مشغل الحقل ؟!

الكاتب : Bo3lawe | المشاهدات : 2,231 | الردود : 18 | ‏16 أغسطس 2013
  1. Bo3lawe

    Bo3lawe بـترولـي جـديـد

    1
    0
    0
    يعطيـكم العافـية جميعـاً ، بخصـوص دورة مشغـل حقـل ، متى راح يتم فـتح باب التسجيل وهل هناك دورة خلال هالشهر كمـا سمعنا ، ياريـت تفيدونا ..
     
  2. كاظم

    كاظم بـترولـي جـديـد

    9
    0
    0
    سلام عليكم اخوي , طبعا مافيه شي اكيد كله يقولون لاكن صارلهم سنتين ما فتحو لا مشغل ولا سيكيورتي في اخبار انه بتفتح وحده من الثنتين ,,, ارجوو من اللي عنده خبر او اي شي يبلغ اخوانه ما يصير مشاهدات ع الفاضي ,, وشكرا
     
  3. وبالله نستعين

    وبالله نستعين بـترولـي نشيط جدا

    الله اعلم الي واثق منه انه الشركة تعاني من عجز في عدد الموظفين من مشغلين وسيكيورتية ومطافي الي مو متاكد منه متى ينزلون وظايف وانا مو متاكد منه بس الي متاكد في شواغر بالمطافي والامن والسلامة والمشغلين بس واضح انه الشركة تماطل وتتكبر كعادتها وعادت مسؤليها الاحباء لي متى الشيخ احمد الفهد مايرجع للنفط الرجل المناسب في المكان المناسب بس لاحياة لمن تنادي ا
     
  4. hamoood

    hamoood بـترولـي نشيط جدا

    438
    44
    28
    ذكر
    مطافي النفط قبل سنة قبلو 100 شخص و امن و سلامة قبل 4 شهور كنت اشوفهم مبلشين دورتهم بالاحمدي عددهم 314 دخلوهم على دفعات لانه ماتكفي لكلاسات يعني احتمال توه الناس على اعلانات الامن و السلامة و المطافي و سألو شركة خدمات القطاع النفطي يمكن فيه اعلانات قريبة و هم سألو البترول الوطنية اعلان مشغل حقل عندهم مو تسألون اهني لين متى تنطرون !
    و بالتوفيق ان شاء الله :)
     
  5. وبالله نستعين

    وبالله نستعين بـترولـي نشيط جدا

    انت متاكد حمود شلون ماقي ويقولون الشهر هذا او الي وراه فيه كلامك مو صحيح
     
  6. كاظم

    كاظم بـترولـي جـديـد

    9
    0
    0
    اخوي حمود كلامك فيه شي من الصحه لان اللي شفته رجال الامن والسلامه هم اخر دفعه من ال300 اللي جزئوهم وتقريبا خلصو وان شاء الله بيفتحون ولما تقول سألو نسال منو اخوي تروح يقولون لك تابع الجرايد م يقولون لك حتا تلميح
     
  7. hamoood

    hamoood بـترولـي نشيط جدا

    438
    44
    28
    ذكر
    اخوي و بالله نستعين انا مو قاعد اييب الكلام من كيفي , انا اشتغل بالمؤسسة و اعرف شوية معلومات عن اعلانات الشركات التابعة و ماقلت ماكو اعلان لمشغل حقل قلت سألو ال knpc لانه الاعلان من عندهم وبعدين اتوقع بيعشمونكم شوفو الجرايد و الجرايد انا لو اقول تروحون افضل من الاتصال على الاقل يعطونكم خبر اكيد بالضبط متى
    موفقين خير ان شاء الله
     
  8. وبالله نستعين

    وبالله نستعين بـترولـي نشيط جدا

    وتاليتها رحت اليوم ياحمود يابعد عمري والي بالشركة كل واحد يحذفني على الثاني ماكو شي روحة ورحت محد لقانا وجه انا بس اسال انت موظف انت الله لايهينك شوفلنا سو خير وقطه بحر ياخةي يابعد طوافي ياحمود وكمل جميلك نبيك تعين وتعاون يابعد طوايفي
     
  9. وبالله نستعين

    وبالله نستعين بـترولـي نشيط جدا

    رحت اليوم ماحصلت خبر كالعاده ولا في اي شي يقولون بالوقت الحالي بس الله يعين
     
  10. Mr.g5

    Mr.g5 بـترولـي جـديـد

    13
    0
    0
    يا اخون في البدايه اشكركم على الجهود الطيبه اللي تفيدكم وتفيد غيركم لاكن من عرفنا القطاع النفطي بتحديد

    محد يعرف الاعلانات جميع الوظايف متى تنزل السأل اللي يحيرني من اللي يعرف بما انكم مسؤلين وما عندكم علم او هل هو تخوف في تسريب معلومه

    واعتقد انها ماهي معلومه عسكريه حتى يتخوفون من تسريبها لاكن ما ورا الصبر ان شاءالله الا الفرج
     
  11. وبالله نستعين

    وبالله نستعين بـترولـي نشيط جدا

    انت امس سامع كلام العدساني لو سامعه جان زين يقولك ان شاء الله راح يتم تحديث الشركات ومباني الشركات وتوسعتها مما يؤدي الى توسيع المكان واكد ان راح يطلبون اعداد عمالة كويتية يعني بينزلون وظايف الاكيد المصدر قناة الوطن اخبار الاقتصاد
     
  12. عتيبي

    عتيبي بـترولـي نشيط

    115
    0
    0
    من عمر والقطاع النفطي قطاع الواسطات والمحسوبيات

    شباب اي واحد ينتظر هالوظيفة لازم تكون عنده واسطه تشق الارض غير هالكلام لاتتعب عمرك وتحاتي القبول

    انا قبل سنتين قدمت عالسيكيورتي نقعونا 8 شهور اخير شي ما انقبلت وانا كنت جايب واسطه مثل وجهي

    خلاصة الكلام اذا ما عندك واسطه روح كمل دراستك بمعاهد التطبيقي او دش العسكرية او توظف على نطام العقود بالبترول

    نصيحه اخويه عشان لا تضيع سنه من عمرك عالفاضي
     
  13. Mr.g5

    Mr.g5 بـترولـي جـديـد

    13
    0
    0
    عزالله الكلام في من الصحه لاكن اسأل مجرب يا خوك والله لرزاق بيد الله لو الوزير يقول انت مقبول

    وربك مو كاتب صدقني ما تدخل وتجربه ماهي مخسرتك ان شاءالله شي وحاول توزع اوراقك ولي مكتوب بتاخذه
     
  14. Mr.g5

    Mr.g5 بـترولـي جـديـد

    13
    0
    0
    يا اخوان عندي استفسار وابي رد يكون دقيق او متاكد من المعلومه

    تسجيل السكيورتي معروف ما يبون موظف و واضح من الاعلان الاخير

    لاكن وظيفة مشغل حقل شهادة الثانويه هل يسمح للموظف بتقديم ام لا
     
  15. وبالله نستعين

    وبالله نستعين بـترولـي نشيط جدا

    عتيبي انت وياك شهادة ولا بطالي ولا شنو :) ؟
     
  16. عتيبي

    عتيبي بـترولـي نشيط

    115
    0
    0
    انا عندي ثانوي

    انا موظف بالعقود بالبترول
     
  17. وبالله نستعين

    وبالله نستعين بـترولـي نشيط جدا

    مو ناوي تكمل بعد ولا بس وقفت عند الثانوي بلا عوار راس بلا شي :)
     
  18. عتيبي

    عتيبي بـترولـي نشيط

    115
    0
    0
    لا وانا خوك ناوي اكمل دراسه

    انا توني شباب عمري 20

    الدراسه ابرك من الوظيفه مليون مره

    واسال مجرب

    باختصار شوف معاهد التطبيقي وبالاخص " المعهد العالي للطاقه "

    يمدحون هالمعهد

    دبلوم سنتين ونص بعدين تتوظف في وزارة الكهربا راتبك اول مربوط 900 وكسور

    طبعا غير البدلات .

    بس عيب المعهد انك ما تقدر تكمل عالدبلوم اذا كانت شهادتك ادبي اما اذا كنت علمي تقدر تكمل هندسه


    يا شباب يا شباب يا شباب

    ترا اللي ما معه واسطه قويه قبوله صعب جدا جدا

    ابلغكم من الحين عشان ما تنصدمون مثلي :)


    وبالتوفيق للجميع
     
  19. وبالله نستعين

    وبالله نستعين بـترولـي نشيط جدا

    ناوي اكمل ان شاء الله الكورس الجاي بسجل السكرتارية باخذ دبلوم سنتين وانا مريح مالي خلق فيزياء وكيمياء مرة ثانية بس راسي مو ناقص والشركة تقبل سكرتارية وان شاء الله يخوك بكمل لاتحاتي والله الموفق
     
جاري تحميل الصفحة...

مشاركة هذه الصفحة