استفسار .. ؟

الكاتب : Kuwaity77 | المشاهدات : 693 | الردود : 4 | ‏12 أغسطس 2013
  1. Kuwaity77

    Kuwaity77 بـترولـي جـديـد

    28
    0
    0
    يا جماعه انا قدمت اوراقي عن طريق الانترنت لدبلوم المحاسبة.. قالوا بندق عليكم بعد العيد.. انتهى العيد وليلحين ما دقوا.. اقدر اعرف متى يدقون بالضبط؟ وشلون طريقة الاختبارات..

    وبالنسبة للراتب.. هل تقدرون تفيدوني جم الصافي راح يكون ؟ و اذا بالخفجي ولا الوفرة... مشكورين مقدما .. ارجو الرد للأهمية يا جماعة.. قدرو اللي قاعدين يدورون وظايف .. و شكراً
     
  2. EngJarrah

    EngJarrah بـترولـي جـديـد

    19
    0
    0
    اخر سطر خلاني ارد ولا بغيت اسوي عوده :)

    دام قالو قبل العبد انتظر ودق بين فتره وفتره

    والراتب : راتب قطاع نفطي :)
     
  3. Kuwaity77

    Kuwaity77 بـترولـي جـديـد

    28
    0
    0
    مشكور اخوي عالرد.. فعلا دقيت و سألتهم قالو نتصل بعد فتره.. و الدوام بالخفجي.. و بالنسبه للراتب ..

    اللي عنده دبلوم و يداوم بالقطاع النفطي في الاحمدي ياخذ 1200


    لكن بالنسبه للي بالوفره والخفجي.. سمعت ان اللي بالوفره لهم بدل طريق زياده.. لكن الخفجي لأ..

    و صراحه ماعتقد في احد يشتغل بالخفجي مقابل 1200 فقط؟ ف سؤالي هل في بدل اخر ولا شي غير الـ 1200 بالنسبه للي دوامه بالخفجي؟؟

    ارجو الرد للأهمية
     
  4. alawadhi88

    alawadhi88 بـترولـي جـديـد

    14
    0
    0
    السلام عليكم ورحمة الله وبركاته
    اخوي انا بفيدك باللي اعرفه

    انا انقبلت بالاعلان الاخير.. انا شهادتي دبلوم هندسة ميكانيكيه.. اول شي على سالفة بدل الطريج صحيح الوفره ياخذون والخفجي لا.. لكن اكو اخبار حلوه بعد ما تغير قانون الشؤون من وزير الشؤون الكويتي وعلى اساسه الحين نقدر نطالب ببدل طريج وراح يكون انشالله اذا صار هالانجاز دبل اللي ياخذه موظف الوفره ... وعلى طاري الراتب انا حاليا بدوره لمدة 9 شهور وماعرف كل البدلات اللي اخذها بس بقولك اللي متأكد منه واللي حسبولي ياه لما كملت اوراقي


    اول شي انا توظفت على قريد 9 بالخفجي و يعادل 10 بالكويت ... نستلم 3 رواتب من 3 جهات مختلفه وانا بحسبلك الراتب اذا كنت متزوج وما عندك عيال على وضعي ...

    الراتب الاول من السعودية يعطونك تقريبا 820 دينار
    الراتب الثاني من نفط الخليج الكويت يعطونك 1432 دينار
    الراتب الثالث من وزارة النفط الكويتيه يعطونك 350 دينار ولو كان عندك عيال اقل شي 2 يعطونك 450

    وقبل شهر طلع قرار انه ناخذ بدل طبيعة عمل 200 دينار لكن احنا الحين بالدوره نستلم بس 75 دينار

    يعني الراتب للدبلوم متزوج قبل قص التأمينات 2500 وخرده طبعا ليلحين ما حسبنا البدلات الباجيه مثل بدل شفت وبدل خطر والبدلات الثانيه اللي ماعرفها

    يعني المميزات المادية تفرحك وزياده واللي يقولك غير هالكلام اسمحلي يا انه ما يبيلك الخير او انه جذاب او مايعرف وين الله قاطه

    مميزات الخفجي واايد قويه يعني حتى لو فيها تعب شوي لكن المميزات تخليك تغض النظر عن التعب... طبعا انت ادرى ياخوي انه مايصير معاش قوي حيل ومميزات قويه ودوام سهاله... واللي يقول تعب وتعب وتعب.. قوله خلاص انتقل للقطاع الحكومي وارتاح وشوف رده....

    انا اقولك توكل على الله ومالك من كلام الناس اللي يفتوون وايد لان ما يعجبهم العجب... وترا على فكرة التعب بسس بالدرب يعني تقدر اذا تزوجت تنتقل للسكن بالمناطق القريبه مثل المنطقة العاشره وهناك الدرب حيل سهاله .. واتمنى اني قدرت افيدك والله يوفقك
     
  5. Kuwaity77

    Kuwaity77 بـترولـي جـديـد

    28
    0
    0
    مشكور يالغالي وعسى الله يوفقك
     
جاري تحميل الصفحة...

مشاركة هذه الصفحة