نقابتنا السابقه ،نقابتنا الحاليه، موظفي عمليات الخفجي المشتركه

الكاتب : EngJarrah | المشاهدات : 1,232 | الردود : 4 | ‏21 أغسطس 2013
  1. EngJarrah

    EngJarrah بـترولـي جـديـد

    19
    0
    0
    السلام عليكم ورحمة الله وبركاته

    الى متى الاجحاف في حق موظفي الخفجي
    الى متى السكوت من انفسنا نحن عمال الخفجي
    الى متى اقصى اجراء هو فقط عنوان في صحيفه تحمل اسم " حقوق العمال "


    بما انه يوجد حصه للمؤسسه في حقول الخفجي والمنطقه المقسومه تحديدا
    اذا يجب ان يكون للدوله موظفين يمثلونها
    ويجب ان يكون هناك حافز للموظف لكي يعمل في هذا المكان الشاق اعتبارً

    افلا يحق للموظف بدل طريق اسوة بغيره من موظفين القطاع النفطي الكويتي
    حيث اننا نقطع طريقا 3 ساعات يوميا (ذهاب وعوده)
    واخوتنا في الوفره والروضتين وغيرها لا يتعدى الساعه والنصف (ذهاب وعوده )
    ومع ذالك لهم بدل طريق ويقدر لهم هذا التعب ...ولكن في الخفجي ؟؟ ماذا؟
    ليس لهم نقابه قويه.... حقوقهم لا تنتزع ؟ يروح ويجي قصبن عليه وهو يشوف الارض؟



    يا اخوان كنا في البدايه نفضلها لمميزاتها وهذا طبيعي
    ولكن الان تساوت الرواتب مع قطاع النفطي الكويتي وزياده على ذالك لغيرنا بدل الطريق ونحن لان ونحن اساسا اهل واساس من يعتبر لهم ( بدل طريق )



    الحل

    حل واقعي
    1- صرف بدل طريق حتى يعمل الموظف دون اجحاف ولا انقاص في ما يقبضه من اتعابه



    او
    حل افتراضي
    2- خلاص بما انه الموظفين في القطاع النفطي الطريق عندهم ساعه ونص والعمل 7 ساعات اذا الناتج 8 ونص
    اذا نداوم 5ساعات ونصف(من 7:30 الى 1:00) وطريق 3 ساعات يصبح المجموع 8 ساعات ونصف
    :) .... اذا تبون الحق يعني



    الخلاصه
    يا نقابه يا موظفين الخفجي ..... الحقوق تنتزع لا تعطى


    واسف اذا خرج مني شي يبغضه الاخرين ولا اقصد احد بعينه ولكن المر مما ارى
     
  2. Fawaz.kh

    Fawaz.kh بـترولـي نشيط

    118
    2
    18
    Operator
    Q8
    الحل يسون قطار سكه حديده خاص للموظفين ولأهالي الموظفين بحيث أقل من 15 دقيقه انت واصل
    و يحطون سيستم بطاقه ذكيه الموظفين اللي عندهم عمل " work pass"*

    يبدأ المشروع من أي منطقه جنوبيه في الكويت الى الخفجي
    ويمكن للمشروع هذا يتوسع بعدين لنقل المواد الثقيله بين البلدين "نفتك من التريبلات المكبتين وتقل نسبة الحوادث وازهاق الأرواح"او تكون مواصلات متطوره تغذي مناطق أخرى...
    وصدقني بالنسبه لربط الشبكه وزارة الداخليه السعوديه والكويتيه في ادخال البيانات عن طريق بطاقه ذكيه بابو من كيرلا بشارع بن خلدون يقدر يسويها ..
    بس وين اللي يفكر
    منو عنده الجرأه يطور ويطرح نفس هالمشاريع
    محد

    تدرون ليش؟ لانهم ما يعرفون شي اسمه "قيمة استثمار الوقت "والأنفس"...بعطيكم حسبه سريعه..
    مثال: موظف كويتي يداوم الخفجي المعدل الطبيعي ساعتين رايح...ساعتين راد... والمنافذ فاضيه..
    انا بتكلم عن ساعتين فقط نفرض انه راكب صاروخ... ساعه رايح ساعه راد.. المجموع ساعتين...
    المعادله:-
    ساعتين (رايح راد) * 240 يوم بالسنه (فرضنا انه يداوم 240 يوم من اصل 365 يوم) = 480 ساعه ضايعه من عمره..في السنه
    480 ساعه في السنه * 25 سنه = 12000 ساعه...12 الف ساعه
    هذا بس 12000 ساعه اذا راكب صاروخ يعني 208 أيام بس رايح راد قرابة السنه..
    المعدل الطبيعي 24000 ساعه يعني 1000 يوم يعني قريب الثلاث سنوات وقتك ضايع بس طاحس تسوق خلال الـــ 25 سنه "يعني تفر الكره الأرضيه مو اقل من 500 مره" هذا اذا الجوازات والجمارك فاضيه وضع كله تمام التمام.... ومستانس يحليلك مافي زحمه...سبحان الله خميس والجمعه مافي زحمة مسافرين...وطول ال 25 الله يحبك ماحاشك زحمة الاعياد والعطل الرسميه ..و اذا حاشتك الزحمه يجيك الموظف المثالي في الجمارك أو الجوازات يفتح المسار الخاص للموظفين ويقولك تفضل طال عمرك درب السلامه ..ما حاشك بنجر...ما علق السيستم بالمنافذ...ما طفت الكهربا بالمنفذ الكويت (والجنريتر ورى خاشينه محد له خلق يمد صبعه يركب البلاك) ...ما نسيت بطاقة الدوام بالبيت من كثر ما انت مستعجل ورجعت خذيته و المنافذ تطورت خلال الــ25 سنه مسارات اكثر يعني ما قعدو على نفس حطتهم "نتفاءل بالخير" مثل ما انتم عارفين كله سنه عن سنه يصير تضخم في السيارات كل سنه في جيل ياخذون لياسن سيارات أكثر مسافرين أكثر فــ من حسن التخطيط والتدبير للمنافذ وسعة المسارات وطورت...يعني الأمور كلها طيبه "خير انشاالله"..
    الرقم يخرع ادري وانتو مو حاسين:)
    صدقوني مستعد اقول حق الشركه مابي اطالب ببدل طريق بس يوفرون على الاقل 3 سنين من عمري لأن وقت لما الواحد يفنقش يتمنى الوقت هذا اللي ضاع انه يكون مع عياله على الأقل
    لا اهم معطينا بدل طريج ولا أهم مطورين وسائل النقل
    ما أقول الا الله يرحم علي الهاجري توفى ثاني يوم برمضان في السنه الماضيه وكان ضحية الطريق
    والله يكافينا من شر الطريق وما نقول الا الحمدالله على كل حال والله يرزقنا بشخص في الاداره العليا يقدر معاناة الموظفين لأنه فعلا اصبح بيئة العمل طارده
     
  3. bonajim

    bonajim بـترولـي جـديـد

    38
    0
    0
    فعلا الحل هو قطار جان زين الحكومة تحس فينا وتسوي هالمشروع لان كالعادة اذا قالو بنسوي فمعناته بعد 20 سنة وبعدها لي قالو بنطبقة فمعناتة بعد 30 سنة !!!! وبعدها لي قالو بيخلص فمعناتة بيكون في سنة 2973 ميلاد .....!!!!!
     
  4. المحامي بدر عماش الحربي

    المحامي بدر عماش الحربي محامي أعضاء الشرف

    37
    0
    0
    محامي
    الكويت
    اكم حق علينا وأبشروا بالفزعه

    إخواني لكم حق علينا ولكم علينا كذلك دفع الظلم من كائن من كان وأتشرف في خدمتكم في كل الميادين وأنتم موظفين بعقد ملزم للجهات تطبيق كل ما جاء في بنودة وليس التنصل من الواجبات ..
    الموظفين لهم حقوق كبيرة وكثيرة لأنهم قدموا واجبهم وكل ما طلب منهم في عملهم (( أليس جزاء الإحسان إلا الإحسان))
    والذي يطلبونه ليس منه من أحد أو صدقه بل هو جق أصيل لهم ...

    أخواني على كل متظلم يتصل فيني وأنا أتشرف في خدمته
    أخوكم بدر عماش الحربي
    تلفون (( 97500051))
     
  5. EngJarrah

    EngJarrah بـترولـي جـديـد

    19
    0
    0
    كلام طيب ولو انه صعب لانه يحتاج بنيه تحتيه اذا بتصير بتصير بوقه

    استاذنا المحامي
    كلام موزون ويعطيك العافيه ونتمنى من النقابه والمسؤلين يحطون ايدهم بيدك
     
جاري تحميل الصفحة...

مشاركة هذه الصفحة