اقتربت الانتخابات .. رسالة لموظفين الطبقه الكادحه (قريد 15 ونازل)

الكاتب : مشغل مصفآه | المشاهدات : 1,079 | الردود : 11 | ‏14 ديسمبر 2013
  1. مشغل مصفآه

    مشغل مصفآه بـترولـي نشيط

    128
    0
    0
    السلام عليكم ورحمة الله وبركاته

    بمناسبة قرب الانتخابات .. وتنافس القائمتين (الرؤيه) و (الإئتلاف )


    أتمنى مثلي مثل كل واحد فيكم ان يشوف نقابه تحافظ على مكتسباته وحقوقه وتردع كل شخص ذو نفوذ ومنصب من اذلال العمال وقهرهم

    وأشكال الإذلال عندنا كثيره بالشركه

    -فايل نوت على أتفه الأسباب ..

    -التقييم السنوي يبط جبدك لين تجيب واسطاتك كلهم عشان يعطيك جيد جداً ..

    -مافي كورسات ..

    -تطلع اجازه غصب عليك بالتاريخ اللي يحدده لك مسؤولك عشان عندك 40 يوم اجازه برصيدك

    - ... الخ


    طبعاً نقابتنا الحاليه انا مسميهم (الفداويه)

    والله ما وقفوا إلا مع ربعهم ومصالحهم .. وشعارهم (عهد ووفاء )

    انا اقول طبعاً كلامهم صحيح

    عهد ووفاء في هذه الامور:-


    1- بالمناصب

    2- بالترقيات

    3- بالسفرات

    4- بالتقاييم السنوية

    5- بترقيات القياديين

    6- بإدارة شئون النقابه من الخارج

    7- بتقسيم الموظفين لفئات

    8- بزرع العنصرية

    ----------------------------------------

    وما يخفى عليكم ان موظفين الأمن عددهم يفوق 600 موظف وما نزل منهم ولا واحد في الإئتلاف والسبب انهم الوحيدين اللي رفضوا يساومون القائمه الحمراء وذلك بسبب ارتمائها لحضن الاداره ونسيان العمال وتوّعدوا النقابه الحاليه بالخساره في الانتخابات القادمه وأعلنوا تأييدهم لقائمة الرؤيه


    رساله لكم اخواني

    لا تنحرجون بسالفة ولد عمي نازل وولد طائفتي وجارنا وقريبي ونسيبي ... الخ

    مجرد ما تصوت وتطلع انت انتهى دورك عنده واذا بغيته بعد نجاحه راح تدوره وما تحصله صدقني


    صوّت للقائمة اللي تفزع لك انت وكل زملائك الموظفين .. صوّت للقائمه اللي تقول ( لا ) في وجه مسؤول ظالم وتتخذ معاه الاجراءات القانونيه وترّد حقك المسلوب



    نعم أنا أعلنها من هنا

    نعم للرؤيه .. نعم للرؤيه .. نعم للرؤيه ..

    نعم لطرح القائمه المتسلقه ..


    خلوهم يعرفون انهم بدون العمال ولا شي
     
  2. LPG

    LPG بـترولـي نشيط

    149
    0
    0
    يا اخوي انت مدري من مزعلك


    احمد ربك انت بنفط الكويت وامورك طيبه .. لو تدري احنا بأوسكو شنو البهذله اللي كنا فيها

    الوضع بالكي او سي ممتاز

    الترقيات كل دفعه مع بعض الا اللى عليه مشاكل

    خل علاقاتك بالناس زينه محد يقربك لا بفايل نوت ولا بكوشن .. اذا تبي تتمرد تحمل جزاك

    الاجازة السنوية فيها جدول كل سنه واذا تبي تبدل اجازتك مع احد راس براس بكيفك

    النقابة لو تبي تنزل من كل قسم واحد كان احتاجت 50 عضو مو 15 لكن مطالب الامن خفيفه وصغيرة وراح تتنفذ

    بدل طريق للخزانات
    اعمال شاقة
    هيكلة
    درجاتنا المرحلية اللى راحت علينا

    وكلها راح تتم باذن الله


    الواسطة بالكويت بكل مكان

    والانتخابات بالكويت على الفزعة والعزوة لكن بنفط الكويت العمال واعية وتبي تعطي اللى ينجز ويحقق مكاسب

    خلك منصف وتعوذ من ابليس تراك مانت بحقاني وانا اخوك
     
  3. Koc1969

    Koc1969 بـترولـي نشيط

    132
    3
    18
    رسمي مواعدينك بشي
    او واحد من ربعك نازل
    شنو قاعد اتقول يا خوي
    حامدين ربنا الحمدالله لكن اذا لنا حق نبيه
    كل ما قلنا نبي قالوا احمد ربك انك بالشركه
    جنه اهم الي مانين علينا
    لا اخوي الشركه اسمها شركه نفط الكويت مو شركه فلان و علان لنا حق فيها مثل غيرنا
     
  4. مشغل مصفآه

    مشغل مصفآه بـترولـي نشيط

    128
    0
    0
    انت توك ناقل لنفط الكويت

    شدراك اني مو حقاني؟

    حنا اللي نعرفهم واذا كان بينك وبين القوائم المنافسه للائتلاف شي فهذا شأنك ولكن مو على حساب العمال يتم التطبيل للإئتلاف

    وصدقني حركاتهم اللي يسوونها كل انتخابات البهرجه الاعلاميه والتشهير ما راح تنفعهم هالمره لان ريحتهم فاحت

    عط عمرك الراحه :)
     
  5. Koc1969

    Koc1969 بـترولـي نشيط

    132
    3
    18
    صح لسانك طال عمرك معروفين
     
  6. LPG

    LPG بـترولـي نشيط

    149
    0
    0

    صاج

    مواعدينا يحطوني مدير .. واحمد ربك تراك بنعمه ، انا اللى اقولك احمد ربك .. النقابة ما قالتلك احمد ربك
    قالتلك ابشر واللى تبيه يصير واغلب المطالب تمت
     
  7. LPG

    LPG بـترولـي نشيط

    149
    0
    0

    صحيح توني ناقل لكن شوف مشاركاتي كلها مع نقابتكم واشوف شغلها وفعلها اللى يبيض وجيههم

    انت من كلامك ومن كتاباتك مانت بحقاني ... لو انك منصف كان عطيتني عذروب بشغلهم .. ما عندك الا نقابة الادارة و مرقين رفيجهم

    والله وانعومك اذا نقابة الادارة وشغلهم ماشي .. هذا المطلوب ان شغل العمال ومطالبهم تمشي مو يمسك عجرة ويهبد على غير سنع

    شغل ومكاسب وانجازات وعلوم غانمه .. هذا كلام الحق لو تعرف تقوله لكن طبيعي تطقهم بهالنقاط لانك مانت بمنصف .. وما عندك شي عليهم


    الوعد بعد اسبوعين
     
  8. LPG

    LPG بـترولـي نشيط

    149
    0
    0

    جزاك الله خير وافي
     
  9. Koc1969

    Koc1969 بـترولـي نشيط

    132
    3
    18
    اخوي الحقاني
    عطهم و الكلام تالي راح ابان انت توك جاي عندنا و اكيد واعدينكم في جريدات و سوالف كالعاده عشان جذي تبيهم لكن ابشرك سنين واعدونا و ماكو شي
     
  10. cerelac

    cerelac بـترولـي جـديـد

    انا اقول كل واحد يصلح سيارته ماحصل الا الخير..
     
  11. Eng.q8

    Eng.q8 بـترولـي نشيط

    91
    0
    6
    اخوي العزيز lpg تمدح بهالنقابه وتقول فعلهم يبيض الوجه تضحكني يااخي والله ماشفنا منهم شي وانا واحد من الناس كانت عندي مشكله من قبل سنتين وجيتهم تصدق والله للحين ماخلوها وانا اتحدي اتحدي رئيس النقابه وجمييييع اعضائها اذا واحد فيهم قال انا سعيت او حاولت ..... لا وعلي فكره انا للحين محتفض بمسج دازه للاخ الحمادي طبعا فيه الوقت والتاريخ تصدق مارد علي ولا تقولي الشغل مايخلص مسج انا موداز مسج عشان يخلص لا اهو قالي طرش بيانتك مسج عشان ماانسي وطرشتهم وعمك اصمخ طبعا هذي نبذه فقط واذا تبي اكثر موجود ولا تفهم من كلامي ابي النقابه الفلانيه او غيره لاننا ماجربنا احد لاكن احنا نتكلم عن الموجودين انجازات وحقوق عاملين ماكو ناس بصامه لا تقولي ونعومك يرقي رفيجه احنا نبي نقابه تاخذ حق المظلوم قبل لاترقي وشكرا للجميع والله يوفق الي فيه خير
     
  12. ma95ra

    ma95ra بـترولـي جـديـد

    25
    0
    0
    توضيح؟؟؟؟

    صج يقولون ان الاعضاء الي استقالوا قدموا استقالتهم لان النقابه صاير فيها اختلاس (بوقه) لمبلغ كبير؟؟؟


    اتمنى من الاخوان في قائمة الائتلاف توضيح هالكلام، واتمنى من المستقيلين يوضحون هالكلام ولا اهما يعتبرون مشاركين بالجريمه

    وعلى ذمة الراوي
     
جاري تحميل الصفحة...

مشاركة هذه الصفحة