amec استفسار هام

الكاتب : KwSalem | المشاهدات : 1,416 | الردود : 4 | ‏20 نوفمبر 2013
  1. KwSalem

    KwSalem بـترولـي جـديـد

    4
    0
    0
    السلام عليكم ورحمة الله وبركاته

    أتصلو علي شركة amec تابعله لKnpc ما عندي اي معلومه عنهم وعطوني موعد بالتلفون للمقابلة والتأكيد عليه سيكون بالايميل.

    ارجو من سبقه وتعاقد معهم ان يوضح لي تعاملهم وطريكتهم بالوظيفه لمهندس كهرباء ( موقعهم بالشعيبه).

    الامور التي أرجو ان توضح بشده كالتالي:

    1- العقد مدته
    2- موعد صرف الراتب
    3- هل الدوام يوجد بصمة, توقيع أو كرت.
    4- طبيعه الدوام لمهندس الكهرباء.
    5- الراتب المقدم للمهندس مع دعم العمالة.
    6- الراتب بعد خصم منه من التامينات.
    7- واذا في امور مهمه بالعقد أنتبه عليه ارجو التنبيه.
    8-كيف اعرف اني من تحت سقف التكويت. ( اشراف شركة knpc)

    أسأل الله ان ينفع كل من يريد الخير لغيره
     
  2. مهندس قلوب

    مهندس قلوب بـترولـي نشيط

    79
    0
    6
    العقد مدته 5 سنوات
    تاريخ الراتب 25 الشهر ودعم العمالة 25 الشهر
    مافي بصمه وتوقيع وكرت بس الادارة الرئيسيه فيها كاميرات وامن يوصلون الاخبار
    طبيعة العمل يشرحونها لك
    الراتب 1425 والتامينات 160 تقريبا ودعم العمالة ينزل كامل
    knpc موجود احد منهم بالمقابله ويشرح لك عن التكويت

    وشكرا
     
  3. Taekwondo

    Taekwondo بـترولـي جـديـد

    10
    0
    0
    اخوي مهندس قلوب يعطيك العافيه

    راتب الشركه هذا لموظف الخبره ؟ اقل من بعض الوزارات صراحه

    ما عليك امر ، عندك فكره عن الزيادات السنويه ؟ البونص ؟ السلم الوظيفي وطريقة الترقيه ؟

    اسف على كثرة الاسأله ويعطيك العافيه
     
  4. مهندس قلوب

    مهندس قلوب بـترولـي نشيط

    79
    0
    6


    حياك الله

    هذا عقدهم بشركة البترول الوطنية knpc واهما يبون اللي حديث تخرج او تخرجه اقل من 3 سنوات

    شوف موضوع المقارنه بالراتب مع الوزارة اذا انت تفكر بالراتب وفرق المعاش الحالي لا تفكر بالقطاع الخاص النفطي
    وهذي وجهة نظري الشخصية

    الشركة هذي استشارية وهي اعلى مستويات الشركات بالقطاع الخاص النفطي

    يعني راح تاخذ كمية علم واستفادة مو طبيعيه كافي الدورة اللي تاخذها 9 اشهر

    شوف زيادتهم السنويه تقريبا 3.5 الى 10 % من الراتب الاساسي 1425 حسب تقييمك وشغلك

    البونص من التكويت على تقريرك السنوي ربع او نص او راتب كامل

    السلم الوظيفي كل شركة لها وضعها
    مهندس متدرب _ مهندس مساعد _ مهندس 1_ مهندس 2 _ مدير مشروع
    بالنسبه حق الكويتتين بوجود شاغر وموافقه knpc

    حسب معلوماتي المتواضعه واسال اكثر بالشركه نفسها اذا اتصلوا عليك

    وشكرا
     
  5. Taekwondo

    Taekwondo بـترولـي جـديـد

    10
    0
    0
    تسلم اخوي ما قصرت مهندس قلوب ، ان شاء الله يتصلون علينا ونتفاوض معاهم :)
     
جاري تحميل الصفحة...

مشاركة هذه الصفحة