خبر من كتب نزار العدساني

الكاتب : code1101 | المشاهدات : 1,388 | الردود : 5 | ‏21 أكتوبر 2013
  1. code1101

    code1101 بـترولـي جـديـد

    18
    2
    1
    قوة يا جماعة.

    أول شي انا مالي شغل بالنقابة بالعكس انا اقول الله يعطي النقابة العافية على كل المجهود اللي قاموا فيه و اتوقع النقابة قاعد ينلعب فيهم بس اهم ما يدرون.

    انا حالي من حالكم مقاول طايح حظ (الله ينتقم منك ياللي نصحتني اهد الوزارة و انتقل للقطاع الخاص) ... كل يوم اداوم مع ناس من نفط الكويت و انا اقوم بالشغل كله و اهم ياخذ جوائز على تعبي و مجهودي بس لانهم كي او سي و انا كونتراتر مع ان احنا نفس الشهادة ... ما اقول الا الله كريم.

    حالي من حالكم تفاءلت بالاخبار وقلت الحمد لله طولت السالفة بس راح تفرج عن قريب.

    بطبيعة عملي صارتلي علاقات مع ناس تشتغل بمكتب نزار العدساني و من فرحتي سالت اشصار على الكتاب اللي يخص المقاولين؟

    الرد من نزار العدساني على لسان ناس اعرفهم:
    الكويتيين يوم وقعوا عقودهم قروا العقود ولا لا؟ هذي عقودهم جدامهم و مالهم اكثر من جذيه. لا فيه لا زيادات و لا قريدات و لا بطيخ.

    يا جماعة فيه احتمال ان اللي وصلي هالمعلومة قاعد يقص علي بس انا اقول 95% انه صادق معاي.

    هالمؤسسات ما يهمها امرنا ... احنا بالنسبة لهم مجرد عمالة حالنا حال الخدم في البيوت ... احنا اللي نكرف و هم اللي يتنعمون ابشغلنا ... لا عمرهم حسوا فينا ولا راح يحسون ... اذا طلعت ولا قدمت استقالت فيه غيرك الف يحلون محلك.

    والله فيني قهر يذوب الصخر .... الله يلعن اليوم اللي اشتغلت فيه بهالقطاع الزفت ... و الله يلعن الحكومة و كل من يشتغل بهالمؤسسات النفطية من اللي يشوفون روحهم على المقاولين.

    باختصار يا جماعة .... بلطوا بالبحر.

    :mad::mad::mad::mad::mad::mad:
     
  2. ahmed_1

    ahmed_1 بـترولـي نشيط

    126
    1
    18
    اخوي نزار العدساتي توه صار رئيس تنفيذي والائحة نافذه وموقعه من الوزير والرئيس الي قبله وفي مجلس امه ومجلس وزرا موبكيفه يتكلم عن مافي قريدات او زيادات للقطاع النفطي الخاص هذا شخص انسان عادي خله يسولف وقالولك النقابه انطر المهله ليش تحرق اعصابك ودمك لو مافي شي جان اخونا سنتافي ماقالك بشركته يصرفون تذاكر وبشركتي kdc ماقالولنا بيعطونا دورات انجليزي مع العلم ماعرف اخوي سنتافي وانا مومسجل بالنقابه ولا اعرف احد منهم فانت استنتج كلامي وياريت تمسح هالموضوع ولا ضيق خلق الموظفين الي يصدقون اي كلمه رب العالمين على كل شي قدير وهوه الرزاق الكريم ودمتم .
     
  3. انيرجي

    انيرجي بـترولـي نشيط

    61
    0
    0
    مشكور على اهتمامك

    اولا نزار العدساني استلم بعد توقيع اللائحه واعتمادها

    ثاني شي يا اخي الكريم طلع كتاب من نزار العدساني موجه للشركات النفطيه لتبليغهم انه اللائحه اعتمدت من قبل معالي وزير النفط السابق

    وثالثا لو انه الاخ نزار العدساني على كلامك ما خله اللجنه مسمتره الى الان .

    اعتقد اجاباتي كافيه ووافيه ومقنعه وشكرا وفلا تسمع كلام الناس الي يتكلمون بأسم نزار العدساني او بلسانه لانه موظفين الحكومه بعضهم مو كلهم مايتمنون لك الخير في مساواتك لهم وشكرا

    معلومه اخيره في ناس طلعت علاج بالخارج وهذا ضمن اللائحه شلون يقولك انه انلغت وغير صحيح اللائحه
    وفي ناس طبياتهم صارت على القانون النفطي يعني ياخوي لا تكتب كلام من شخص قالك وانت مو متأكد منه وتأكد لو في أي شي النقابه ماراح تخشه وراح تعترف لانها عندها روح المصداقيه والتعاون معانا وتبلغنا اول بأول بالمستجدات الموثوق فيها
     
  4. code1101

    code1101 بـترولـي جـديـد

    18
    2
    1
    والله سامحوني يا جماعة ... سنين وحنا محترق دمنا و يوم هالاخ الله يسامحه قالي جذي احترق دمي ابزود. انا والله للحين مادري اذا بنطول شي ولا لا بس الموضوع هذا من الاساس غلط اني كتبته و انا امعصب لانه ممكن كله ابكبره يكون جذب. يا ريت احد من الاخوة اللي عنده الصلاحية يمسح الموضوع لاني مو عارف اشلوم امسحه.

    وسامحوني يا جماعة و لا اتلوموني ترى من القهر والله .
     
  5. محسن السويدي

    محسن السويدي بـترولـي نشيط جدا

    279
    30
    28
    ذكر
    ميكانيكي
    الكويت

    اخوي احمد شلونك انا ف شركة kdc ولا سمعت عن دورات متى هالكلام كلموك الشركة فيدني
    الله يجزاك خير
     
  6. UNO

    UNO بـترولـي جـديـد

    42
    0
    0
    يستريح العدساني

    غصبا علي الي مو عاجبة في زيادات و اذا مافي راح تصير بلبله و مافي احد من القطاع الخاص راح يداوم
    وخل ال ( كي او سي و ربعها ) يمشون شغلهم من غير العقود لو اهم يقدرون

    والله مايقدرون نسبة العقود بالاماكن اعلى من نسبة الموظفين
     
جاري تحميل الصفحة...

مشاركة هذه الصفحة