الي رئيس قسم التوظيف , تجربتي

الكاتب : dental_hygienist | المشاهدات : 2,510 | الردود : 7 | ‏27 ديسمبر 2013
  1. dental_hygienist

    dental_hygienist بـترولـي جـديـد

    1
    0
    0
    السلام عليكم ورحمه الله وبركاته

    مساكم ورد وجوري

    سالفتي بدت من يوم نزل اعلان طلب موظفين فنين بوظائف صحيه

    تخصصي فني صحه فم واسنان

    بختصرها محاولات فاشله من تاريخ نزول الاعلان 1\11 الي تاريخ 10\11 حملت شهادتي والاوراق المطلوبه حقي وحق

    وحده من زميلاتي قلنا نجرب مو خسرانين

    تاريخ12\ 11 تغيرت انكتب بصفحتي بموقع الشركه مناسب انا ورفيجتي:cool: (ماصورتها الصفحه من برا للاسف علي طول دشيت اشوف متي انحط التعليق من الفرحه)

    [​IMG]

    دقينا علي الارقام حقت الشركه بنستفسر عن كم شغله ونسال يعني صج الوضع والا لان لنا زميلات حاولو مع

    السستم ولا قدرو يدشون يسجلون كلمنا شخص بعد يومين محاوله لان محد يرد علي الارقام مادري ليش

    رد علي استفساراتنا وقال المقابلات تبلش بعد مايسكر التقديم والتقديم يسكر 2\12

    تفائلنا كالعاده تاريخ 24\11 وصلني مسج بموعد مقابلتي 26\11

    [​IMG]

    استغربت بصراحه كلام الاخ اللي رد علينا قال بعد مايسكرون طبعا وطول هالفتره السستم معلق ومن يفتح نفس الشي القي ببروفايلي مناسب

    رحنا واشتطينا من فجر الله ونحوس ندور المكان لان مقابلتنا 8 يالله لقيناهم بعد عناء
    7:45 احنا دشينا قابلنا الكاونتر اللي عند الباب فيه سكرتيره وسكرتير جيكو ع البطاقه والاسامي وقالو المقابله تبدي ثمان استريحو بالاستراحه قعدنا ننطر ثمان وربع دش السكرتير طلب نعطيه صور الاوراق المطلوبه عشان المقابله اخذهم وراح بعد ثانيتين دخل علينا شخص مغتر كويتي طويل قال اسف السستم خربان وماكو مقابلات اليوم تكنسلت نبلغكم بمسج متي موعد المقابله الثانيه وراح بصراحه مارتحت الوضع مريب وسالت السكرتير علي الكاونتر ليش انلغت المقابلات قال منو قال قلت ليش ما انلغت قال مابلغونا قلت هذا الشخص بلغنا وكان واقف عند باب الخروج قال مادري اسالي هذا رئيس قسم القبول رحت وسالتها قلت متي موعدنا الجاي قال مادري نبلغكم ورحنا انا ورفيجتي

    طبعا لاحياة لمن تنادي سكب وندق علي الارقام محد يرد نهائيا والسستم معلق مايبطل

    شهر وجيكت ع المنتدي وعلي التويتر ماكو شي يطمن طبعا رفيجتي تقول مسكينه للحين عندج امل
    قلت اقلها نتبلغ شنو الحاصل من باب الاحترام اوراقنا عندهم!!:(

    يوم 26 \ 12 دشيت السستم ومالقيت طلبي صفحتي انا ورفيجتي فاضيه استغربت يعني حذفوها واالا شنو بالضبط :confused:

    [​IMG]


    قلت اليوم بعرف الزبده ادق علي الارقام محد يرد كلمت وحده من رفيجاتي قلت ابي رقم رئيس قسم التوظيف وفعلا رقمه ورقم السكرتيره خلال خمس دقايق كان عندي وقالت لي: تري كنت بقولج انه اهم من زمان محددين منو يبون الموضوع كله واسطه بس الاعلان شكلي فقط ..
    المهم دقيت السكرتيره ماترد
    عقب دقيت علي رقم المسؤول اللي هو عادل الانصاري كلمني
    و قلت: مقدمه ع الوظائف الطبيه ومن تاريخ مقابلتي اللي لغيتها مارديتو لنا خبر علي متي المقابله او ممرفوضين او مقبولين؟!
    قال: انا مالغيت مقابلات ولا صار شي جذي
    قلت: عفوا انت طويل لان اللي قال لنا ذاك اليوم كان طويل ومغتر وحتي السكرتير قال: انه رئيس قسم التوظيف قال :دقيقه واسمعه يكلم بفون ثاني يقول لشخص تعال الحين قال لي: هذا الشخص الطويل اللي جدامي شنو سالفه الفنين عطيني اسمج ورقمج المدني ورقم التلفون وعطيته وقال للي عنده شوف الموضوع وبلغها بالتفاصيل تامرين شي قلت سلامتك بس ياريت تبلغوني وماتنسون قال: ان شاءالله قلت :يعطيك العافيه وسكرت( حسيته مايدري بالسالفه اصلا)

    خلال ربع ساعه دق علي شخص سالني عن اسمي وقال: دقيتي تستتفسرين ببلغج اننا كاتبين بالاعلان دبلوم 3 سنوات وانتي دبلومج ست شهور بالاوراق مكتوب (شكله ماشاف اوراقي اصلاولا شهادتي كان يكلمني بطريقه حسيته مرتبك وللعلم مو مكتوب اصلا فيها سنوات الدراسه نهائيا:rolleyes:)

    [​IMG]

    قلت: نعم !! اول شي انا دبلوم سنتين ونص من كليه العلوم الصحيه وسنه تدريب قال: اها يعني للحين ما استوفيتي الشروط وهم ماوصلتي ثلاث سنوات (طبعا لاني ذكيه وقلت له اني سنتين ونص ههههههه مشكله الغباء :p)
    المهم قال : هذا سبب رفضنا طلبج والسستم كان يقبل بالغلط قلت له يعطيك العافيه وسكرت
    حتي بامريكا شهاده فني صحه فم واسنان سنتين ونص بالكليه وسنه تدريب وتقدرون تسالون

    عقب بطلت الموقع لقيت بروفايلي مكتوب غير مناسب

    [​IMG]

    وقلت بشوف مشاء الله متي حطوا غير مناسب لقيتهم حاطينه قبل مناسب بعد هههههه:D
    ( السسنم الخربان يحبني :p)

    [​IMG]

    الحمدالله موزع الارزاق بالسما ولا يحتاج واسطه ..

    انا فعلا غير مناسبه لاني مو فني صحه فم , فني اول ولله الحمد ارتفع مستواي هالاسبوع

    ومبروك عليج زميلتي الوظيفه ;)

    كلمة اخيرة:

    شكرا رئيس قسم التوظيف عادل الانصاري خليت احد يفهمني وضع طلبي:)

    اتمني يتصلح سستم اللي يعلق حرام في ناس تبي وظايف عندكم (تري مايكلف ميزانيه الدوله)

    وهم الموظفين اللي عندك يحترمون اللي تعنو ووصلوا وحطو اوراقهم الرسميه عندهم ويبلغونهم (طرشو مسج بالسستم الخربان اللي حدد مواعيد قبل )

    وعندي سؤال اذا الموظفين مايبلغون والسستم خربان علي طول ومايردون علي التلفون والاستفسارات عقب طلعه الروح شنو يسون من 7 الي 2 فتره الدوام الرسمي؟؟!

    الله يعين اللي ينطر للحين....

    فمان الله:)
     
  2. املي بالله كبير

    املي بالله كبير بـترولـي نشيط جدا

    السلام عليكم ورحمة الله وبركاته
    الله يوفقج و يعوضج خير
     
  3. SUPER SAFARi 2005

    SUPER SAFARi 2005 بـترولـي نشيط

    90
    2
    8
    حاليا بطالي
    دولة الكويت
    السلام عليكم
    خيرة يعلها خيرة ان شاء الله ومعوضين بالخير ان شاء الله
     
  4. عبدالله العيباني

    عبدالله العيباني بـترولـي جـديـد

    4
    0
    0
    الخيره فيما أختاره الله
    ومعوض خير أن شاء الله
     
  5. Golden

    Golden بـترولـي نشيط

    125
    2
    0
    مساء الخير


    بصراحه احسدج بالفترة القياسيه اللي انتهى فيها موضوعج وعرفتي فيه وضعج

    انا من شهر 11 - 2011 سجلت وانقبلت ولحد الآن ما وظفوني ومادري متى بيوظفوني !!!
     
  6. مهندسة_

    مهندسة_ بـترولـي نشيط

    88
    0
    0
    ماشالله سنتين و ساكت؟ :eek:

    ليش مارراجعتهم
     
  7. املي بالله كبير

    املي بالله كبير بـترولـي نشيط جدا

  8. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    الله يصلح الحال ..

    أهم شي أن الواحد يركض ورا شغله وما ينام عن حقه ..

    موفقة أختي وعسى الله يوفقج ويبارك لج ..
     
جاري تحميل الصفحة...

مشاركة هذه الصفحة