الي يداوم بالخفجي يقدر ينتقل اي جهة تابعة للمؤسسة ؟؟

الكاتب : bonajim | المشاهدات : 1,917 | الردود : 19 | ‏13 أغسطس 2013
  1. bonajim

    bonajim بـترولـي جـديـد

    38
    0
    0
    الي يداوم بالخفجي يقدر ينقل يروح صبحان مثلا ؟؟

    السلام عليكم

    اخواني حبيت اعرف الي موظف بنفط الخليج بالخفجي يقدر ينقل الى اي شركة تابعه للمؤسسة ؟ مثلا يروح نفط الكويت او مؤسسة بترول الي بشويخ او شركة البترول بالاحمدي او بصبحان ؟؟
     
  2. koq

    koq بـترولـي جـديـد

    5
    0
    0
    اللي اعرفه نعم ممكن ينقل الى اي شركة من شركات مؤسسة البترول (طبعا اذا شهادته تسمح للقبول في الشركة الي بينقل لها)

    واللي اعرفه و اللي اسمع فيه بعد ان التوجه لقيادات المؤسسة و الخفجي انهم ما يبون اهل الخفجي ينقلون لانهم محتاجينهم بالخفجي . هذا الكلام دايما نسمع عنه و هذا سبب الصعوبة في النقل من الخفجي الى الاحمدي او الوفرة .

    ولكن لو عندك عذر او هم محتاجينك او واسطة ، اتوقع النقل ممكن
     
  3. bonajim

    bonajim بـترولـي جـديـد

    38
    0
    0
    شكرا على الرد السريع اخي الكريم ولكن اتمنى يكون الجواب اكيد لان تخصصي ادارة وهالمرة راح يكون دوامي بعيد جدا عن سكني يعني كل يوم اطوف الحدود والوقت من 8 الى 4 يعني اقعد 5 الفجر وارجع 5 او 6 المغرب !! فمستحيل اتم على طول بالخفجي لان صج صعبة !!!
     
  4. bonajim

    bonajim بـترولـي جـديـد

    38
    0
    0
    الي يداوم بالخفجي يقدر ينقل للمؤسسة ؟؟

    السلام عليكم

    اخواني حبيت اعرف الي موظف بنفط الخليج بالخفجي يقدر ينقل الى اي شركة تابعه للمؤسسة ؟ مثلا يروح نفط الكويت او مؤسسة بترول نفسها الي بشويخ او شركة البترول بالاحمدي او بصبحان ؟؟

    وتخصصي دبلوم ادارة يكون دوامي بعيد جدا عن سكني يعني كل يوم اطوف الحدود ووقت الدوام من 8 الى 4 العصر يعني اقعد 5 الفجر وارجع 5 او 6 المغرب !! فمستحيل اتم على طول بالخفجي لان صج صعبة !!!
     
  5. Bos3ayd

    Bos3ayd بـترولـي مميز

    523
    4
    18
    شنسوي... كلنا نفس الحاله ولد عمي... بس تتعود مع الوقت
     
  6. bonajim

    bonajim بـترولـي جـديـد

    38
    0
    0
    اتعود اذا كان الدوام بالديرة ان شاء الله لو بالوفرة او العبدلي اوك بس بالخفجي !!!!!
     
  7. alawadhi88

    alawadhi88 بـترولـي جـديـد

    14
    0
    0
    السلام عليكم ورحمة الله وبركاته

    اخوي صعب تنقل من الخفجي لين الوفره لانه الخفجي عدد الموظفين قليل جدا بالنسبة حق حجم المنشأه والمشاريع المرتقب الشغل عليها...
    واذا ما تبي الخفجي ليش ما قدمت عالوفره بس ؟
    واهما راح يقولولك دامك قدمت عالخفجي عيل انته عارف انه دوامك بيكون دربه طويل وهذه مميزاته وعيوبه فنصيحتي لك ركز بدوامك وشد حيلك ولا تفكر بالنقل من الحين.. بسم الله توك...
     
  8. bonajim

    bonajim بـترولـي جـديـد

    38
    0
    0
    لان الخفجي اهم الي فاتحين اعلان توظيف والوفرة عمرهم مافتحو توظيف

    فسؤالي يقول اكو مرة صارت عملية نقل في القطاع البترولي من شركة الى شركة اخرى تابعة للمؤسسة ؟؟
     
  9. Bos3ayd

    Bos3ayd بـترولـي مميز

    523
    4
    18
    حبيبي دامك مصمم عيل اسمع الحجي ، لازم كتاب ترشيح حق الوظيفه من دائرة الموارد البشريه (المكان اللي بتروح له) وهذا الكتاب غالبا ما يطلع حق المنجريه وصاعد ، يعني موظفين جدد وايد صعبه ، اذا قدرت توقع الكتاب ، لازم يمر على مؤسسة البترول و يتوقع من المدير التنفيذي الحالي (نزار العدساني) ، بعد ما تاخذ الموافقه ، تروح توقعها من (علي الشمري) الرئيس التنفيذي الحالي لشركة نفط الخليج ولازم يعطيك فيها موافقه بعد...

    يعني موضوعك عند ثلاث اشخاص وكلمهم مدراء
    المدير التنفيذي للمكان الي بتروح له مثلا (koc)
    المدير التنفيذي للعمليات المشتركه
    المدير التنفيذي لمؤسسة البترول

    وانت عارف حجم الواسطه اللي اتكلم عنها عشان تتوقع اوراقك...

    موفق
     
  10. al-mohands

    al-mohands بـترولـي جـديـد

    48
    1
    8
    ENGINEER
    الكويت
    بالنسبه للمهندسين ممكن تحول لا كن بعد مده معينه اعتقد سنه او سنتين هذا علي كلام موظفين هناك. بس انا شخصيا ما اعرف احد حول.
     
  11. bonajim

    bonajim بـترولـي جـديـد

    38
    0
    0
    هههه والله حبطتني !! عالعموم مشكور عالرد ماقصرت جزاك الله خير
     
  12. bonajim

    bonajim بـترولـي جـديـد

    38
    0
    0
    شكرا على الرد ولكن انا مو مهندس انا اداري
     
  13. EngJarrah

    EngJarrah بـترولـي جـديـد

    19
    0
    0
    يابو نجم ليش هالشعور
    بالعكس انت وضعك بالخفجي عندك مميزات طيبه ما عند غيرك من الشركات والخير بقبال وثانيا الدوام 7:30 الى 7:40 يعني تطلع 6:15 وتوصل مرتاح
    والطلعه 2:45 مثل باقي الشركات يعني توصل بيتك 4 او 4:15 والوضع تتعود عليه :)



    وثانيا ارجو انك تتعود على الوضع وحط في بالك شباب واجد بالشركه راعيين روحات وجيات ودواووين :) بس عادي منظمين وقتهم
    والشركه حاسه بتعب الموظف عشان جذي قاعده تكافإه سنويا وتعوضه

    شد حيلك بالعمل ترا الشغل فيها حلو واذا ابدعت الشركه راح تعطيك
     
  14. hamoood

    hamoood بـترولـي نشيط جدا

    438
    44
    28
    ذكر

    انا نفس الحالة اداوم بالمؤسسة و ابي انتقل للشركات الي بالاحمدي اقرب للبيت قالي تيم ليدر بدائرة التوظيف لازم يمر على تعيينك 3 سنين و عقبها يصير تنقل عادي و هم صعبة تنطر 3 سنين اخر شي مايوافقون على النقل ! لانه لازم الشركة الي بتروحلها عندهم شاغر او مكان نقص هذا الي سمعته عقبها يوافقون على نقلك عندهم و عموما اخوي وصلني كلام تقدر تنقل على طول اذا عندك واسطه بدون اجراءات اتييبها من رئيس تنفيذي او عضو منتدب او حتى تيم ليدر اذا احد وافقلك على النقل و الله كريم موفق ان شاء الله
     
  15. alawadhi88

    alawadhi88 بـترولـي جـديـد

    14
    0
    0
    السلام عليكم ورحمة الله وبركاته

    اخوي بونجم اول شي حبيت اقولك انه الوفرة بعد تنزل اعلان مو بس الخفجي ... الاعلان الحالي اللي سكر قبل اسبوعين تقريبا صح كان حق الخفجي فقط لكن الاعلان اللي قبله كان حق الخفجي والوفره...

    الفرق الله يسلمك انه الخفجي تحتاج موظفين اكثر بوايد من الوفره عشان جذي نزلت اعلان ثاني بنفس السنه اما الوفره اذا تبي تنزل اعلان فاحتمال عالسنه اليايه... ونفس ماقال اخوي المهندس جراح....

    ترا انت بأقوى شركة بالقطاع النفطي من حيث المميزات والمستقبل...

    واذا عالتعب ترا موجود بكل الشركات النفطية اللي بالكويت ... وحتى لو نقلت مثلا لل koc راح اييك وقت تروح الشمال وهناك الدرب اطول من الخفجي ... انا اقولك شد حيلك ترا الخفجي مستقبل وصدقني راح تتعود ويكون عندك وقتك اللي تطلع فيه وتستانس ... اهم شي انك تكون متشجع حق الدوام لانك لو كنت شوي متحبط ماراح تعطي من قلب ... وهالشي ماراح يفيدك ليه جدام والله يوفقك يالزميل
     
  16. bonajim

    bonajim بـترولـي جـديـد

    38
    0
    0
    لو في مسار خاص بموظفي الشركة لعبور الحدود اهني اوك الامور طيبة لان احاتي سالفة الحدود لان لو عندهم زحمة جان انا كل يوم اتاخر عالدوام !!
     
  17. bonajim

    bonajim بـترولـي جـديـد

    38
    0
    0
    لو في مسار خاص بموظفي الشركة لعبور الحدود اهني اوك الامور طيبة لان احاتي سالفة الحدود لان لو عندهم زحمة جان انا كل يوم اتاخر عالدوام !!
     
  18. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    اخوي مافيه نقل بين الشركات الا باعلان داخلي لذوي الخبرة
    انت توك مقبول وتبي تنقل هذي مستحيل لو انت ولد العدساني ماتقدر
    امسك الوظيفة وداوم او اتركها لغيرك يحتاجها ويتمناها وسلامتك
     
  19. CasaBlanca

    CasaBlanca بـترولـي نشيط جدا

    158
    13
    18
    ذكر
    Kuwait
    وعليكم السلام ورحمة الله وبركاته


    الله يعينك ويصبرك


    واذا بتنقل تقدر بالواسطه


    كل شي يصير حتى لو ماكان قانوني

    الله يوفقك
     
  20. lovers33

    lovers33 بـترولـي جـديـد

    26
    0
    1
    باختصار شديد مافي شي اسمه نقل او تحويل حتى من الخفجي للوفرة او للاحمدي, يعني لازم يجيك عرض من الشركة اللي تبيها وتقدم استقالتك وتروح غيره انسى الموضوع, ونصيحتى اقضب مجنونك لا يجيك اللي اجن منه
     
جاري تحميل الصفحة...

مشاركة هذه الصفحة