النقابه.... من صجكم؟

الكاتب : Q8_KJO | المشاهدات : 1,414 | الردود : 11 | ‏10 أكتوبر 2013
  1. Q8_KJO

    Q8_KJO بـترولـي نشيط جدا

    410
    0
    0


    اولا و قبل لا اتكلم. احب اقول اني ترا مو مع النقابه السابقه و صوتي كان للنقابه الحاليه... هالمقدمه بس عشان لحد يقول اني ضد النقابه الحاليه او متحامل عليها, بس الغلط محد يسكت عنه

    نقابتنا العزيزه!!! والله صج سؤالي انتوا من صجكم على هالمسج اللي دزيتوا بخصوص دوام يوم الاحد!!! يا جماعه ماندري نضحك و الا "نتنح" واحنا نقرا!!!

    شنو يعني تخاطبون موظفين الخفجي الكويتيين و تقولون لهم لحد يحضر و "تهيب النقابه" و تحرضون الناس على الغياب و الاحتجاج على تعميم رسمي صادر من عمليات مشتركه فيها جانبين متفقين!!!!

    انتوا صلاحياتكم محدوده على حقوق العمال الكويتيين فقط اذا وقع عليهم ظلم مو للضرر بصالح الشركه العام و تحريض موظفين رسميين على عدم الحضور... والله شي غريب و يفشل بصراحه

    لا تغترون و تنسون نفسكم و حدودكم و ترفعون روسكم حيل و انتوا تمشون لانكم اذا تعرجبتوا و طحتوا صعب تقومون.... ركدوا شوي و ياليت نفس هالقرارات اللي تفشل ما تكرر

     
  2. jemi

    jemi بـترولـي نشيط جدا

    239
    0
    0
    انا ادعم وأيد كلام النقابه وهذا راي الشخصي وانت اخي الكريم داوم محد راح يمنعك.

    وعيدكم مبارك وتقبل الله طاعتكم
     
  3. نفطي فاهم

    نفطي فاهم بـترولـي جـديـد

    31
    0
    0
    السلام عليكم ورحمة الله وبركاته

    عسى ماشر اخوي
    بدال ما تشكر النقابة
    قاعد تكلم كلام واحد حاقد على الكويتين
    هذا حقنا وجابوه أخونا في النقابه بيض الله وجيهك
    وهذا يعتبر اول الخير
    وعقبال
    ما يجيبون الطريق
     
  4. Q8_KJO

    Q8_KJO بـترولـي نشيط جدا

    410
    0
    0


    اولا انا مو حاقد.... ثانيا ناقشني من غير عواطف حبيبي شنو حقك!!!! انته على اي اساس قلت حقنا!!!!

    هذا نظام شركه يمشي على الكل و نزل في تعميم رسمي

    لو النقابه شاده حيلها و مكلمه الاداره العليا مباشره عشان يلغون التعميم و يكون الشغل رسمي قلنا ميخالف.... بس كل واحد قاعد في بيتهم و بمسجات يحرضون الموظفين يخالفون قانون العمليات بشكل رسمي و يغيبون!!! تكفه وين العقل في هالموضوع

    اقولها لك جد.... انا اول واحد ضاق خلقي من التعميم و لا لي خلق اداوم.... بس. هذا شغل مافي لعب و التعميم علي و على غيري يعني عادي

    و انا اعيب على النقابه انها بموضع المسؤول و المفروض تكون قدوه للقرارات الصحيحه.... بدال لا تخاطب المسؤولين بشكل رسمي على طول يسلون سيفهم الحبايب و يقولون للناس لا تداومون... هذي شركة نفط ترا مو لعب
     
  5. جابر

    جابر قــلــم بــتــرولــي أعضاء الشرف

    على الرغم إننى من ضمن كثيرين من الناس القدامى اللى ماوصلت لهم الرساله .. بس سمعت عنها ...

    أنا رايى من رأى q8_kjo

    حيل ماكان لها داعى هالرساله ...

    خصوصا إن نقابتنا من أيامها الأولى إلى اليوم كانت تقول إنها مستحيل تصطدم مع إدارة الشركه وإنها تفضل المفاوضات ...ولوكانت القضيه كبيره ...نقول ممكن

    يعني شغله بسيطه مثل هذى ...مجرد يوم ....ويصطدمون فيها مع الإداره وبهالشكل (غير) الدبلوماسي ..

    في الوقت نفسه ...قضيه كبيره مثل بدل الطريق ...يقولون الدبلوماسيه أحسن ... :rolleyes:

    إما إن رئيس النقابه ماله علاقه بهالرساله ...أو إنه في شي تغير ...أو ظهر جديد .........ولازم نعرفه ;)
     
  6. عمليات الخفجي

    عمليات الخفجي بـترولـي نشيط جدا

    349
    13
    18
    الحين التعميم صادر من اللجنة

    شلون ي النقابه تقولون لاحد يداوم يوم الاحد
    راح يحسب غياب على الجميع واتحداكم اذا احد غاب وما راح يحطونه غايب

    فعلا الرساله مالها داعي اطلاقا أنكم تخلون الناس تغيب وهو دوام رسمي

    انا شخصيا ما ودي أداوم وودي استانس وأعيد لكن صدر قرار انه يوم عمل رسمي
    من كلا الجانبين ( الهلال الخطيب الرشيدي الرشود الخضير المنصور )

    شي غريب ،

    انتم حدودكم علينا والرئاسة للسعوددين يعني الغايب بيحطونه غياب شنو تبون تسون !!
    واتحداكم ما دام الجانب موافق انه يوم عمل انه يكنسله وصدر فيه تعميم




    ماله داعي اطلاقا هالسالفه وشكرا
     
  7. نفطي فاهم

    نفطي فاهم بـترولـي جـديـد

    31
    0
    0
    السلام عليكم ورحمة الله وبركاته
    هذا يوم وخايفين شلون لو تطلب النقابة إضراب
    ماضنتي
    النقابه تشد الظهر في بعض الموظفين
    هذا حق من حقوق العمال ساعة او يوم او شهر هذا حق
    ولازم النقابه يكون لها دور في هذا الامر
    شكرا يانقابه وكيد اغلب الموظفين معاكم
     
  8. bo9ali7

    bo9ali7 بـترولـي نشيط جدا

    200
    0
    0
    صج مصخره وأفشل نقابة مرت علينا نقابة الجذب والمصالح الشخصية
     
  9. Greater Burgan

    Greater Burgan بـترولـي نشيط

    66
    0
    0
    ماشفنا هالتعاميم حق القضايا المفصليه والمهمه للعمال كبدل الطريق والخطر .. يعني الحين سالفه اليوم هاذي مهمه ؟ لا ياخوي مو مهمه ناخذها اجازه يعني (بالعربي) محد راح ينقد عالنقابه اذا مانزلت او صرحت بخصوص هذا اليوم لانه مو مهم لكن الشي العجيب والمحير ان لحد الان النقابه ما صرحت شي عن بدل الطريق ولا نزلت تعميم عن وضع بدل الطريق مع ان اهوا القضيه الاهم واهوا الي فيه المصلحه للكل .. انا مادري شنو هالنقابه تبي تثبت !
     
  10. Q8_KJO

    Q8_KJO بـترولـي نشيط جدا

    410
    0
    0


    ولييييييين هذا واحد ثاني يقول انه اليوم حق من حقوقنا!!!!! تكفه على اي اساس قلت حق

    اوكي قول ودنا يصير هالشي معاك... قول نبي نغيب و مالنا خلق نداوم و ربعنا بالكويت لأ هم مو مشكله.... بس لا تقولون كلام ما يدش العقل... شنو يعني حقنا!!!!

    انا مالي خلللق اداوم و اقولها لك بس مو على كيفي اقول انه ترا حق من حقوقي اني ما اداوم.... شالسالفه اقص على روحي!!

    للمره الثانيه اقولها.... والله انه صوتي في الانتخابات كان للنقابه الحاليه و انا مو متحامل على احد.... بس ما احب احد يخربط بالحجي و يدور له موضوع خربوطي يسوي روحه في بطل جدام الناس

    و انا لما صوت صوت حق ناس توقعت انه فيهم شوية حكمه و ثقل..... يعالجون اي سالفه يبونها بذكاء.... مو جذي

    و على فكره اكبر ثلاثه بالنقابه الحاليه (من غير ذكر اسماء) مروني المكتب ايام الانتخابات و كانوا النقطه اللي يعيبون فيها على النقابه السابقه اهيه العنجهيه الزايده بطرح مشاكل العاملين للمسؤولين و كانها اوامر اجباريه و فيها شي من التهديد و هالشي يخلي اي مسؤول يسحب عليهم و يقط معاملاتهم بالادراج...... اشوف ربعنا ماشالله شطحوا بزياده و قاموا يحرضون الناس عالغياب و كسر النظام و قرارات الشركه!!!! تكفه وين الحكمه اللي كانوا يتكلمون عنها

    خلوها على ربكم بس..... اي والله عشان مالنا خلق نداوم قلنا عن الغياب هذا حق من حقوقنا هههههههه

     
  11. جابر

    جابر قــلــم بــتــرولــي أعضاء الشرف

    حتى يكون النقد ..على شي فعلي وموجود ...مرفق رسالة النقابه ..دزها لى واحد اليوم جزاه الله خير :)

    وطبعا الإختلاف على اللى مكتوب بالأحمر :eek:
     

    الملفات المرفقة:

    • KGOCUNION.pdf
      KGOCUNION.pdf
      حجم الملف:
      645.6 ك. ب
      المشاهدات:
      46
  12. المحرر النفطي

    المحرر النفطي فريق الإعلام

    3,465
    224
    63
    ذكر
    الكويت
    السلام عليكم ورحمة الله وبركاته

    الله يعطيكم العافية .. شكراً جابر على البيان ..

    [​IMG]
     
جاري تحميل الصفحة...

مشاركة هذه الصفحة