل
     
  15. صباح الخير يانقااااابه :>
     
  16. السعيدي

    السعيدي بـترولـي جـديـد

    34
    0
    0
    وأخيرأأ وليس آخرن توهم يسلمونا الملابس الشتويه شهر 3 والله مادري شقول فوضه بس انشاله المره الجاية يتعدلون
    يا شباب اللي يبي لبسه او ماوصله لبسه مسؤول الزي الرسمي لشركة oosc اللي هو دكتور خياط هذا رقمه يدق9060156 عليه ويعطيه رقمه الوضيفي وياخذ لبسه لانه الشركة مو مقصره شوف جم محولين المناقصه الملابس على الدكتور سمعت البدله الوحده 150 دينار هع
     
  17. F.A.H.A.D

    F.A.H.A.D بـترولـي نشيط

    100
    0
    0
    الله يعطيكم العافيه طبعا الحال من بعضه بس اخوي السعيدي حط رقم واحد يعني هذا ادق عليه وافصل علا حساب الشركه ولا نص بلنص يعني انا ادفع 75 والشركه75 :) وشكرااا
     
  18. عبدالعزيز

    عبدالعزيز بـترولـي جـديـد

    31
    0
    0
    للاسف من تعينت في تاريخ 10/12/2006 ونحن نطر ملابس السيفتي ( الأطفاء أو الأمن) في الشركات المنتدبين فيها

    وعطونا بداية الامر مشكورين و من ثم فزعت شركتنا الموقرة وقالوا ليش تعطونهم ملابس نحن نعطيهم ملابس وفرحنا

    بهذا الخبر وليومكم هذا ماشفنا شيء وضعنا لا الشركة المنتدبين عندهم معطينا ولا محصلين من شركتنا إلا الكلام المعسول
    (ولاحياة لمن تنادي)
     
جاري تحميل الصفحة...

مشاركة هذه الصفحة