مواقــف الشعيبــة ..حــدث ولا حــرج..!!

الكاتب : تكانه | المشاهدات : 881 | الردود : 11 | ‏14 يناير 2008
  1. تكانه

    تكانه بـترولـي نشيط

    104
    0
    0
    السلام عليكم..

    ودي أعرف من المسؤول عن نظافة وصيانة مواقف سيارات الموظفين بالشعيبة ..؟؟

    يا جماعة انتوا شفتوا الأرضية الصخرية للمواقف واللي كل يوم يبيلك ( تكرمون ) جوتي جديد لان القار اللي نمشي عليه بالمواقف زين ما ياكل رجلك مو بس الجوتي منكثر ما الصخر مدبب وخشن ..!!

    طبعا هذا غير زحمة المواقف وتضطر أحيانا توقف بآخر الدنيا ..!!
    وشوف عاد إذا إنت مداوم صبح وكملت دوام العصر وطلعت بنص الليل وتشوف سيارتك بآخر الدنيا بروحها.. رعب ما بعده رعب ..!!

    بس منظر اللمبات المحترقة والمّدندلة ومتعلقة بالواير عجييييب..!! يا معودين زين هاللمبات ما تطيح على راسنا وتبطه ..!!

    لكن مو يمكن الشركة تبي توصل رسالة لنا وبطريقة غير مباشرة : إن رحلة كفاحنا بالشركة ( طويلة وشاقة و وعرة ومظلمة) ..!!

    كلشي جايز..!!
    ويمكن إحنا اللي ما عندنا ( بعد نظر ) وما فهمناها وإهي طايرة ..!!

    بس هذا كله بصوب .. ونظافة المواقف صوب ثاني..!!

    عندنا بالمواقف ( أنواع وأشكال ) لأغلب أكياس مطاعم الفحيحيل ..!! وهذا غير قواطي البارد بأنواعه ..!!

    وبعضهم زقرتي شوي وتلقى أكواب ستاربكس وبقايا اللاتيه عند التاير ..!!

    وهذا يعكس الحاله اللي عليها موظفي الشفتات والضغط اللي عايشينه لأنهم مساكين ما عندهم وقت ياكلون مثل الأوادم ويشربون حالهم حال الناس..!!

    هذا اللي غير اللي طالع من الدوام وعنده معامله أو معزوم وتلقاه يبدل هدومه بالمواقف..!!


    ندائي لجميع المسؤولين عن الوضع : هل هذه مواقف تليق بموظفي شركة محترمة ..؟؟

    وهل عدم وجود مسؤول واقتصار هذه المواقف على صغار الموظفين مبرر كافي لإهمالها بهذا الشكل..؟؟!!

    ومنا إلى من يهمه الأمر ..!!


    ســـلام...
     
  2. saeedelhaj

    saeedelhaj بـترولـي جـديـد

    10
    0
    0
    أخي تكانة:
    والله إحنا مزعجين، نشتكي كثيرا.
    بدل أن نحمد الله على أنهم أساسا وضعوا لنا مواقف؟
    شفت مواقف المكتب الرئيسي؟ المدراء ماخذين أقرب وأحسن الأماكن، اما الضيف أو المراجع قاطينة بعيد.. ماذا نفهم من هذا: ما يبون أحد يجيهم أصلا؟
    خليها على الله ونحمد ربنا إنهم سوولنا مكان فيه سقف تحط فيه السيارة، ولو إن اللي يوقفون فيه من غير موظفي الشركة أكثر منا !
     
  3. PIC

    PIC بـترولـي نشيط جدا

    313
    0
    0
    تكانه

    أشكرك على موضيعك الهادف

    والتي تصب في صالح الموظفين والشركة

    هذه المواضيع المطلوب طرحها

    ليستفيد الجميع

    ودون تجريح أي شخص كان

    بارك الله فيك يا أخي

    أسم على مسمى "تكانه"
     
  4. SOS_KW

    SOS_KW بـترولـي خـاص أعضاء الشرف

    2,252
    0
    0

    مشكور عزيزي تكانه على اثارة هالموضوع الشائك وبالفعل أنا سبب عدم دخولي لمواقف الشركة اهو القار اللي يخليك كل يوم يبيلك وانتم بكرامة جوتي جديد .. ومن فترة أصفط برة .. أما بالنسبة للأكياس والقواطي اللي تلاقيها مقطوطة في المصافط فهي لا تعود على النفسية بل تعود على ذوق الموظف وأسلوب حياته

    تقبل مروري مع تحياتي

    [​IMG]
     
  5. Powerful

    Powerful بـترولـي جـديـد

    43
    0
    0
    يقولون بعد صيانتها حاليا راح تكون مواقف 5 نجوم وخاصة ان اللي مهتم بالموضوع نائب العضو المنتدب للاسمدة (ابو ناصر)
     
  6. SOS_KW

    SOS_KW بـترولـي خـاص أعضاء الشرف

    2,252
    0
    0
    والله والنعم في بو ناصر ... بصراحة ما شاء الله عليه انسان رائع ومتواضع وطبيعي جدا .. من الناس المميزين في الادارة
     
  7. زيـنـه

    زيـنـه بـترولـي نشيط جدا

    162
    0
    0
    المسؤوليه تقع على الطرفين

    طرف الشركه و مسؤوليتهم تعديل المواقف و رصفها من جديد و العنايه بالاضاءه و النظافه و تاكيد وجود الحراسه او الامن في المواقف .

    طرف الموظفين و مسؤوليتهم بسيطه و هي المحافظه على نظافة المواقف وعدم رمي المهملات و ذلك يدل على ذوق و تربة الموظف .

    و اذا كل طرف ادى مسؤوليته .. ستكون المواقف من اروع ما يمكن .
     
  8. Powerful

    Powerful بـترولـي جـديـد

    43
    0
    0
    صدقيني أخت زينة ولا يهونون الاخوة الكرام لو ان المواقف وضعها طيب وحديثة وسلات المهملات اجلكم الله موزعة بين المواقف كان الموظفين تقيدوا بالنظافة​
     
  9. تكانه

    تكانه بـترولـي نشيط

    104
    0
    0
    saeedelhaj

    PIC

    SOS_KW

    Powerful

    زيـنـه



    كل الشكر على المرور الكريم والتعليق ..

    وأثني على كلامكم حول مسؤولية الموظف والشركة على حد سواء عن نظافة المواقف ولا شك أن هذه مسؤولية الجميع من خلال وعي الموظف ونظافته الشخصية .. ومن خلال توفير سلال المهملات من قبل الشركة..

    وبالنسبة ( لإحتلال ) المواقف من قبل الغير أنا أتمنى أن تتفق الشركة مع ( الجهات المحتلة ) لتلك المواقف ونعطيها المواقف بشكل رسمي و بالإيجار ونستفيد من الإيجار في صيانة المواقف وبنفس الوقت تخصص المواقف الخلفيه لهم بدل أن تكون المواقف القريبة لهم ونعاني الأمرين كل يوم عندما نصفط بآخر الدنيا ..!!

    ســـلام..
     
  10. Powerful

    Powerful بـترولـي جـديـد

    43
    0
    0
    الاخ تكانة فكرتك والله لو توصل للمسؤولين اعتقد انها ستلاقي استحسانهم ولو اني افضل استقلالية مواقفنا لنا فقط ولا بد من وجود آلية معينة لذلك
     
  11. تكانه

    تكانه بـترولـي نشيط

    104
    0
    0

    المثل يقول : طاعك الزمان ولا طيعه ..!!

    لا شك أننا جميعا نفضل الإستقلالية .. ولكن لا صوت يعلو فوق صوت المعركة..!!

    خوفك نشد وياهم ويصير التفتيش ذاتي ..!!

    جميلة جدا مداخلتك أخي الكريم Powerful وعزيز وغالي..

    ســـلام...
     
  12. تكانه

    تكانه بـترولـي نشيط

    104
    0
    0
    أول الغيث قطرة ( صبغ ) ..!!

    أبشركم.. جاري التجديد لمواقف الشعيبة وصباغتها قبل أن يأكل الصدأ المظلات وتطيح على راسنا .!! والخير بقبال.!!

    عاد أنا حلمت ( خير اللهم اجعله خير ) إن الصف الأول بالمظلات بيكون لونه وردي وراح يستبدلون السلاسل الحالية بالشتر الاوتوماتيكي ومع الريموت ....!! يعني ما يحتاجون ينزلون من السيارة عشان يقفلون السلاسل ويعطلون الأوادم..!!

    وحلمت إن القار راح يكون أملس وأنعم من ( المرمر ) ..!!
    والإضاءة منكثر ماهي قوية ما راح تخليك تعرف إذا انت بالليل ولا بالنهار..!!

    وراح يكون فيه كانتين 24 ساعة للمأكولات الخفيفة..!! وراح يكون فيه صناديق أمانات حق اللي يبي يحط المرضية أو الهوية بدال الدرج الدايخ المكسر اللي هناك..!!

    طبعا طلبت تفسير هالحلم ولكن جاءني الرد كالآتي: خيرا رأيت ...!! وخير إن شاءالله ...!!
    وقالي لا تكثّر بالعشاء قبل النوم عشان لا تحلم بالكوابيس...!!


    ســـلام...!!
     

مشاركة هذه الصفحة